මාණවත්ථෙරගාථාවණ්ණනා
ජිණ්ණඤ්ච දිස්වා දුඛිතඤ්ච බ්යාධිතන්ති ආයස්මතො මාණවත්ථෙරස්ස ගාථා. කා උප්පත්ති? අයම්පි පුරිමබුද්ධෙසු කතාධිකාරො තත්ථ තත්ථ භවෙ විවට්ටූපනිස්සයං කුසලං උපචිනන්තො ඉතො එකනවුතෙ කප්පෙ බ්රාහ්මණකුලෙ නිබ්බත්තිත්වා ලක්ඛණධරො හුත්වා විපස්සිස්ස භගවතො අභිජාතියා ලක්ඛණානි පරිග්ගහෙත්වා පුබ්බනිමිත්තානි සාවෙත්වා, “එකංසෙන අයං බුද්ධො භවිස්සතී”ති බ්යාකරිත්වා නානානයෙහි ථොමෙත්වා අභිවාදෙත්වා පදක්ඛිණං කත්වා පක්කාමි. සො තෙන පුඤ්ඤකම්මෙන සුගතීසුයෙව සංසරන්තො ඉමස්මිං බුද්ධුප්පාදෙ සාවත්ථියං බ්රාහ්මණමහාසාලස්ස ගෙහෙ නිබ්බත්තිත්වා යාව සත්තවස්සානි, තාව අන්තොඝරෙයෙව වඩ්ඪිත්වා සත්තමෙ සංවච්ඡරෙ උපනයනත්ථං උය්යානං නීතො අන්තරාමග්ගෙ ජිණ්ණාතුරමතෙ දිස්වා තෙසං අදිට්ඨපුබ්බත්තා තෙ පරිජනෙ පුච්ඡිත්වා ජරාරොගමරණසභාවං සුත්වා සඤ්ජාතසංවෙගො තතො අනිවත්තන්තො විහාරං ගන්ත්වා සත්ථු සන්තිකෙ ධම්මං සුත්වා මාතාපිතරො අනුජානාපෙත්වා පබ්බජිත්වා විපස්සනං පට්ඨපෙත්වා නචිරස්සෙව අරහත්තං පාපුණි. තෙන වුත්තං අපදානෙ (අප· ථෙර 1.13.41-64) –
“ජායමානෙ විපස්සිම්හි, නිමිත්තං බ්යාකරිං අහං;
නිබ්බාපයිඤ්ච ජනතං, බුද්ධො ලොකෙ භවිස්සති.
නිබ්බාපයිඤ්ච ජනතං, බුද්ධො ලොකෙ භවිස්සති.
“යස්මිඤ්ච ජායමානස්මිං, දසසහස්සි කම්පති;
සො දානි භගවා සත්ථා, ධම්මං දෙසෙති චක්ඛුමා.
සො දානි භගවා සත්ථා, ධම්මං දෙසෙති චක්ඛුමා.
“යස්මිඤ්ච ජායමානස්මිං, ආලොකො විපුලො අහු;
සො දානි භගවා සත්ථා, ධම්මං දෙසෙති චක්ඛුමා.
සො දානි භගවා සත්ථා, ධම්මං දෙසෙති චක්ඛුමා.
“යස්මිඤ්ච ජායමානස්මිං, සරිතායො න සන්දයුං;
සො දානි භගවා සත්ථා, ධම්මං දෙසෙති චක්ඛුමා.
සො දානි භගවා සත්ථා, ධම්මං දෙසෙති චක්ඛුමා.
“යස්මිඤ්ච ජායමානස්මිං, අවීචග්ගි න පජ්ජලි;
සො දානි භගවා සත්ථා, ධම්මං දෙසෙති චක්ඛුමා.
සො දානි භගවා සත්ථා, ධම්මං දෙසෙති චක්ඛුමා.
“යස්මිඤ්ච ජායමානස්මිං, පක්ඛිසඞ්ඝො න සඤ්චරි;
සො දානි භගවා සත්ථා, ධම්මං දෙසෙති චක්ඛුමා.
සො දානි භගවා සත්ථා, ධම්මං දෙසෙති චක්ඛුමා.
“යස්මිඤ්ච ජායමානස්මිං, වාතක්ඛන්ධො න වායති;
සො දානි භගවා සත්ථා, ධම්මං දෙසෙති චක්ඛුමා.
සො දානි භගවා සත්ථා, ධම්මං දෙසෙති චක්ඛුමා.
