7. කන්ථක විමානවණ්ණනා
පුණ්ණමාසෙ යථා චන්දොති කණ්ඩකවිමානං. තස්ස කා උප්පත්ති? භගවා සාවත්ථියං විහරති ජෙතවනෙ. තෙන ච සමයෙන ආයස්මා මහාමොග්ගල්ලානො හෙට්ඨා වුත්තනයෙනෙව දෙවචාරිකං චරන්තො තාවතිංසභවනං ගතො. තස්මිං ඛණෙ කණ්ඩකො දෙවපුත්තො සකභවනතො නික්ඛමිත්වා දිබ්බයානං අභිරුහිත්වා මහන්තෙන පරිවාරෙන මහතියා දෙවිද්ධියා උය්යානං ගච්ඡන්තො ආයස්මන්තං මහාමොග්ගල්ලානං දිස්වා සඤ්ජාතගාරවබහුමානො සහසා යානතො ඔරුය්හ ථෙරං උපසඞ්කමිත්වා පඤ්චපතිට්ඨිතෙන වන්දිත්වා සිරස්මිං අඤ්ජලිං පග්ගය්හ අට්ඨාසි. අථ නං ථෙරො –
“පුණ්ණමාසෙ යථා චන්දො, නක්ඛත්තපරිවාරිතො;
සමන්තා අනුපරියාති, තාරකාධිපතී සසී.
සමන්තා අනුපරියාති, තාරකාධිපතී සසී.
“තථූපමං ඉදං බ්යම්හං, දිබ්බං දෙවපුරම්හි ච;
අතිරොචති වණ්ණෙන, උදයන්තොව රංසිමා.
අතිරොචති වණ්ණෙන, උදයන්තොව රංසිමා.
“වෙළූරියසුවණ්ණස්ස, ඵලිකා රූපියස්ස ච;
මසාරගල්ලමුත්තාහි, ලොහිතඞ්ගමණීහි ච.
මසාරගල්ලමුත්තාහි, ලොහිතඞ්ගමණීහි ච.
“චිත්රා මනොරමා භූමි, වෙළූරියස්ස සන්ථතා;
කූටාගාරා සුභා රම්මා, පාසාදො තෙ සුමාපිතො.
කූටාගාරා සුභා රම්මා, පාසාදො තෙ සුමාපිතො.
“රම්මා ච තෙ පොක්ඛරණී, පුථුලොමනිසෙවිතා;
අච්ඡොදකා විප්පසන්නා, සොණ්ණවාලුකසන්ථතා.
අච්ඡොදකා විප්පසන්නා, සොණ්ණවාලුකසන්ථතා.
“නානාපදුමසඤ්ඡන්නා, පුණ්ඩරීකසමොතතා;
සුරභිං සම්පවායන්ති, මනුඤ්ඤා මාතුතෙරිතා.
සුරභිං සම්පවායන්ති, මනුඤ්ඤා මාතුතෙරිතා.
“තස්සා තෙ උභතො පස්සෙ, වනගුම්බා සුමාපිතා;
උපෙතා පුප්ඵරුක්ඛෙහි, ඵලරුක්ඛෙහි චූභයං.
උපෙතා පුප්ඵරුක්ඛෙහි, ඵලරුක්ඛෙහි චූභයං.
“සොවණ්ණපාදෙ පල්ලඞ්කෙ, මුදුකෙ ගොනකත්ථතෙ;
නිසින්නං දෙවරාජංව, උපතිට්ඨන්ති අච්ඡරා.
නිසින්නං දෙවරාජංව, උපතිට්ඨන්ති අච්ඡරා.
“සබ්බාභරණසඤ්ඡන්නා , නානාමාලාවිභූසිතා;
රමෙන්ති තං මහිද්ධිකං, වසවත්තීව මොදසි.
රමෙන්ති තං මහිද්ධිකං, වසවත්තීව මොදසි.
“භෙරිසඞ්ඛමුදිඞ්ගාහි, වීණාහි පණවෙහි ච;
රමසි රතිසම්පන්නො, නච්චගීතෙ සුවාදිතෙ.
රමසි රතිසම්පන්නො, නච්චගීතෙ සුවාදිතෙ.
“දිබ්බා තෙ විවිධා රූපා, දිබ්බා සද්දා අථො රසා;
ගන්ධා ච තෙ අධිප්පෙතා, ඵොට්ඨබ්බා ච මනොරමා.
ගන්ධා ච තෙ අධිප්පෙතා, ඵොට්ඨබ්බා ච මනොරමා.
“තස්මිං විමානෙ පවරෙ, දෙවපුත්ත මහප්පභො;
අතිරොචසි වණ්ණෙන, උදයන්තොව භාණුමා.
අතිරොචසි වණ්ණෙන, උදයන්තොව භාණුමා.
“දානස්ස තෙ ඉදං ඵලං, අථො සීලස්ස වා පන;
අථො අඤ්ජලිකම්මස්ස, තං මෙ අක්ඛාහි පුච්ඡිතො”ති. –
අථො අඤ්ජලිකම්මස්ස, තං මෙ අක්ඛාහි පුච්ඡිතො”ති. –
අධිගතසම්පත්තිකිත්තනමුඛෙන කතකම්මං පුච්ඡි.
“සො දෙවපුත්තො අත්තමනො, මොග්ගල්ලානෙන පුච්ඡිතො;
පඤ්හං පුට්ඨො වියාකාසි, යස්ස කම්මස්සිදං ඵලං”.
පඤ්හං පුට්ඨො වියාකාසි, යස්ස කම්මස්සිදං ඵලං”.
“අහං කපිලවත්ථුස්මිං, සාකියානං පුරුත්තමෙ;
සුද්ධොදනස්ස පුත්තස්ස, කණ්ඩකො සහජො අහං.
සුද්ධොදනස්ස පුත්තස්ස, කණ්ඩකො සහජො අහං.
“යදා සො අඩ්ඪරත්තායං, බොධාය මභිනික්ඛමි;
සො මං මුදූහි පාණීහි, ජාලිතම්බනඛෙහි ච.
සො මං මුදූහි පාණීහි, ජාලිතම්බනඛෙහි ච.