146. අනුලෙපදායකත්ථෙරාපදානං.
1966. අනොමදස්සීමුනිනො බොධිවෙදිමකාස’හං,
සුධාය පිණ්ඩං දත්වාන පාතිකම්මමකාය හං.
සුධාය පිණ්ඩං දත්වාන පාතිකම්මමකාය හං.
1967. දිස්වා තං සුකතං කම්මං අනොමදස්සී නරුත්තමො,
භික්ඛුසංඝෙ ඨිතො සත්ථා ඉමා ගාථා අභාසථ:
භික්ඛුසංඝෙ ඨිතො සත්ථා ඉමා ගාථා අභාසථ:
1968. “ඉමිනා සුධාකම්මෙන චෙතනාපණිධීහි ච,
සම්පත්තිං අනුභොත්වාන දුක්ඛස්සන්තං කරිස්සති.”
සම්පත්තිං අනුභොත්වාන දුක්ඛස්සන්තං කරිස්සති.”
1969. පසන්න මුඛවණ්ණොම්හි එකග්ගො සුසමාහිතො,
ධාරෙමි අන්තිමං දෙහං සම්මාසම්බුද්ධසාසනෙ.
ධාරෙමි අන්තිමං දෙහං සම්මාසම්බුද්ධසාසනෙ.
1970. ඉතො කප්පසතෙ ආසිං පරිපුණ්ණෙ අනූනකෙ,
රාජා සබ්බඝනො නාම චක්කවත්තී මහබ්බලො.
රාජා සබ්බඝනො නාම චක්කවත්තී මහබ්බලො.
1971. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා අනුලෙපදායකො ථෙරො ඉමා ගාථායො අභාසිත්ථාති.
අනුලෙපදායකත්ථෙරස්ස අපදානං ඡට්ඨං.
147. මග්ගදායකත්ථෙරාපදානං
1972. උත්තරිත්වාන නදිකං වනං ගච්ඡති චක්ඛුමා,
තමද්දසාසිං සම්බුද්ධං සිද්ධත්ථං වරලක්ඛණං.
තමද්දසාසිං සම්බුද්ධං සිද්ධත්ථං වරලක්ඛණං.
1973. කුද්දාලපිටකමාදාය සමං කත්වාන තං පථං,
සත්ථාරං අභිවාදෙත්වා සකං චිත්තං පසාදයිං.
සත්ථාරං අභිවාදෙත්වා සකං චිත්තං පසාදයිං.
1974. චතුනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි මග්ගදානස්සිදං ඵලං.
දුග්ගතිං නාභිජානාමි මග්ගදානස්සිදං ඵලං.
1975. සත්තපඤ්ඤාසකප්පම්හි එකො ආසිං ජනාධිපො,
නාමෙන සුප්පබුද්ධොති නායකො සො නරිස්සරො.
නාමෙන සුප්පබුද්ධොති නායකො සො නරිස්සරො.
1976. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා මග්ගදායකො ථෙරො ඉමා ගාථායො අභාසිත්ථාති.
මග්ගදායකත්ථෙරස්ස අපදානං සත්තමං.
148. ඵලකදායකත්ථෙරාපදානං.
1977. යානකාරො පුරෙ ආසිං දාරුකම්මෙ සුසික්ඛිතො,
චන්දනං ඵලකං කත්වා අදාසිං ලොකබන්ධුනො.
චන්දනං ඵලකං කත්වා අදාසිං ලොකබන්ධුනො.
1978. පභාසති ඉදං ව්යම්හං සුවණ්ණස්ස සුනිම්මිතං,
හත්ථියානං අස්සයානං දිබ්බයානං උපට්ඨිතං.
හත්ථියානං අස්සයානං දිබ්බයානං උපට්ඨිතං.
1979. පාසාදා සිවිකා චෙව නිබ්බත්තන්ති යදිච්ඡකං,
අක්ඛොභං රතනං මය්හං ඵලකස්ස ඉදං ඵලං.
අක්ඛොභං රතනං මය්හං ඵලකස්ස ඉදං ඵලං.
1980. එකනවුතෙ ඉතො කප්පෙ ඵලකං යමහං දදිං,
දුග්ගතිං නාභිජානාමි ඵලකස්ස ඉදං ඵලං.
දුග්ගතිං නාභිජානාමි ඵලකස්ස ඉදං ඵලං.
1981. සත්තපඤ්ඤාසකප්පම්හි චතුරො නිම්මිතව්හයා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
1982. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා ඵලකදායකො ථෙරො ඉමා ගාථායො අභාසිත්ථාති.
ඵලකදායකත්ථෙරස්ස අපදානං අට්ඨමං.
149. වටංසකියත්ථෙරාපදානං
1983. සුමෙධො නාම නාමෙන සයම්භූ අපරාජිතො,
විවෙකමනුබ්රූහන්තො අජ්ඣොගාහි මහාවනං.
විවෙකමනුබ්රූහන්තො අජ්ඣොගාහි මහාවනං.
1984. සලලං පුප්ඵිතං දිස්වා ගන්ථිත්වාන වටංසකං,
බුද්ධස්ස අභිරොපෙසිං සම්මුඛා ලොකනායකං.
බුද්ධස්ස අභිරොපෙසිං සම්මුඛා ලොකනායකං.
1985. තිංසකප්පසහස්සම්හි යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
1986. ඌනවීසෙ කප්පසතෙ සොළසාසිංසු නිම්මිතා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
1987. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා වටංසකියො ථෙරො ඉමා ගාථායො අභාසිත්ථාති.
වටංසකියත්ථෙරස්ස අපදානං නවමං.
150. පල්ලඞ්කදායකත්ථෙරාපදානං
1988. සුමෙධස්ස භගවතො ලොකජෙට්ඨස්ස තාදිනො,
පල්ලඞ්කො හි මයා දින්නො සඋත්තර සපච්ඡදො.
පල්ලඞ්කො හි මයා දින්නො සඋත්තර සපච්ඡදො.
1989. සත්තරතනසම්පන්නො පල්ලඞ්කො ආසි සො තදා,
මම සඞ්කප්පමඤ්ඤාය නිබ්බත්තති සදා මම.
මම සඞ්කප්පමඤ්ඤාය නිබ්බත්තති සදා මම.