3. මහාකස්සපත්ථෙරාපදානං
399. පදුමුත්තරස්ස භගවතො ලොකජෙට්ඨස්ස තාදිනො,
නිබ්බුතෙ ලොකනාථම්භි පූජං කුබ්බන්ති සත්ථුනො.
නිබ්බුතෙ ලොකනාථම්භි පූජං කුබ්බන්ති සත්ථුනො.
400. උදග්ගචිත්තා ජනතා ආමොදිතපමොදිතා,
තෙසු සංවෙගජාතෙසු පීති මෙ උපපජ්ජථ.
තෙසු සංවෙගජාතෙසු පීති මෙ උපපජ්ජථ.
401. ඤාතිමිත්තෙ සමානෙත්වා ඉදං වචනමබ්රවිං,
“පරිනිබ්බුතො මහාවීරො හන්ද පූජං කරොමසෙ.”
“පරිනිබ්බුතො මහාවීරො හන්ද පූජං කරොමසෙ.”
402. සාධූති තෙ පටිස්සුත්වා භීයො හාසං ජනිංසු මෙ.
“බුද්ධස්මිං ලොකනාථස්මිං කාහාම පුඤ්ඤසඤ්චයං.”
“බුද්ධස්මිං ලොකනාථස්මිං කාහාම පුඤ්ඤසඤ්චයං.”
403. අග්ඝියං සුකතං කත්වා සතහත්ථසමුග්ගතං,
දියඩ්ඪත්ථපත්ථටං විමානං නභමුග්ගතං.
දියඩ්ඪත්ථපත්ථටං විමානං නභමුග්ගතං.
404. කත්වාන හම්මියං තත්ථ තාලපන්තීහි චිත්තිතං,
සකං චිත්තං පසාදෙත්වා චෙතියං පූජයුත්තමං.
සකං චිත්තං පසාදෙත්වා චෙතියං පූජයුත්තමං.
405. අග්ගික්ඛන්ධොව ජලිතො සාලරාජා’ව ඵුල්ලිතො,
ඉන්දලට්ඨී’ව ආකාසෙ ඔභාසෙති චතුද්දිසා.
ඉන්දලට්ඨී’ව ආකාසෙ ඔභාසෙති චතුද්දිසා.
406. තත්ථ චිත්තං පසාදෙත්වා කත්වාන කුසලං බහුං,
පුබ්බකම්මං සරිත්වාන තිදසං උපපජ්ජහං.
පුබ්බකම්මං සරිත්වාන තිදසං උපපජ්ජහං.
407. සහස්සයුත්තහයවාහිං දිබ්බයානමධිට්ඨිතො,
උබ්බිද්ධං භවනං මය්හං සත්තභූමං සමුග්ගතං.
උබ්බිද්ධං භවනං මය්හං සත්තභූමං සමුග්ගතං.
408. කූටාගාරසහස්සානි සබ්බසොණ්ණමයා අහූ,
ජලන්ති සකතෙජෙන දිසා සබ්බා පභාසයං.
ජලන්ති සකතෙජෙන දිසා සබ්බා පභාසයං.
409. සන්ති අඤ්ඤෙපි නිය්යූහා ලොහිතඞ්කමයා තදා,
තෙපි ජොතෙන්ති ආභාය සමන්තා චතුරො දිසා.
තෙපි ජොතෙන්ති ආභාය සමන්තා චතුරො දිසා.
410. පුඤ්ඤකම්මාභිනිබ්බත්තා කූටාගාරා සුනිම්මිතා,
මණිමයාපි ජොතෙන්ති දිසා දස සමන්තතො.
මණිමයාපි ජොතෙන්ති දිසා දස සමන්තතො.
411. තෙසං උජ්ජොතමානානං ඔභාසො විපුලො අහු,
සබ්බෙ දෙවෙ අතිභොමි පුඤ්ඤකම්මස්සිදං ඵලං.
සබ්බෙ දෙවෙ අතිභොමි පුඤ්ඤකම්මස්සිදං ඵලං.
412. සට්ඨිකප්පසහස්සම්හි උබ්බිද්ධො නාම ඛත්තියො,
චාතුරන්තො විජිතාවී පඨවිං ආවසිං අහං.
චාතුරන්තො විජිතාවී පඨවිං ආවසිං අහං.
413. තථෙව භද්දකෙ කප්පෙ තිංසක්ඛත්තුං අහොසහං,
සකකම්මාභිරද්ධොම්හි චක්කවත්තී මහබ්බලො,
සත්තරතනසම්පන්නො චතුදීපම්හි ඉස්සරො.
සකකම්මාභිරද්ධොම්හි චක්කවත්තී මහබ්බලො,
සත්තරතනසම්පන්නො චතුදීපම්හි ඉස්සරො.
