165. කණිකාරච්ඡදනියත්ථෙරාපදානං.
2072. වෙස්සභූ නාම සම්බුද්ධො ලොකජෙට්ඨො නරාසභො,
දිවාවිහාරාය මුනි ඔභාහිත්ථ මහාවනං.
දිවාවිහාරාය මුනි ඔභාහිත්ථ මහාවනං.
2073. කණිකාරං ඔචිනිත්වා ඡත්තං කත්වානහං තද,
පුප්ඵච්ඡදනං කත්වාන බුද්ධස්ස අභිරොපයිං.
පුප්ඵච්ඡදනං කත්වාන බුද්ධස්ස අභිරොපයිං.
2074. එකතිංසෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2075. ඉතො වීසතිකප්පම්හි සොණ්ණාභා අට්ඨඛත්තියා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2076. පටිසම්භිදා චතස්සො විමොක්ඛාපි ච අට්ඨමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කණිකාරච්ඡදනියො ථෙරො ඉමා ගාථායො අභාසිත්ථාති.
කණිකාරච්ඡදනියත්ථෙරස්ස අපදානං පඤ්චමං.
166. සප්පිදායකත්ථෙරාපදානං.
2077. ඵුස්සො නාමාථ භගවා ආහුතීනං පටිග්ගහො,
ගච්ඡතෙ වීථියං වීරො නිබ්බාපෙන්තො මහාජනං.
ගච්ඡතෙ වීථියං වීරො නිබ්බාපෙන්තො මහාජනං.
2078. අනුපුබ්බෙන භගවා ආගච්ඡි මම සන්තිකං,
තතොහං පත්තං පග්ගය්හ සප්පිතෙලං අදාසහං.
තතොහං පත්තං පග්ගය්හ සප්පිතෙලං අදාසහං.
2079. ද්වෙ නවුතෙ ඉතො කප්පෙ යං සප්පිමදදිං තදා,
දුග්ගතිං නාභිජානාමි සප්පිදානස්සිදං ඵලං.
දුග්ගතිං නාභිජානාමි සප්පිදානස්සිදං ඵලං.
2080. ඡප්පඤ්ඤාසෙ ඉතො කප්පෙ එකො ආසිං සමොදකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2081. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සප්පිදායකො ථෙරො ඉමා ගාථායො අභාසිත්ථාති.
සප්පිදායකත්ථෙරස්ස අපදානං ඡට්ඨං.
167. යූථිකාපුප්ඵියත්ථෙරාපදානං.
2082. චන්දභාගානදීතීරෙ අනුසොතං වජාමහං,
සයම්භුං අද්දසං තත්ථ සාලරාජං’ව ඵුල්ලිතං.
සයම්භුං අද්දසං තත්ථ සාලරාජං’ව ඵුල්ලිතං.
2083. පුප්ඵං යූථිකමාදාය උපගච්ඡිං මහාමුනිං,
පසන්නචිත්තො සුමනො බුද්ධස්ස අභිරොපයිං.
පසන්නචිත්තො සුමනො බුද්ධස්ස අභිරොපයිං.
2084. චතුනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2085. සත්තසට්ඨිම්හි‘තො කප්පෙ එකො සමුද්ධරො අහුං,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2086. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා යූථිකාපුප්ඵියො ථෙරො ඉමා ගාථායො අභාසිත්ථාති.
යූථිකාපුප්ඵියත්ථෙරස්ස අපදානං සත්තමං.
168. දුස්සදායකත්ථෙරාපදානං.
2087. තීවරායං පුරෙ රම්මෙ රාජපුත්තො අහං තදා,
පණ්ණාකාරං ලභිත්වාන උපසන්තස්ස’දාසහං.
පණ්ණාකාරං ලභිත්වාන උපසන්තස්ස’දාසහං.
2088. අධිවාසෙසි භගවා වත්ථං හත්ථෙන ආමසි,
සිද්ධත්ථො අධිවාසෙත්වා වෙහාසං නභමුග්ගමී.
සිද්ධත්ථො අධිවාසෙත්වා වෙහාසං නභමුග්ගමී.
2089. බුද්ධස්ස ගච්ඡමානස්ස දුස්සා ධාවන්ති පච්ඡතො,
තත්ථ චිත්තං පාසාදෙසුං බුද්ධො නො අග්ගපුග්ගලො.
තත්ථ චිත්තං පාසාදෙසුං බුද්ධො නො අග්ගපුග්ගලො.
2090. චතුනවුතෙ ඉතො කප්පෙ යංදු ස්සමදදිං තදා,
දුග්ගතිං නාභිජානාමි දුස්සදානස්සිදං ඵලං.
දුග්ගතිං නාභිජානාමි දුස්සදානස්සිදං ඵලං.
2091. සත්තසට්ඨිම්හි’තො කප්පෙ චක්කවත්තී තදා අහුං,
පරිසුද්ධොති නාමෙන මනුජින්දො මහබ්බලො.
පරිසුද්ධොති නාමෙන මනුජින්දො මහබ්බලො.
2092. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා දුස්සදායකො ථෙරො ඉමා ගාථායො අභාසිත්ථාති.
දුස්සදායකත්ථෙරස්ස අපදානං අට්ඨමං.
169. සමාදපකත්ථෙරාපදානං.
2093. නගරෙ බන්ධුමතියා මහාපූගගණො අහු,
තෙසාහං පවරො ආසිං මම බද්ධවරා ච තෙ.
තෙසාහං පවරො ආසිං මම බද්ධවරා ච තෙ.
2094. තෙ සබ්බෙ සන්නිපාතෙත්වා පුඤ්ඤකම්මෙ සමාදයිං,
මාලං කස්සාම සඞ්ඝස්ස පුඤ්ඤක්ඛෙත්තමනුත්තරං.
මාලං කස්සාම සඞ්ඝස්ස පුඤ්ඤක්ඛෙත්තමනුත්තරං.
2095. සාධූ’ති තෙ පටිස්සුත්වා මම ඡන්දවසානුගා,
නිට්ඨාපෙසුං ච තං මාලං විපස්සිස්ස අදම්හසෙ.
නිට්ඨාපෙසුං ච තං මාලං විපස්සිස්ස අදම්හසෙ.