98. සෙනාසනදායකත්ථෙරාපදං.
1595. සිද්ධත්ථස්ස භගවතො අදාසිං පණ්ණසන්ථරං,
සමන්තා උපහාරං ච කුසුමං ඔකිරිං අහං.
සමන්තා උපහාරං ච කුසුමං ඔකිරිං අහං.
1596. පාසාදෙ’වං ගුණං රම්මං අනුභොමි මහාරහං,
මහග්ඝානි ච පුප්ඵානි සයනෙ‘භිසවන්ති මෙ.
මහග්ඝානි ච පුප්ඵානි සයනෙ‘භිසවන්ති මෙ.
1597. සයනෙ’හං තුවට්ටාමි විචිත්තෙ පුප්ඵසන්ථතෙ,
පුප්ඵවුට්ඨි ච සයනෙ අභිවස්සති තාවදෙ.
පුප්ඵවුට්ඨි ච සයනෙ අභිවස්සති තාවදෙ.
1598. චතුනවුතෙ ඉතො කප්පෙ අදාසිං පණ්ණසන්ථරං,
දුග්ගතිං නාභිජානාමි සන්ථරස්ස ඉදං ඵලං.
දුග්ගතිං නාභිජානාමි සන්ථරස්ස ඉදං ඵලං.
1599. තිණසන්ථරකා නාම සත්තෙ‘තෙ චකක්වත්තිනො,
ඉතො තෙ පඤ්චමෙ කප්පෙ උප්පජ්ජිංසු ජනාධිපා.
ඉතො තෙ පඤ්චමෙ කප්පෙ උප්පජ්ජිංසු ජනාධිපා.
1600. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සෙනාසනදායකො ථෙරො ඉමා ගාථායො අභාසිත්ථාති.
සෙනාසනදායකත්ථෙරස්ස අපදානං අට්ඨමං.
99. වෙය්යාවච්චකත්ථෙරාපදානං.
1601. විපස්සිස්ස භගවතො මහාභූරිගණො අහු,
වෙය්යාවච්චකරො ආසිං සබ්බකිච්චෙසු ව්යාවටො.
වෙය්යාවච්චකරො ආසිං සබ්බකිච්චෙසු ව්යාවටො.
1602. දෙය්යධම්මො ච මෙ නත්ථි සුගතස්ස මහෙසිනො,
අවන්දිං සත්ථුනො පාදෙ විප්පසන්නෙන චෙතසා.
අවන්දිං සත්ථුනො පාදෙ විප්පසන්නෙන චෙතසා.
1603. එකනවුතෙ ඉතො කප්පෙ වෙය්යාවච්චං අකාසහං,
දුග්ගතිං නාභිජානාමි වෙය්යාවච්චස්සිදං ඵලං.
දුග්ගතිං නාභිජානාමි වෙය්යාවච්චස්සිදං ඵලං.
1604. ඉතො ච අට්ඨමෙ කප්පෙ රාජා ආසිං සුචින්තිතො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
1605. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා වෙය්යාවච්චකො ථෙරො ඉමා ගාථායො අභාසිත්ථාති.
වෙය්යාවච්චකත්ථෙරස්ස අපදානං නවමං.
100. බුද්ධුපට්ඨාකත්ථෙරාපදානං.
1606. විපස්සිනො භගවතො අහොසිං සංඛධම්මකො,
නිච්චූපට්ඨානයුත්තොම්හි සුගතස්ස මහෙසිනො.
නිච්චූපට්ඨානයුත්තොම්හි සුගතස්ස මහෙසිනො.
1607. උපට්ඨානඵලං පස්ස ලොකනාථස්ස තාදිනො,
සට්ඨි තුරියසහස්සානි පරිවාරෙන්ති මං සදා.
සට්ඨි තුරියසහස්සානි පරිවාරෙන්ති මං සදා.
