96. තිපුප්ඵියත්ථෙරාපදානං.
1582. මිගලුද්දො පුරෙ ආසිං අරඤ්ඤෙ කානනෙ අහං,
පාටලිං හරිතං දිස්වා තීණි පුප්ඵානි ඔකිරිං.
පාටලිං හරිතං දිස්වා තීණි පුප්ඵානි ඔකිරිං.
1583. සන්න පත්තානි ගණ්හිත්වා බහි ඡඩ්ඪෙසහං තදා,
අන්තොසුද්ධං බහිසුද්ධං සුවිමුත්තං අනාසවං.
අන්තොසුද්ධං බහිසුද්ධං සුවිමුත්තං අනාසවං.
1584. සම්මුඛා විය සම්බුද්ධං විපස්සිං ලොකනායකං,
පාටලිං අභිවාදෙත්වා තත්ථ කාලකතො අහං.
පාටලිං අභිවාදෙත්වා තත්ථ කාලකතො අහං.
1585. එකනවුතෙ ඉතො කප්පෙ යං බොධිමභිපූජයිං,
දුග්ගතිං නාභිජානාමි බොධිපූජායිදං ඵලං.
දුග්ගතිං නාභිජානාමි බොධිපූජායිදං ඵලං.
1586. සමන්තපාසාදිකා නාම තෙරසා’සිංසු රාජිනො,
ඉතො තෙත්තිංසකප්පම්හි චක්කවත්තී මහබ්බලා.
ඉතො තෙත්තිංසකප්පම්හි චක්කවත්තී මහබ්බලා.
1587. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා තිපුප්ඵියො ථෙරො ඉමා ගාථායො අභාසිත්ථාති.
තිපුප්ඵියත්ථෙරස්ස අපදානං ඡට්ඨං.
97. මධුපිණ්ඩිකත්ථෙරාපදානං.
1588. විපිනෙ කානනෙ දිස්වා අප්පසද්දෙ නිරාකුලෙ,
සිද්ධත්ථං ඉසිනං සෙට්ඨං ආහුතීනං පටිග්ගහං.
සිද්ධත්ථං ඉසිනං සෙට්ඨං ආහුතීනං පටිග්ගහං.
1589. නිබ්බුතත්තං මහානාගං නිසභාජානියං යථා,
ඔසධිං’ව විරොචන්තං දෙවසඞ්ඝනමස්සිතං,
විත්ති මෙ පහුතා ආසි ඤාණං උප්පජ්ජි තාවදෙ.
ඔසධිං’ව විරොචන්තං දෙවසඞ්ඝනමස්සිතං,
විත්ති මෙ පහුතා ආසි ඤාණං උප්පජ්ජි තාවදෙ.
1590. වුට්ඨිතස්ස සමාධිම්හා මධුං දත්වාන සත්ථුනො,
වන්දිත්වා සත්ථුනො පාදෙ පක්කාමිං පාචිනාමුඛො.
වන්දිත්වා සත්ථුනො පාදෙ පක්කාමිං පාචිනාමුඛො.
1591. චතුත්තිංසම්හි කප්පම්හි රාජා ආසිං සුදස්සනො,
මධු භිසෙහි සවති භොජනම්හි ච තාවදෙ,
මධුවස්සං පවස්සිත්ථ පුබ්බකම්මස්සිදං ඵලං.
මධු භිසෙහි සවති භොජනම්හි ච තාවදෙ,
මධුවස්සං පවස්සිත්ථ පුබ්බකම්මස්සිදං ඵලං.
1592. චතුනවුතෙ ඉතො කප්පෙ යං මධුං අදදිං තදා,
දුග්ගතිං නාභිජානාමි මධුදානස්සිදං ඵලං.
දුග්ගතිං නාභිජානාමි මධුදානස්සිදං ඵලං.
1593. චතුත්තිංසෙ ඉතො කප්පෙ චත්තාරො තෙ සුදස්සනා,
සත්තරතනම්පන්නා චක්කවත්තී මහබ්බලා.
සත්තරතනම්පන්නා චක්කවත්තී මහබ්බලා.
