170. පඤ්චඞ්ගුලියත්ථෙරාපදානං.
2099. තිස්සො නාමාසි භගවා ලොකජෙට්ඨො නරාසභො,
පවිසන්තං ගන්ධකුටිං විහාරකුසලං මුනිං.
පවිසන්තං ගන්ධකුටිං විහාරකුසලං මුනිං.
2100. සුගන්ධමාලමාදාය අගමාසිං ජිනන්තිකං,
අප්පසද්දො’ව සම්බුද්ධෙ පඤ්චඞ්ගුලිමදාසහං.
අප්පසද්දො’ව සම්බුද්ධෙ පඤ්චඞ්ගුලිමදාසහං.
2101. ද්වෙ නවුතෙ ඉතො කප්පෙ යං ගන්ධමභිරොපයිං,
දුග්ගතිං නාභිජානාමි පඤ්චඞ්ගුලිස්සිදං ඵලං.
දුග්ගතිං නාභිජානාමි පඤ්චඞ්ගුලිස්සිදං ඵලං.
2102. ද්වෙ සත්තතිම්හි’තො කප්පෙ රාජා ආසි සයම්පභො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2103. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පඤ්චඞ්ගුලියො ථෙරො ඉමා ගාථායො අභාසිත්ථාති.
පඤ්චඞ්ගුලියත්ථෙරස්ස අපදානං දසමං.
උද්දානං:
සුපාරිචාරී කණවෙරී ඛජ්ජකො දෙසපූජකො,
කණිකාරො සප්පිදදො යූථිකො දුස්සදායකො
මාලො ච පඤ්චඞ්ගුලිකො චතුපඤ්ඤාස ගාථකාති.
කණිකාරො සප්පිදදො යූථිකො දුස්සදායකො
මාලො ච පඤ්චඞ්ගුලිකො චතුපඤ්ඤාස ගාථකාති.
සුපාරිචරියවග්ගො සත්තරසමො.
18. කුමුදවග්ගො
171. කුමුදමාලියත්ථෙරාපදානං
2104. පබ්බතෙ හිමවන්තම්හි මහාජාතස්සරො අහු,
තත්ථජො රක්ඛසො ආසිං ඝොරරූපො මහබ්බලො.
තත්ථජො රක්ඛසො ආසිං ඝොරරූපො මහබ්බලො.
2105. කුමුදං පුප්ඵතෙ තත්ථ චක්කමත්තානි ජායරෙ,
ඔචිනාමි ච තං පුප්ඵං ඛලිතො සමිතී තදා.
ඔචිනාමි ච තං පුප්ඵං ඛලිතො සමිතී තදා.
2106. අත්ථදස්සී තු භගවා දිපදින්දො නරාසභො,
පුප්ඵං සමොචිතං දිස්වා ආගච්ඡි මම සන්තිකං.
පුප්ඵං සමොචිතං දිස්වා ආගච්ඡි මම සන්තිකං.
2107. උපාගතඤ්ච සම්බුද්ධං දෙවදෙවං නරාසභං,
සඞ්ගම්ම පුප්ඵං පග්ගය්හ බුද්ධස්ස අභිරොපයිං.
සඞ්ගම්ම පුප්ඵං පග්ගය්හ බුද්ධස්ස අභිරොපයිං.
2108. යාවතා හිමවන්තන්තා පරිසා සා තදා අහු,
තාවච්ඡදනසම්පන්නො අගමාසි තථාගතො.
තාවච්ඡදනසම්පන්නො අගමාසි තථාගතො.
2109. අට්ඨාරසෙ කප්පසතෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2110. ඉතො පණ්ණරසෙ කප්පෙ සත්තාහෙසුං ජනාධිපා,
සහස්සරථනාමා තෙ චක්කවත්තී මහබ්බලා.
සහස්සරථනාමා තෙ චක්කවත්තී මහබ්බලා.
2111. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කුමුදමාලියො ථෙරො ඉමා ගාථායො අභාසිත්ථාති.
කුමුදමාලියත්ථෙරස්ස අපදානං පඨමං.
172. නිස්සෙණිදායකත්ථෙරාපදානං.
2112. කොණ්ඩඤ්ඤස්ස භගවතො ලොකජෙට්ඨස්ස තාදිනො,
ආරොහත්ථාය පාසාදං නිස්සෙණී කාරිතා මයා.
ආරොහත්ථාය පාසාදං නිස්සෙණී කාරිතා මයා.
2113. තෙන චිත්තප්පසාදෙන අනුභොත්වාන සම්පදා,
ධාරෙමි අන්තිමං දෙහං සම්මාසම්බුද්ධසාසනෙ.
ධාරෙමි අන්තිමං දෙහං සම්මාසම්බුද්ධසාසනෙ.
2114. එකතිංසම්භි කප්පානං සහස්සම්හි තයො අහූ,
සම්බහුලා නාම රාජානො චක්කවත්තී මහබ්බලා.
සම්බහුලා නාම රාජානො චක්කවත්තී මහබ්බලා.
2115. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා නිස්සෙණිදායකො ථෙරො ඉමා ගාථායො අභාසිත්ථාති.
නිස්සෙණිදායකත්ථෙරස්ස අපදානං දුතියං.
173. රත්තිපුප්ඵියත්ථෙරාපදානං.
2116. මිගලුද්දො පුරෙ ආසිං අරඤ්ඤෙ කානනෙ අහං,
විපස්සිං අද්දසං බුද්ධං දෙවදෙවං නරාසභං.
විපස්සිං අද්දසං බුද්ධං දෙවදෙවං නරාසභං.
2117. රත්තිකං පුප්ඵිතං දිස්වා කුටජං ධරණීරුහං,
සමූලං පග්ගහෙත්වාන උපනෙසිං මහෙසිනො.
සමූලං පග්ගහෙත්වාන උපනෙසිං මහෙසිනො.
2118. එකනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි පුප්ඵදානස්සිදං ඵලං.
දුග්ගතිං නාභිජානාමි පුප්ඵදානස්සිදං ඵලං.