නිගමනකථා
එත්තාවතා ච –
උභතො විභඞ්ගඛන්ධක-පරිවාරවිභත්තිදෙසනං නාථො;
විනයපිටකං විනෙන්තො, වෙනෙය්යං යං ජිනො ආහ.
විනයපිටකං විනෙන්තො, වෙනෙය්යං යං ජිනො ආහ.
සමධිකසත්තවීසති-සහස්සමත්තෙන තස්ස ගන්ථෙන;
සංවණ්ණනා සමත්තා, සමන්තපාසාදිකා නාම.
සංවණ්ණනා සමත්තා, සමන්තපාසාදිකා නාම.
තත්රිදං සමන්තපාසාදිකාය සමන්තපාසාදිකත්තස්මිං –
ආචරියපරම්පරතො, නිදානවත්ථුප්පභෙදදීපනතො;
පරසමයවිවජ්ජනතො, සකසමයවිසුද්ධිතො චෙව.
පරසමයවිවජ්ජනතො, සකසමයවිසුද්ධිතො චෙව.
බ්යඤ්ජනපරිසොධනතො, පදත්ථතො පාළියොජනක්කමතො;
සික්ඛාපදනිච්ඡයතො, විභඞ්ගනයභෙදදස්සනතො.
සික්ඛාපදනිච්ඡයතො, විභඞ්ගනයභෙදදස්සනතො.
සම්පස්සතං න දිස්සති, කිඤ්චි අපාසාදිකං යතො එත්ථ;
විඤ්ඤූනමයං තස්මා, සමන්තපාසාදිකාත්වෙව.
විඤ්ඤූනමයං තස්මා, සමන්තපාසාදිකාත්වෙව.
සංවණ්ණනා පවත්තා, විනයස්ස විනෙය්යදමනකුසලෙන;
වුත්තස්ස ලොකනාථෙන, ලොකමනුකම්පමානෙනාති.
වුත්තස්ස ලොකනාථෙන, ලොකමනුකම්පමානෙනාති.
මහාඅට්ඨකථඤ්චෙව , මහාපච්චරිමෙවච;
කුරුන්දිඤ්චාති තිස්සොපි, සීහළට්ඨකථා ඉමා.
කුරුන්දිඤ්චාති තිස්සොපි, සීහළට්ඨකථා ඉමා.
බුද්ධමිත්තොති නාමෙන, විස්සුතස්ස යසස්සිනො;
විනයඤ්ඤුස්ස ධීරස්ස, සුත්වා ථෙරස්ස සන්තිකෙ.
විනයඤ්ඤුස්ස ධීරස්ස, සුත්වා ථෙරස්ස සන්තිකෙ.
මහාමෙඝවනුය්යානෙ, භූමිභාගෙ පතිට්ඨිතො;
මහාවිහාරො යො සත්ථු, මහාබොධිවිභූසිතො.
මහාවිහාරො යො සත්ථු, මහාබොධිවිභූසිතො.
යං තස්ස දක්ඛිණෙ භාගෙ, පධානඝරමුත්තමං;
සුචිචාරිත්තසීලෙන, භික්ඛුසඞ්ඝෙන සෙවිතං.
සුචිචාරිත්තසීලෙන, භික්ඛුසඞ්ඝෙන සෙවිතං.
උළාරකුලසම්භූතො , සඞ්ඝුපට්ඨායකො සදා;
අනාකුලාය සද්ධාය, පසන්නො රතනත්තයෙ.
අනාකුලාය සද්ධාය, පසන්නො රතනත්තයෙ.
මහානිගමසාමීති , විස්සුතො තත්ථ කාරයි;
චාරුපාකාරසඤ්චිතං, යං පාසාදං මනොරමං.
චාරුපාකාරසඤ්චිතං, යං පාසාදං මනොරමං.
සීතච්ඡායතරූපෙතං, සම්පන්නසලිලාසයං;
වසතා තත්ර පාසාදෙ, මහානිගමසාමිනො.
වසතා තත්ර පාසාදෙ, මහානිගමසාමිනො.
සුචිසීලසමාචාරං, ථෙරං බුද්ධසිරිව්හයං;
යා උද්දිසිත්වා ආරද්ධා, ඉද්ධා විනයවණ්ණනා.
යා උද්දිසිත්වා ආරද්ධා, ඉද්ධා විනයවණ්ණනා.
