163. ඛජ්ජකදායකත්ථෙරාපදානං.
2062. තිස්සස්ස ඛො භගවතො පුබ්බෙ ඵලමදාසහං,
නාළිකෙරඤ්ච පාදාසිං ඛජ්ජකං අභිසම්මතං.
නාළිකෙරඤ්ච පාදාසිං ඛජ්ජකං අභිසම්මතං.
2063. බුද්ධස්ස තමහං දත්වා තිස්සස්ස තු මහෙසිනො,
මොදාමහං කාමකරී උපපජ්ජිං යදිච්ඡකං.
මොදාමහං කාමකරී උපපජ්ජිං යදිච්ඡකං.
2064. ද්වෙ නවුතෙ ඉතො කප්පෙ යං දානමදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
2065. ඉතො තෙරසකප්පම්හි රාජා ඉන්දසමො අහුං,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2066. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ඛජ්ජකදායකො ථෙරො ඉමා ගාථායො අභාසිත්ථාති.
ඛජ්ජකදායකත්ථෙරස්ස අපදානං තතියං.
164. දෙසපූජකත්ථෙරාපදානං.
2067. අත්ථදස්සී තු භගවා ලොකජෙට්ඨො නරාසභො,
අබ්භුග්ගන්ත්වාන වෙහාසං ගච්ඡතෙ අනිලඤ්ජසෙ.
අබ්භුග්ගන්ත්වාන වෙහාසං ගච්ඡතෙ අනිලඤ්ජසෙ.
2068. යම්හි දෙසෙ ඨිතො සත්ථා අබ්භුග්ගඤ්ඡි මහාමුනි,
තාහං දෙසං අපූජෙසිං පසන්නො සෙහි පාණිහි.
තාහං දෙසං අපූජෙසිං පසන්නො සෙහි පාණිහි.
2069. අට්ඨාරසෙ කප්පසතෙ අද්දසං යං මහාමුනිං,
දුග්ගතිං නාභිජානාමි දෙසපූජායිදං ඵලං.
දුග්ගතිං නාභිජානාමි දෙසපූජායිදං ඵලං.
2070. එකාදසෙ කප්පසතෙ ගොසුජාත සනාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2071. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා දෙසපූජකො ථෙරො ඉමා ගාථායො අභාසිත්ථාති.
දෙසපූජකත්ථෙරස්ස අපදානං චතුත්ථං.
165. කණිකාරච්ඡදනියත්ථෙරාපදානං.
2072. වෙස්සභූ නාම සම්බුද්ධො ලොකජෙට්ඨො නරාසභො,
දිවාවිහාරාය මුනි ඔභාහිත්ථ මහාවනං.
දිවාවිහාරාය මුනි ඔභාහිත්ථ මහාවනං.
2073. කණිකාරං ඔචිනිත්වා ඡත්තං කත්වානහං තද,
පුප්ඵච්ඡදනං කත්වාන බුද්ධස්ස අභිරොපයිං.
පුප්ඵච්ඡදනං කත්වාන බුද්ධස්ස අභිරොපයිං.
2074. එකතිංසෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2075. ඉතො වීසතිකප්පම්හි සොණ්ණාභා අට්ඨඛත්තියා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2076. පටිසම්භිදා චතස්සො විමොක්ඛාපි ච අට්ඨමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කණිකාරච්ඡදනියො ථෙරො ඉමා ගාථායො අභාසිත්ථාති.
කණිකාරච්ඡදනියත්ථෙරස්ස අපදානං පඤ්චමං.
166. සප්පිදායකත්ථෙරාපදානං.
2077. ඵුස්සො නාමාථ භගවා ආහුතීනං පටිග්ගහො,
ගච්ඡතෙ වීථියං වීරො නිබ්බාපෙන්තො මහාජනං.
ගච්ඡතෙ වීථියං වීරො නිබ්බාපෙන්තො මහාජනං.
2078. අනුපුබ්බෙන භගවා ආගච්ඡි මම සන්තිකං,
තතොහං පත්තං පග්ගය්හ සප්පිතෙලං අදාසහං.
තතොහං පත්තං පග්ගය්හ සප්පිතෙලං අදාසහං.
2079. ද්වෙ නවුතෙ ඉතො කප්පෙ යං සප්පිමදදිං තදා,
දුග්ගතිං නාභිජානාමි සප්පිදානස්සිදං ඵලං.
දුග්ගතිං නාභිජානාමි සප්පිදානස්සිදං ඵලං.
2080. ඡප්පඤ්ඤාසෙ ඉතො කප්පෙ එකො ආසිං සමොදකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2081. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සප්පිදායකො ථෙරො ඉමා ගාථායො අභාසිත්ථාති.
සප්පිදායකත්ථෙරස්ස අපදානං ඡට්ඨං.
167. යූථිකාපුප්ඵියත්ථෙරාපදානං.
2082. චන්දභාගානදීතීරෙ අනුසොතං වජාමහං,
සයම්භුං අද්දසං තත්ථ සාලරාජං’ව ඵුල්ලිතං.
සයම්භුං අද්දසං තත්ථ සාලරාජං’ව ඵුල්ලිතං.
2083. පුප්ඵං යූථිකමාදාය උපගච්ඡිං මහාමුනිං,
පසන්නචිත්තො සුමනො බුද්ධස්ස අභිරොපයිං.
පසන්නචිත්තො සුමනො බුද්ධස්ස අභිරොපයිං.