121. උප්පන්නං උප්පජ්ජමානං උප්පජ්ජමානං උප්පන්නං:

122. න උප්පන්නං න උප්පජ්ජමානං න උප්පජ්ජමානං න උප්පන්නං:

123. නිරුද්ධං නිරුජ්ඣමානං නිරුජ්ඣමානං නිරුද්ධං:

124. න නිරුද්ධං න නිරුජ්ඣමානං න නිරුජ්ඣමානං න නිරුද්ධං:

125. යස්ස යං චිත්තං උප්පජ්ජමානං ඛණං ඛණං වීතික්කන්තං අතික්කන්තකාලං, නිරුජ්ඣමානං ඛණං ඛණං වීතික්කන්තං අතික්කන්තකාලං තස්ස තං චිත්තං:

යස්ස වා පන යං චිත්තං නිරුජ්ඣමානං ඛණං ඛණං වීතික්කන්තං අතික්කන්තකාලං උප්පජ්ජමානං ඛණං ඛණං වීතික්කන්තං අතික්කන්තකාලං තස්ස තං චිත්තං:

126. යස්ස යං චිත්තං න උප්පජ්ජමානං ඛණං ඛණං වීතික්කන්තං අතික්කන්තකාලං න නිරුජ්ඣමානං ඛණං ඛණං වීතික්කන්තං අතික්කන්තකාලං තස්ස තං චිත්තං:

යස්ස වා පන යං චිත්තං න නිරුජ්ඣමානං ඛණං ඛණං වීතික්කන්තං අතික්කන්තකාලං න උප්පජ්ජමානං ඛණං ඛණං වීතික්කන්තං අතික්කන්තකාලං තස්ස තං චිත්තං:

127-2016. යස්ස සරාගං චිත්තං උප්පජ්ජති -පෙ- යස්ස වීතරාගං චිත්තං උප්පජ්ජති -පෙ- යස්ස සදොසං චිත්තං උප්පජ්ජති -පෙ- යස්ස වීතදොසං චිත්තං උප්පජ්ජති -පෙ- යස්ස සමොහං චිත්තං උප්පජ්ජති -පෙ- යස්ස වීතමොහං චිත්තං උප්පජ්ජති -පෙ- යස්ස සඞ්ඛිත්තං චිත්තං උප්පජ්ජති -පෙ- යස්ස වික්ඛිත්තං චිත්තං උප්පජ්ජති -පෙ- යස්ස මහග්ගතං චිත්තං උප්පජ්ජති -පෙ- යස්ස අමහග්ගතං චිත්තං උප්පජ්ජති -පෙ- යස්ස ස උත්තරං චිත්තං උප්පජ්ජති -පෙ- යස්ස අනුත්තරං චිත්තං උප්පජ්ජති -පෙ- යස්ස සමාහිතං චිත්තං උප්පජ්ජති -පෙ- යස්ස අසමාහිතං චිත්තං උප්පජ්ජති -පෙ- යස්ස විමුත්තං චිත්තං උප්පජ්ජති -පෙ- යස්ස අවිමුත්තං චිත්තං උප්පජ්ජති -පෙ-

2017-536256. යස්ස කුසලං චිත්තං උප්පජ්ජති -පෙ- යස්ස අකුසලං චිත්තං උප්පජ්ජති -පෙ- යස්ස අබ්යාකතං චිත්තං උප්පජ්ජති -පෙ- යස්ස සුඛාය වෙදනාය සම්පයුත්තං චිත්තං උප්පජ්ජති -පෙ- (එතෙන උපායෙන යාව සරණ අරණා උද්ධරිතබ්බා), යස්ස අරණං චිත්තං උප්පජ්ජති න නිරුජ්ඣති තස්ස අරණං චිත්තං නිරුජ්ඣිස්සති න උප්පජ්ජිස්සති:

යස්ස වා පන අරණං චිත්තං නිරුජ්ඣිස්සති න උප්පජ්ජිස්සති තස්ස අරණං චිත්තං උප්පජ්ජති න නිරුජ්ඣති -පෙ-