1608. එකනවුතෙ ඉතො කප්පෙ උපට්ඨහිං මහාඉසිං,
දුග්ගතිං නාභිජානාමි උපට්ඨානස්සිදං ඵලං.
දුග්ගතිං නාභිජානාමි උපට්ඨානස්සිදං ඵලං.
1609. චතුවීසෙ ඉතො කප්පෙ මහානිග්ඝොසනාමකා,
සොළසාසිංසු රාජානො චක්කවත්තී මහබ්බලා.
සොළසාසිංසු රාජානො චක්කවත්තී මහබ්බලා.
1610. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා බුද්ධුපට්ඨාකො ථෙරො ඉමා ගාථායො අභාසිත්ථාති.
බුද්ධපට්ඨාකත්ථෙරස්ස අපදානං දසමං.
උද්දානං:
සුධාසුචින්ති චෙලඤ්ච සූචි ච ගන්ධමාලියො,
තිපුප්ඵියො මධූ සෙනා - වෙය්යාවච්චො චුපට්ඨකො,
සමසට්ඨි ච ගාථායො අස්මිං වග්ගෙ පකිත්තිතා.
තිපුප්ඵියො මධූ සෙනා - වෙය්යාවච්චො චුපට්ඨකො,
සමසට්ඨි ච ගාථායො අස්මිං වග්ගෙ පකිත්තිතා.
සුධාපිණ්ඩියවග්ගො දසමො.
අථ වග්ගුද්දානං:
බුද්ධවග්ගො හි පඨමො සීහාසන සුභූති ච,
කුණ්ඩධානො උපාලි ච වීජනී සකචින්ති ච,
නාගසමාලො තිමිරො සුධාවග්ගෙන තෙ දස,
චතුද්දසසතං ගාථා පඤ්චපඤ්ඤාසමෙව ච.
කුණ්ඩධානො උපාලි ච වීජනී සකචින්ති ච,
නාගසමාලො තිමිරො සුධාවග්ගෙන තෙ දස,
චතුද්දසසතං ගාථා පඤ්චපඤ්ඤාසමෙව ච.
බුද්ධවග්ගදසකං.
පඨමසතකං සමත්තං
11. භික්ඛාදායීවග්ගො
101. භික්ඛාදායකත්ථෙරාපදානං.
1611. සුවණ්ණවණ්ණං සම්බුද්ධං ආහුතීනං පටිග්ගහං,
පවනා අභිනික්ඛන්තං වනා නිබ්බනමාගතං.
පවනා අභිනික්ඛන්තං වනා නිබ්බනමාගතං.
1612. කටච්ඡුභික්ඛං පාදාසිං සිද්ධත්ථස්ස මහෙසිනො,
පඤ්ඤස්ස උපසන්තස්ස මහ වීරස්ස තාදිනො.
පඤ්ඤස්ස උපසන්තස්ස මහ වීරස්ස තාදිනො.
1613. පදෙනානුපදං යන්තං නිබ්බාපෙන්තෙ මහාජනං,
උළාරා විත්ති මෙ ජාතා බුද්ධෙ ආදිච්චබන්ධුනි.
උළාරා විත්ති මෙ ජාතා බුද්ධෙ ආදිච්චබන්ධුනි.
1614. චතුනවුතෙ ඉතො කප්පෙ යං දානමදදිං තදා,
දුග්ගතිං නාභිජානාමි භික්ඛාදානස්සිදං ඵලං.
දුග්ගතිං නාභිජානාමි භික්ඛාදානස්සිදං ඵලං.
1615. සත්තාසීතිම්හි’තො කප්පෙ මහාරෙණුසනාමකා,
සත්තරතනසම්පන්නා සත්තෙ’ව චක්කවත්තිනො.
සත්තරතනසම්පන්නා සත්තෙ’ව චක්කවත්තිනො.
1616. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා භික්ඛාදායකො ථෙරො ඉමා ගාථායො අභාසිත්ථාති.
භික්ඛාදායකත්ථෙරස්ස අපදානං පඨමං.