112. සුමඞ්ගලත්ථෙරාපදානං.
1687. අත්ථදස්සී ජිනවරො ලොකජෙට්ඨො නරාසභො,
විහාරා අභිනික්ඛම්ම තළාකං උපසඞ්කමි.
විහාරා අභිනික්ඛම්ම තළාකං උපසඞ්කමි.
1688. නහාත්වා පීත්වා ච සම්බුද්ධො උත්තරිත්වෙකචීවරො,
අට්ඨාසි භගවා තත්ථ විලොකෙන්තො දිසොදිසං.
අට්ඨාසි භගවා තත්ථ විලොකෙන්තො දිසොදිසං.
1689. භවනෙ උපවිට්ඨොහං අද්දසං ලොකනායකං.
හට්ඨො හට්ඨෙන චිත්තෙන අප්පොඨෙසිං අහං තදා.
හට්ඨො හට්ඨෙන චිත්තෙන අප්පොඨෙසිං අහං තදා.
1690. සතරංසිං’ව ජොතන්තං පභාසන්තං’ව කඤ්චනං,
නච්චෙ ගීතෙ ච යුත්තො’හං පඤ්චඞ්ගතුරියම්හි ච.
නච්චෙ ගීතෙ ච යුත්තො’හං පඤ්චඞ්ගතුරියම්හි ච.
1691. යං යං යොනුපපජ්ජාමි දෙවත්තං අථ මානුසං,
සබ්බෙ සත්තෙ අතිභොමි විපුලො හොති මෙ යසො.
සබ්බෙ සත්තෙ අතිභොමි විපුලො හොති මෙ යසො.
1692. “නමො තෙ පුරිසාජඤ්ඤ නමො තෙ පුරිසුත්තම,
අත්තානං තොසයිත්වාන පරෙ තොසෙසි ත්වං මුනෙ.”
අත්තානං තොසයිත්වාන පරෙ තොසෙසි ත්වං මුනෙ.”
1693. පරිග්ගය්හ නිසීදිත්වා හාසං කත්වාන සුබ්බතෙ,
උපට්ඨහිත්වා සම්බුද්ධං තුසිතං උපපජ්ජ හං.
උපට්ඨහිත්වා සම්බුද්ධං තුසිතං උපපජ්ජ හං.
1694. සොළසෙතො කප්පසතෙ දවි- නව එකචින්තිතා,
සත්තරතනසම්පන්නා චක්කවත්තී මහබ්බලො.
සත්තරතනසම්පන්නා චක්කවත්තී මහබ්බලො.
1695. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සුමඞ්ගලො ථෙරො ඉමා ගාථායො අභාසිත්ථාති.
සුමඞ්ගලත්ථෙරස්ස අපදානං දුතියං.
113. සරණගමනීයත්ථෙරාපදානං
1696. උභින්නං දෙවරාජූනං සඞ්ගාමො පච්චුපට්ඨිතො
අහොසි සමුපබ්බූළ්හො මහාඝොසො පවත්තථ.
අහොසි සමුපබ්බූළ්හො මහාඝොසො පවත්තථ.
1697. පදුමුත්තරො ලොකවිදූ ආහුතීනං පටිග්ගහො,
අන්තළික්ඛෙ ඨිතො සත්ථා සංවෙජෙසි මහාජනං.
අන්තළික්ඛෙ ඨිතො සත්ථා සංවෙජෙසි මහාජනං.
1698. සබ්බෙ දෙවා අත්තමනා නික්ඛිත්තකවචාවුධා,
සම්බුද්ධම්භිවාදෙත්වා එකග්ගා’සිංසු තාවදෙ.
සම්බුද්ධම්භිවාදෙත්වා එකග්ගා’සිංසු තාවදෙ.
1699. අම්හං සඞ්කප්පමඤ්ඤාය වාචාසභිමුදීරයී,
අනුකම්පකො ලොකවිදූ නිබ්බාපෙසි මහාජනං.
අනුකම්පකො ලොකවිදූ නිබ්බාපෙසි මහාජනං.
1700. “පදුට්ඨචිත්තො මනුජො එකපාණං විහෙඨයං,
තෙන චිත්තප්පදොසෙන අපායං උපපජ්ජති.
තෙන චිත්තප්පදොසෙන අපායං උපපජ්ජති.
1701. සඞ්ගාමසීසෙ නාගො’ව බහූ පාණෙ විහෙඨයං,
නිබ්බාපෙථ සකං චිත්තං මා හඤ්ඤිත්ථො පුනප්පුනං”
නිබ්බාපෙථ සකං චිත්තං මා හඤ්ඤිත්ථො පුනප්පුනං”
1702. ද්වින්නම්පි යක්ඛරාජූනං සෙනායො විම්හිතා අහූ,
සරණඤ්ච උපාගච්ඡුං ලොකජෙට්ඨං සුතාදිනං.
සරණඤ්ච උපාගච්ඡුං ලොකජෙට්ඨං සුතාදිනං.
1703. සඤ්ඤාපෙත්වාන ජනතං උද්ධරී පන චක්ඛුමා,
පෙක්ඛමානොව දෙවෙහි පක්කාමි උත්තරාමුඛො.
පෙක්ඛමානොව දෙවෙහි පක්කාමි උත්තරාමුඛො.
1704. පඨමං සරණං ගඤ්ඡිං දිපදින්දස්ස තාදිනො,
කප්පානං සතසහස්සං දුග්ගතිං නූපපජ්ජ ‘හං.
කප්පානං සතසහස්සං දුග්ගතිං නූපපජ්ජ ‘හං.
1705. මහාදුන්දුභිනාමා ච සොළසා’සුං රථෙසභා,
තිංසකප්පසහස්සම්හි රාජානො චක්කවත්තිනො.
තිංසකප්පසහස්සම්හි රාජානො චක්කවත්තිනො.
1706. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සරණගමනීයො ථෙරො ඉමා ගාථායො අභාසිත්ථාති.
සරණගමනීයත්ථෙරස්ස අපදානං තතියං.
114. එකාසනියත්ථෙරාපදානං.
1707. වරුණො නාම නාමෙන දෙවරාජා අහං තදා,
උපට්ඨහෙසිං සම්බුද්ධං සයොග්ගබලවාහනො.
උපට්ඨහෙසිං සම්බුද්ධං සයොග්ගබලවාහනො.
1708. නිබ්බුතෙ ලොකනාථම්හි අත්ථදස්සිනරුත්තමෙ,
තුරියං සබ්බමාදාය අගමං බොධිමුත්තමං.
තුරියං සබ්බමාදාය අගමං බොධිමුත්තමං.
1709. වාදිතෙන ච නච්චෙන සම්මතාලසමාහිතො,
සම්මුඛා විය සම්බුද්ධං උපට්ඨිං බොධිමුත්තමං.
සම්මුඛා විය සම්බුද්ධං උපට්ඨිං බොධිමුත්තමං.
1710. උපට්ඨහිත්වා තං බොධිං ධරණීරුහපාදපං,
පල්ලඞ්කං ආභුජිත්වාන තත්ථ කාලකතො අහං.
පල්ලඞ්කං ආභුජිත්වාන තත්ථ කාලකතො අහං.
1711. සකකම්මාභිරද්ධො’හං පසන්නො බොධිමුත්තමෙ,
තෙන චිත්තප්පසාදෙන නිම්මානං උපපජ්ජහං.
තෙන චිත්තප්පසාදෙන නිම්මානං උපපජ්ජහං.