115. සුවණ්ණපුප්ඵියත්ථෙරාපදානං.
1716. විපස්සී නාම භගවා ලොකජෙට්ඨො නරාසභො,
නිසින්නො ජනකායස්ස දෙසෙති අමතං පදං.
නිසින්නො ජනකායස්ස දෙසෙති අමතං පදං.
1717. තස්සාහං ධම්මං සුත්වාන දිපදින්දස්ස තාදිනො,
සොණ්ණපුප්ඵානි චත්තාරි බුද්ධස්ස අභිරොපයිං.
සොණ්ණපුප්ඵානි චත්තාරි බුද්ධස්ස අභිරොපයිං.
1718. සුවණ්ණච්ඡදනං ආසි යාවතා පරිසා තදා,
බුද්ධාභා ච සුවණ්ණාහා ආලොකො විපුලො අහු.
බුද්ධාභා ච සුවණ්ණාහා ආලොකො විපුලො අහු.
1719. උදග්ගචිත්තො සුමනො වෙදජාතො කතඤ්ජලී,
විත්තිසඤ්ජනනො තෙසං දිට්ඨධම්මසුඛාවහො.
විත්තිසඤ්ජනනො තෙසං දිට්ඨධම්මසුඛාවහො.
1720. ආයාචිත්වාන සම්බුද්ධං වන්දිත්වාන ච සුබ්බතං,
පාමොජ්ජං ජනයිත්වාන සකං භවනුපාගමිං.
පාමොජ්ජං ජනයිත්වාන සකං භවනුපාගමිං.
1721. භවනෙ උපවිට්ඨො’හං බුද්ධසෙට්ඨං අනුස්සරිං,
තෙන චිත්තප්පසාදෙන තුසිතං උපපජ්ජහං.
තෙන චිත්තප්පසාදෙන තුසිතං උපපජ්ජහං.
1722. එකනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
1723. සොළසා’සිංසු රාජානො නෙමිසම්මත නාමකා,
තෙතාළීසෙ ඉතො කප්පෙ චක්කවත්තී මහබ්බලා.
තෙතාළීසෙ ඉතො කප්පෙ චක්කවත්තී මහබ්බලා.
1724. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සුවණ්ණපුප්ඵියො ථෙරො ඉමා ගාථායො අභාසිත්ථාති.
සුවණ්ණපුප්ඵියත්ථෙරස්ස අපදානං පඤ්චමං.
116. චිතකපූජකත්ථෙරාපදානං.
1725. වසාමි රාජායතනෙ සාමච්චො සපරිජ්ජනො,
පරිනිබ්බුතෙ භගවති සිඛිනෙ ලොකබන්ධුනෙ.
පරිනිබ්බුතෙ භගවති සිඛිනෙ ලොකබන්ධුනෙ.
1726. පසන්නචිත්තො සුමනො චිතකං අගමාසහං,
තුරියං තත්ථ වාදෙත්වා ගන්ධමාලං සමොකිරිං.
තුරියං තත්ථ වාදෙත්වා ගන්ධමාලං සමොකිරිං.
1727. චිතම්භි පූජං කත්වාන වන්දිත්වා චිතකං අහං,
පසන්නචිත්තො සුමනො සකං භවනුපාගමිං.
පසන්නචිත්තො සුමනො සකං භවනුපාගමිං.
1728. භවනෙ උපවිට්ඨො’හං චිතපූජං අනුස්සරිං,
තෙන කම්මෙන දිපදින්දෙ ලොකජෙට්ඨෙ නරාසභෙ.
තෙන කම්මෙන දිපදින්දෙ ලොකජෙට්ඨෙ නරාසභෙ.
1729. අනුභොත්වාන සම්පත්තිං දෙවෙසු මනුජෙසු ච,
පත්තොම්හි අචලං ඨානං හිත්වාන ජයපරාජයං.
පත්තොම්හි අචලං ඨානං හිත්වාන ජයපරාජයං.
1730. එකතිංසෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි චිතපූජායිදං ඵලං.
දුග්ගතිං නාභිජානාමි චිතපූජායිදං ඵලං.
1731. එකූනතිංසෙ කප්පම්හි ඉතො සොළස රාජානො,
උග්ගතා නාම නාමෙන චක්කවත්තී මහබ්බලා.
උග්ගතා නාම නාමෙන චක්කවත්තී මහබ්බලා.
1732. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා චිතකපූජකො ථෙරො ඉමා ගාථායො අභාසිත්ථාති.
චිතකපූජකත්ථෙරස්ස අපදානං ඡට්ඨං.
117. බුද්ධසඤ්ඤකත්ථෙරාපදානං.
1733. යදා විපස්සී ලොකග්ගො ආයුසංඛාරමොස්සජි,
පඨවී සම්පකම්පිත්ථ මෙදිනී ජලමෙඛලා.
පඨවී සම්පකම්පිත්ථ මෙදිනී ජලමෙඛලා.
1734. ඔතතං විත්ථතං මය්හං සුවිචිත්තවටංසකං,
භවනම්පි පකම්පිත්ථ බුද්ධස්ස ආයුසංඛයෙ.
භවනම්පි පකම්පිත්ථ බුද්ධස්ස ආයුසංඛයෙ.
1735. තාසො මය්හං සමුප්පන්නො භවනෙ සම්පකම්පිතෙ,
උප්පාතො නු කිමත්ථාය ආලොකො විපුලො අහු.
උප්පාතො නු කිමත්ථාය ආලොකො විපුලො අහු.
1736. වෙස්සවණො ඉධාගම්ම නිබ්බාපෙසි මහාජනං,
“පාණභුතෙ භයං නත්ථි එකග්ගා හොථ සංවුතා.
“පාණභුතෙ භයං නත්ථි එකග්ගා හොථ සංවුතා.
1737. අහො බුද්ධො අහො ධම්මා අහො නො සත්ථු සම්පදා.
යස්මිං උප්පජ්ජමානම්හි පඨවී සම්පකම්පති.”
යස්මිං උප්පජ්ජමානම්හි පඨවී සම්පකම්පති.”
1738. බුද්ධානුභාවං කිත්තෙත්වා කප්පං සග්ගම්හි මොදහං,
අවසෙසෙසු කප්පෙසු කුසලං චරිතං මයා.
අවසෙසෙසු කප්පෙසු කුසලං චරිතං මයා.