“යස්මිඤ්ච ජායමානස්මිං, සබ්බරතනානි ජොතයුං;
සො දානි භගවා සත්ථා, ධම්මං දෙසෙති චක්ඛුමා.
සො දානි භගවා සත්ථා, ධම්මං දෙසෙති චක්ඛුමා.
“යස්මිඤ්ච ජායමානස්මිං, සත්තාසුං පදවික්කමා;
සො දානි භගවා සත්ථා, ධම්මං දෙසෙති චක්ඛුමා.
සො දානි භගවා සත්ථා, ධම්මං දෙසෙති චක්ඛුමා.
“ජාතමත්තො ච සම්බුද්ධො, දිසා සබ්බා විලොකයි;
වාචාසභිමුදීරෙසි, එසා බුද්ධාන ධම්මතා.
වාචාසභිමුදීරෙසි, එසා බුද්ධාන ධම්මතා.
“සංවෙජයිත්වා ජනතං, ථවිත්වා ලොකනායකං;
සම්බුද්ධං අභිවාදෙත්වා, පක්කාමිං පාචිනාමුඛො.
සම්බුද්ධං අභිවාදෙත්වා, පක්කාමිං පාචිනාමුඛො.
“එකනවුතිතො කප්පෙ, යං බුද්ධමභිථොමයිං;
දුග්ගතිං නාභිජානාමි, ථොමනාය ඉදං ඵලං.
දුග්ගතිං නාභිජානාමි, ථොමනාය ඉදං ඵලං.
“ඉතො නවුතිකප්පම්හි, සම්මුඛාථවිකව්හයො;
සත්තරතනසම්පන්නො, චක්කවත්තී මහබ්බලො.
සත්තරතනසම්පන්නො, චක්කවත්තී මහබ්බලො.
“පථවීදුන්දුභි නාම, එකූනනවුතිම්හිතො;
සත්තරතනසම්පන්නො, චක්කවත්තී මහබ්බලො.
සත්තරතනසම්පන්නො, චක්කවත්තී මහබ්බලො.
“අට්ඨාසීතිම්හිතො කප්පෙ, ඔභාසො නාම ඛත්තියො;
සත්තරතනසම්පන්නො, චක්කවත්තී මහබ්බලො.
සත්තරතනසම්පන්නො, චක්කවත්තී මහබ්බලො.
“සත්තාසීතිම්හිතො කප්පෙ, සරිතච්ඡෙදනව්හයො;
සත්තරතනසම්පන්නො, චක්කවත්තී මහබ්බලො.
සත්තරතනසම්පන්නො, චක්කවත්තී මහබ්බලො.
“අග්ගිනිබ්බාපනො නාම, කප්පානං ඡළසීතියා;
සත්තරතනසම්පන්නො, චක්කවත්තී මහබ්බලො.
සත්තරතනසම්පන්නො, චක්කවත්තී මහබ්බලො.
“ගතිපච්ඡෙදනො නාම, කප්පානං පඤ්චසීතියා;
සත්තරතනසම්පන්නො, චක්කවත්තී මහබ්බලො.
සත්තරතනසම්පන්නො, චක්කවත්තී මහබ්බලො.
“රාජා වාතසමො නාම, කප්පානං චුල්ලසීතියා;
සත්තරතනසම්පන්නො, චක්කවත්තී මහබ්බලො.
සත්තරතනසම්පන්නො, චක්කවත්තී මහබ්බලො.
“රතනපජ්ජලො නාම, කප්පානං තෙඅසීතියා;
සත්තරතනසම්පන්නො, චක්කවත්තී මහබ්බලො.
සත්තරතනසම්පන්නො, චක්කවත්තී මහබ්බලො.
“පදවික්කමනො නාම, කප්පානං ද්වෙඅසීතියා;
සත්තරතනසම්පන්නො, චක්කවත්තී මහබ්බලො.
සත්තරතනසම්පන්නො, චක්කවත්තී මහබ්බලො.
“රාජා විලොකනො නාම, කප්පානං එකසීතියා;
සත්තරතනසම්පන්නො, චක්කවත්තී මහබ්බලො.
සත්තරතනසම්පන්නො, චක්කවත්තී මහබ්බලො.
“ගිරසාරොති නාමෙන, කප්පෙසීතිම්හි ඛත්තියො;
සත්තරතනසම්පන්නො, චක්කවත්තී මහබ්බලො.
සත්තරතනසම්පන්නො, චක්කවත්තී මහබ්බලො.