92. සුචින්තිතත්ථෙරාපදානං.
1560. තිස්සස්ස ලොකනාථස්ස සුද්ධාපීඨමදාසහං,
හට්ඨො හට්ඨෙන චිත්තෙන බුද්ධස්සාදිච්චබන්ධුනො.
හට්ඨො හට්ඨෙන චිත්තෙන බුද්ධස්සාදිච්චබන්ධුනො.
1561. අට්ඨතිංසෙ ඉතො කප්පෙ රාජා ආසිං මහාරුචී,
භොගො ච විපුලො ආසි සයනං ච අනප්පකං.
භොගො ච විපුලො ආසි සයනං ච අනප්පකං.
1562. පීඨං බුද්ධස්ස දත්වාන විප්පසන්නෙන චෙතසා,
අනුභොමි සකං කම්මං පුබ්බෙ සුකතමත්තනො.
අනුභොමි සකං කම්මං පුබ්බෙ සුකතමත්තනො.
1563. ද්වෙනවුතෙ ඉතො කප්පෙ යං පීඨමදදිං තදා,
දුග්ගතිං නාභිජානාමි පිඨදානස්සිදං ඵලං.
දුග්ගතිං නාභිජානාමි පිඨදානස්සිදං ඵලං.
1564. අට්ඨතිංසෙ ඉතො කප්පෙ තයො තෙ චක්කවත්තිනො,
රුචි උපරුචි චෙව මහාරුචි තතීයකො.
රුචි උපරුචි චෙව මහාරුචි තතීයකො.
1565. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සුචින්තිතො ථෙරො ඉමා ගාථායො අභාසිත්ථාති.
සුචින්තිතත්ථෙරස්ස අපදානං දුතියං.
93. අඩ්ඪචෙලකත්ථෙරාපදානං.
1566. තිස්සස්සාහං භගවතො උපඩ්ඪදුස්සමදාසහං,
පරමකාපඤ්ඤපත්තොම්හි දුග්ගන්ධෙන සමප්පිතො.
පරමකාපඤ්ඤපත්තොම්හි දුග්ගන්ධෙන සමප්පිතො.
1567. උපඩ්ඪදුස්සං දත්වාන කප්පං සග්ගම්හි මොදහං,
අවසෙසෙසු කප්පෙසු කුසලං කාරිතං මයා.
අවසෙසෙසු කප්පෙසු කුසලං කාරිතං මයා.
1568. ද්වෙනවුතෙ ඉතො කප්පෙ යං දුස්සමදදිං තදා,
දුග්ගතිං නාභිජානාමි දුස්සදානස්සිදං ඵලං.
දුග්ගතිං නාභිජානාමි දුස්සදානස්සිදං ඵලං.
1569. එකූනපණ්ණෙකප්පම්හි රාජානො චක්කවත්තිනො,
සමන්නච්ඡදනා නාම බත්තිංසාසුං ජනාධිපා.
සමන්නච්ඡදනා නාම බත්තිංසාසුං ජනාධිපා.
1570. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා අඩ්ඪචෙලකො ථෙරො ඉමා ගාථායො අභාසිත්ථාති.
අඩ්ඪචෙලකත්ථෙරස්ස අපදානං තතියං.
94. සූචිදායකත්ථෙරාපදානං.
1571. කම්මාරොහං පුරෙ ආසිං බන්ධුමායං පුරුත්තමෙ,
සූචිදානං මයා දින්නං විපස්සිස්ස මහෙසිනො.
සූචිදානං මයා දින්නං විපස්සිස්ස මහෙසිනො.
1572. වජිරග්ගසමං ඤාණං හොති කම්මෙන තාදිසා,
විරාගො’ම්හි විමුත්තො’ම්හි පත්තො’ම්භි ආසවක්ඛයං.
විරාගො’ම්හි විමුත්තො’ම්හි පත්තො’ම්භි ආසවක්ඛයං.
1573. අතීතෙ ච භවෙ සබ්බෙ වත්තමානෙ ච’නාගතෙ,
ඤාණෙන විචිනිං සබ්බං සූචිදානස්සිදං ඵලං.
ඤාණෙන විචිනිං සබ්බං සූචිදානස්සිදං ඵලං.
1574. එකනවුතෙ ඉතො කප්පෙ සත්තාසුං වජිරව්හයා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
1575. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සූචිදායකො ථෙරො ඉමා ගාථායො අභාසිත්ථාති.
සූචිදායකත්ථෙරස්ස අපදානං චතුත්ථං.
95. ගන්ධමාලියත්ථෙරාපදානං
1576. සිද්ධත්ථස්ස භගවතො ගන්ධථූපං අකාසහං,
සුමනෙහි පටිච්ඡන්නං බුද්ධානුච්ඡවිකං කතං.
සුමනෙහි පටිච්ඡන්නං බුද්ධානුච්ඡවිකං කතං.
1577. කඤ්චකනග්ඝියසඞ්කාසං බුද්ධං ලොකග්ගනායකං,
ඉන්දීවරං’ව ජලිතං ආදිත්තං’ව හුතාසනං.
ඉන්දීවරං’ව ජලිතං ආදිත්තං’ව හුතාසනං.
1578. ව්යග්ඝූසභං’ව පවරං අභිජාතං’ව කෙසරිං,
නිසින්නං සමණානග්ගං භික්ඛුසංඝපුරක්ඛතං,
වන්දිත්වා සත්ථුනො පාදෙ පක්කාමිං උත්තරාමුඛො.
නිසින්නං සමණානග්ගං භික්ඛුසංඝපුරක්ඛතං,
වන්දිත්වා සත්ථුනො පාදෙ පක්කාමිං උත්තරාමුඛො.
1579. චතුනවුතෙ ඉතො කප්පෙ ගන්ධමාලං යතො අදං,
බුද්ධෙ කතස්ස කාරස්ස ඵලෙනාහං විසෙසතො,
දුග්ගතිං නාභිජානාමි බුද්ධපූජායිදං ඵලං.
බුද්ධෙ කතස්ස කාරස්ස ඵලෙනාහං විසෙසතො,
දුග්ගතිං නාභිජානාමි බුද්ධපූජායිදං ඵලං.
1580. චත්තාරීසම්භි එකූනෙ කප්පෙ ආසිංසු සොළස,
දෙවගන්ධසනාමා තෙ රාජානො චක්කවත්තිනො.
දෙවගන්ධසනාමා තෙ රාජානො චක්කවත්තිනො.
1581. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා ගන්ධමාලියො ථෙරො ඉමා ගාථායො අභාසිත්ථාති.
ගන්ධමාලියත්ථෙරස්ස අපදානං පඤ්චමං.