පාලයන්තස්ස සකලං, ලඞ්කාදීපං නිරබ්බුදං;
රඤ්ඤො සිරිනිවාසස්ස, සිරිපාලයසස්සිනො.
රඤ්ඤො සිරිනිවාසස්ස, සිරිපාලයසස්සිනො.
සමවීසතිමෙ ඛෙමෙ, ජයසංවච්ඡරෙ අයං;
ආරද්ධා එකවීසම්හි, සම්පත්තෙ පරිනිට්ඨිතා.
ආරද්ධා එකවීසම්හි, සම්පත්තෙ පරිනිට්ඨිතා.
උපද්දවා කුලෙ ලොකෙ, නිරුපද්දවතො අයං;
එකසංවච්ඡරෙනෙව, යථා නිට්ඨං උපාගතා.
එකසංවච්ඡරෙනෙව, යථා නිට්ඨං උපාගතා.
එවං සබ්බස්ස ලොකස්ස, නිට්ඨං ධම්මූපසංහිතා;
සීඝං ගච්ඡන්තු ආරම්භා, සබ්බෙපි නිරුපද්දවා.
සීඝං ගච්ඡන්තු ආරම්භා, සබ්බෙපි නිරුපද්දවා.
චිරට්ඨිතත්ථං ධම්මස්ස, කරොන්තෙන මයා ඉමං;
සද්ධම්මබහුමානෙන, යඤ්ච පුඤ්ඤං සමාචිතං.
සද්ධම්මබහුමානෙන, යඤ්ච පුඤ්ඤං සමාචිතං.
සබ්බස්ස ආනුභාවෙන, තස්ස සබ්බෙපි පාණිනො;
භවන්තු ධම්මරාජස්ස, සද්ධම්මරසසෙවිනො.
භවන්තු ධම්මරාජස්ස, සද්ධම්මරසසෙවිනො.
චිරං තිට්ඨතු සද්ධම්මො, කාලෙ වස්සං චිරං පජං;
තප්පෙතු දෙවො ධම්මෙන, රාජා රක්ඛතු මෙදිනින්ති.
තප්පෙතු දෙවො ධම්මෙන, රාජා රක්ඛතු මෙදිනින්ති.
පරමවිසුද්ධසද්ධාබුද්ධිවීරියපටිමණ්ඩිතෙන සීලාචාරජ්ජවමද්දවාදිගුණසමුදයසමුදිතෙන සකසමයසමයන්තරගහනජ්ඣොගාහණසමත්ථෙන පඤ්ඤාවෙය්යත්තියසමන්නාගතෙන තිපිටකපරියත්තිප්පභෙදෙ සාට්ඨකථෙ සත්ථුසාසනෙ අප්පටිහතඤ්ඤාණප්පභාවෙන මහාවෙය්යාකරණෙන කරණසම්පත්තිජනිතසුඛවිනිග්ගතමධුරොදාරවචනලාවණ්ණයුත්තෙන යුත්තමුත්තවාදිනා වාදිවරෙන මහාකවිනා පභින්නපඅසම්භිදාපරිවාරෙ ඡළභිඤ්ඤාදිපභෙදගුණපටිමණ්ඩිතෙ උත්තරිමනුස්සධම්මෙ සුප්පතිට්ඨිතබුද්ධීනං ථෙරවංසප්පදීපානං ථෙරානං මහාවිහාරවාසීනං වංසාලඞ්කාරභූතෙන විපුලවිසුද්ධබුද්ධිනා බුද්ධඝොසොති ගරූහි ගහිතනාමධෙය්යෙන ථෙරෙන කතා අයං සමන්තපාසාදිකා නාම විනයසංවණ්ණනා –
තාව තිට්ඨතු ලොකස්මිං, ලොකනිත්ථරණෙසිනං;
දස්සෙන්තී කුලපුත්තානං, නයං සීලවිසුද්ධියා.
දස්සෙන්තී කුලපුත්තානං, නයං සීලවිසුද්ධියා.
යාව බුද්ධොති නාමම්පි, සුද්ධචිත්තස්ස තාදිනො;
ලොකම්හි ලොකජෙට්ඨස්ස, පවත්තති මහෙසිනොති.
ලොකම්හි ලොකජෙට්ඨස්ස, පවත්තති මහෙසිනොති.
සමන්තපාසාදිකා නාම විනය-අට්ඨකථා නිට්ඨිතා.