414. තත්ථාපි භවනං මය්හං ඉන්දලට්ඨි’ව උග්ගතං,
ආයාමතො චතුබ්බීසං විත්ථාරෙන ච ද්වාදසං.
ආයාමතො චතුබ්බීසං විත්ථාරෙන ච ද්වාදසං.
415. රම්මකං නාම නගරං දළ්හපාකාරතොරණං,
ආයාමතො පඤ්චසතං විත්ථාරෙන තදඩ්ඪකං,
ආකිණ්ණං ජනකායෙහි තිදසානං පුරං විය.
ආයාමතො පඤ්චසතං විත්ථාරෙන තදඩ්ඪකං,
ආකිණ්ණං ජනකායෙහි තිදසානං පුරං විය.
416. යථා සූචිඝරෙ සූචි පක්ඛිත්තා පණ්ණවීසති,
අඤ්ඤමඤ්ඤං පඝට්ටෙනති ආකිණ්ණං හොති තං තදා.
අඤ්ඤමඤ්ඤං පඝට්ටෙනති ආකිණ්ණං හොති තං තදා.
417. එවම්පි නගරං මය්හං හත්ථස්සරථසඞ්කුලං,
මනුස්සෙහි සදාකිණ්ණං රම්මකං නගරුත්තමං.
මනුස්සෙහි සදාකිණ්ණං රම්මකං නගරුත්තමං.
418. තත්ථ භුත්වා පිවිත්වා ච පුන දෙවත්තනං ගතො,
භවෙ පච්ඡිමකෙ මය්හං අහොසි කුලසම්පදා.
භවෙ පච්ඡිමකෙ මය්හං අහොසි කුලසම්පදා.
419. බ්රහ්මඤ්ඤකුලසම්භූතො මහාරතනසඤ්චයො,
අසීතිකොටියො හිත්වා හිරඤ්ඤස්සා’පි පබ්බජිං.
අසීතිකොටියො හිත්වා හිරඤ්ඤස්සා’පි පබ්බජිං.
420-422. කිලෙසා ඣාපිතා මය්හං -පෙ- කතං බුද්ධස්ස සාසනං.
ඉත්ථං සුදං ආයස්මා මහාකස්සපො ථෙරො ඉමා ගාථායො අභාසිත්ථාති.
මහාකස්සපත්ථෙරස්ස අපදානං තතියං.
4. අනුරුද්ධත්ථෙරාපදානං
423. සුමෙධං භගවන්තාහං ලොකජෙට්ඨං නරාසභං,
වූපකට්ඨං විහරන්තං අද්දසං ලොකනායකං.
වූපකට්ඨං විහරන්තං අද්දසං ලොකනායකං.
424. උපගන්ත්වාන සම්බුද්ධං සුමෙධං ලොකනායකං,
අඤ්ජලිම්පග්ගහෙත්වාන බුද්ධසෙට්ඨමයාච ‘හං.
අඤ්ජලිම්පග්ගහෙත්වාන බුද්ධසෙට්ඨමයාච ‘හං.
425. “අනුකම්ප මහාවීර ලොකජෙට්ඨ නරාසභ,
පදීපං තෙ පදස්සාමි රුක්ඛමූලම්හි ඣායතො.”
පදීපං තෙ පදස්සාමි රුක්ඛමූලම්හි ඣායතො.”
426. අධිවාසෙසි සො ධීරො සයම්භූ වදතං වරො,
දුමෙසු විනිවිජ්ඣිත්වා යන්තං යොජෙත්ව ‘හං තදා.
දුමෙසු විනිවිජ්ඣිත්වා යන්තං යොජෙත්ව ‘හං තදා.
427. සහස්සවට්ටිං පාදාසිං බුද්ධස්ස ලොකබන්ධුනො,
සත්තාහං පජ්ජලිත්වාන දීපා වූපසමිංසු මෙ.
සත්තාහං පජ්ජලිත්වාන දීපා වූපසමිංසු මෙ.
428. තෙන චිත්තප්පසාදෙන චෙතනාපණිධීහි ච,
ජහිත්වා මානුසං දෙහං විමානමුපපජ්ජහං.
ජහිත්වා මානුසං දෙහං විමානමුපපජ්ජහං.
429. උප්පන්නස්ස දෙවත්තං ව්යම්හං ආසි සුනිම්මිතං,
සමන්තතො පජ්ජලති දීපදානස්සි’දං ඵලං.
සමන්තතො පජ්ජලති දීපදානස්සි’දං ඵලං.
430. සමන්තා යොජනසතං විරොචෙසිං අහං තදා,
සබ්බෙ දෙවෙ අතිභොමි දීපදානස්සි’දං ඵලං.
සබ්බෙ දෙවෙ අතිභොමි දීපදානස්සි’දං ඵලං.