1594. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා මධුපිණ්ඩිකො ථෙරො ඉමා ගාථායො අභාසිත්ථාති.
මධුපිණ්ඩිකත්ථෙරස්ස අපදානං සත්තමං.
98. සෙනාසනදායකත්ථෙරාපදං.
1595. සිද්ධත්ථස්ස භගවතො අදාසිං පණ්ණසන්ථරං,
සමන්තා උපහාරං ච කුසුමං ඔකිරිං අහං.
සමන්තා උපහාරං ච කුසුමං ඔකිරිං අහං.
1596. පාසාදෙ’වං ගුණං රම්මං අනුභොමි මහාරහං,
මහග්ඝානි ච පුප්ඵානි සයනෙ‘භිසවන්ති මෙ.
මහග්ඝානි ච පුප්ඵානි සයනෙ‘භිසවන්ති මෙ.
1597. සයනෙ’හං තුවට්ටාමි විචිත්තෙ පුප්ඵසන්ථතෙ,
පුප්ඵවුට්ඨි ච සයනෙ අභිවස්සති තාවදෙ.
පුප්ඵවුට්ඨි ච සයනෙ අභිවස්සති තාවදෙ.
1598. චතුනවුතෙ ඉතො කප්පෙ අදාසිං පණ්ණසන්ථරං,
දුග්ගතිං නාභිජානාමි සන්ථරස්ස ඉදං ඵලං.
දුග්ගතිං නාභිජානාමි සන්ථරස්ස ඉදං ඵලං.
1599. තිණසන්ථරකා නාම සත්තෙ‘තෙ චකක්වත්තිනො,
ඉතො තෙ පඤ්චමෙ කප්පෙ උප්පජ්ජිංසු ජනාධිපා.
ඉතො තෙ පඤ්චමෙ කප්පෙ උප්පජ්ජිංසු ජනාධිපා.
1600. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සෙනාසනදායකො ථෙරො ඉමා ගාථායො අභාසිත්ථාති.
සෙනාසනදායකත්ථෙරස්ස අපදානං අට්ඨමං.
99. වෙය්යාවච්චකත්ථෙරාපදානං.
1601. විපස්සිස්ස භගවතො මහාභූරිගණො අහු,
වෙය්යාවච්චකරො ආසිං සබ්බකිච්චෙසු ව්යාවටො.
වෙය්යාවච්චකරො ආසිං සබ්බකිච්චෙසු ව්යාවටො.
1602. දෙය්යධම්මො ච මෙ නත්ථි සුගතස්ස මහෙසිනො,
අවන්දිං සත්ථුනො පාදෙ විප්පසන්නෙන චෙතසා.
අවන්දිං සත්ථුනො පාදෙ විප්පසන්නෙන චෙතසා.
1603. එකනවුතෙ ඉතො කප්පෙ වෙය්යාවච්චං අකාසහං,
දුග්ගතිං නාභිජානාමි වෙය්යාවච්චස්සිදං ඵලං.
දුග්ගතිං නාභිජානාමි වෙය්යාවච්චස්සිදං ඵලං.
1604. ඉතො ච අට්ඨමෙ කප්පෙ රාජා ආසිං සුචින්තිතො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
1605. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා වෙය්යාවච්චකො ථෙරො ඉමා ගාථායො අභාසිත්ථාති.
වෙය්යාවච්චකත්ථෙරස්ස අපදානං නවමං.
100. බුද්ධුපට්ඨාකත්ථෙරාපදානං.
1606. විපස්සිනො භගවතො අහොසිං සංඛධම්මකො,
නිච්චූපට්ඨානයුත්තොම්හි සුගතස්ස මහෙසිනො.
නිච්චූපට්ඨානයුත්තොම්හි සුගතස්ස මහෙසිනො.
1607. උපට්ඨානඵලං පස්ස ලොකනාථස්ස තාදිනො,
සට්ඨි තුරියසහස්සානි පරිවාරෙන්ති මං සදා.
සට්ඨි තුරියසහස්සානි පරිවාරෙන්ති මං සදා.