152. තම්බපුප්ඵියත්ථෙරාපදානං.
1999. පරකම්මායනෙ යුත්තො අපරාධං අකාසහං,
වනන්තං අතිධාවිස්සං භයභෙරවසමප්පිතො.
වනන්තං අතිධාවිස්සං භයභෙරවසමප්පිතො.
2000. පුප්ඵිතං පාදපං දිස්වා පිණ්ඩිබද්ධං සුනිම්මිතං,
තම්බපුප්ඵං ගහෙත්වාන බොධියං ඔකිරිං අහං.
තම්බපුප්ඵං ගහෙත්වාන බොධියං ඔකිරිං අහං.
2001. සම්මජ්ජිත්වාන තං බොධිං පාටලීපාදපුත්තමං,
පල්ලඞ්කං ආභුජිත්වාන බොධිමූලෙ උපාවිසිං.
පල්ලඞ්කං ආභුජිත්වාන බොධිමූලෙ උපාවිසිං.
2002. ගතමග්ගං ගවෙසන්තො ආගච්ඡුං මම සන්තිකං,
තෙ ච දිස්වාන’හං තත්ථ ආචජ්ජං බොධිමුත්තමං.
තෙ ච දිස්වාන’හං තත්ථ ආචජ්ජං බොධිමුත්තමං.
2003. වන්දිත්වා ච අහං බොධිං විප්පසන්නෙන චෙතසා,
අනෙකතාලෙ පපතිං ගිරිදුග්ගෙ භයානකෙ.
අනෙකතාලෙ පපතිං ගිරිදුග්ගෙ භයානකෙ.
2004. එකනවුතෙ ඉතො කප්පෙ යං පුප්ඵමභිරොපයි,
දුග්ගතිං නාභිජානාමි බොධිපූජායිදං ඵලං.
දුග්ගතිං නාභිජානාමි බොධිපූජායිදං ඵලං.
2005. ඉතො ච තතියෙ කප්පෙ රාජා සුසඤ්ඤතො අහං,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2006. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තම්බපුප්ඵියො ථෙරො ඉමා ගාථායො අභාසිත්ථාති.
තම්බපුප්ඵියත්ථෙරස්ස අපදානං දුතියං.
153. විථිසම්මජ්ජකත්ථෙරාපාදනං.
2007. උදෙන්තං සතරංසිංව පීතරංසිංව භානුමං,
පණ්ණරසෙ යථා චන්දං නිය්යන්තං ලොකනායකං.
පණ්ණරසෙ යථා චන්දං නිය්යන්තං ලොකනායකං.
2008. අට්ඨසට්ඨිසහස්සානි සබ්බෙ ඛීණාසවා අහූ,
පරිවාරිංසු සම්බුද්ධං දිපදින්දං නරාසභං.
පරිවාරිංසු සම්බුද්ධං දිපදින්දං නරාසභං.
2009. සම්මජ්ජිත්වාන තං වීථිං නීයන්තෙ ලොකනායකෙ,
උස්සාපෙසිං ධජං තථෙ විප්පසන්නෙන චෙතසා.
උස්සාපෙසිං ධජං තථෙ විප්පසන්නෙන චෙතසා.
2010. එකනවුතෙ ඉතො කප්පෙ යං ධජං අභිරොපයිං,
දුග්ගතිං නාභිජානාමි ධජදානස්සිදං ඵලං.
දුග්ගතිං නාභිජානාමි ධජදානස්සිදං ඵලං.
2011. ඉතො චතුත්ථකෙ කප්පෙ රාජා’හොසිං මහබ්බලො,
සබ්බාකාරෙන සම්පන්නො සුධජො ඉති විස්සුතො.
සබ්බාකාරෙන සම්පන්නො සුධජො ඉති විස්සුතො.
2012. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා විථිසම්මජ්ජකො ථෙරො ඉමා ගාථායො අභාසිත්ථාති.
වීථිසම්මජ්ජකත්ථෙරස්ස අපදානං තතියං.
154. කක්කාරුපූජකත්ථෙරාපදානං.
2013. දෙවපුත්තො අහං සන්තො පූජයිං සිඛිනායකං,
කක්කාරුපුප්ඵං පග්ගය්හ බුද්ධස්ස අභිරොපයිං.
කක්කාරුපුප්ඵං පග්ගය්හ බුද්ධස්ස අභිරොපයිං.
2014. එකතිංසෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2015. ඉතො ච නවමෙ කප්පෙ රාජා සත්තුත්තමො අහුං,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2016. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කක්කාරුපූජකො ථෙරො ඉමා ගාථායො අභාසිත්ථාති.
කක්කාරුපූජකත්ථෙරස්ස අපදානං චතුත්ථං.
155. මන්දාරවපූජකත්ථෙරාපදානං.
2017. දෙවපුත්තො අහං සන්තො පූජෙසිං සිඛිනායකං,
මන්දාරවෙන පුප්ඵෙන බුද්ධස්ස අභිරොපයිං.
මන්දාරවෙන පුප්ඵෙන බුද්ධස්ස අභිරොපයිං.
2018. සත්තාහං ඡදනං ආසි දිබ්බං මාල්යං තථාගතෙ,
සබ්බෙ ජනා සමාගන්ත්වා නමස්සිංසු තථාගතං.
සබ්බෙ ජනා සමාගන්ත්වා නමස්සිංසු තථාගතං.
2019. එකතිංසෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2020. ඉතො ච දසමෙ කප්පෙ රාජා’හොසිං ජුතින්ධරො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2021. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා මන්දාරවපූජකො ථෙරො ඉමා ගාථායො අභාසිත්ථාති.
මන්දාරවපූජකත්ථෙරස්ස අපදානං පඤ්චමං.
156. කදම්බපුප්ඵියත්ථෙරාපදානං.
2022. හිමවන්තස්ස අවිදූරෙ කුක්කුටො නාම පබ්බතො,
තම්හි පබ්බතපාදම්හි සත්තබුද්ධා වසන්ති තෙ.
තම්හි පබ්බතපාදම්හි සත්තබුද්ධා වසන්ති තෙ.
2023. කදම්බං පුප්ඵිතං දිස්වා දීපරාජං’ව උග්ගතං,
උභොහත්ථෙහි පග්ගය්හ සත්තබුද්ධෙ සමොකිරිං.
උභොහත්ථෙහි පග්ගය්හ සත්තබුද්ධෙ සමොකිරිං.
2024. චතුනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2025. ද්වෙ නවුතෙ ඉතො කප්පෙ සත්තාසුං පුප්ඵනාමකා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2026. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කදම්බපුප්ඵියො ථෙරො ඉමා ගාථායො අභාසිත්ථාති.
කදම්බපුප්ඵියත්ථෙරස්ස අපදානං ඡට්ඨං.