37. යස්ස කායසඞ්ඛාරො නිරුජ්ඣිස්සති තස්ස වචීසඞ්ඛාරො නිරුජ්ඣිස්සතීති: ආමන්තා.
යස්ස වා පන වචීසඞ්ඛාරො නිරුජ්ඣිස්සති තස්ස කායසඞ්ඛාරො නිරුජ්ඣිස්සතීති: කාමාවචරානං පච්ඡිමචිත්තස්ස උපාපාදක්ඛණෙ, යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, රූපාවචරෙ අරූපාවචරෙ පච්ඡිමභවිකානං යෙ ච රූපාවචරං අරූපාවචරං උප්පජ්ජිත්වා පරිනිබ්බායිස්සන්ති තෙසං වචන්තානං තෙසං වචීසඞ්ඛාරො නිරුජ්ඣිස්සති, නො ච තෙසං කායසඞ්ඛාරො නිරුජ්ඣිස්සති. ඉතරෙසං වචීසඞ්ඛාරො ච නිරුජ්ඣිස්සති, කායසඞ්ඛාරො ච නිරුජ්ඣිස්සති.
38. යස්ස කායසඞ්ඛාරො නිරුජ්ඣිස්සති තස්ස චිත්තසඞ්ඛාරො නිරුජ්ඣිස්සතීති: ආමන්තා.
යස්ස වා පන චිත්තසඞ්ඛාරො නිරුජ්ඣිස්සති තස්ස කායසඞ්ඛාරො නිරුජ්ඣිස්සතීති: කාමාවචරානං පච්ඡිමචිත්තස්ස උප්පාදක්ඛණෙ, යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, රූපාවචරෙ. අරූපාවචරෙ පච්ඡිමභවිකානං, යෙ ච රූපාවචරං, අරූපාවචරං උප්පජ්ජිත්වා පරිනිබ්බායිස්සන්ති තෙසං වචන්තානං තෙසං චිත්තසඞ්ඛාරො නිරුජ්ඣිස්සති නො ච තෙසං කායසඞ්ඛාරො නිරුජ්ඣිස්සති. ඉතරෙසං තෙසං චිත්තසඞ්ඛාරො ච නිරුජ්ඣිස්සති, කායසඞ්ඛාරො ච නිරුජ්ඣිස්සති.
39. යස්ස වචීසඞ්ඛාරො නිරුජ්ඣිස්සති තස්ස චිත්තසඞ්ඛාරො නිරුජ්ඣිස්සතීති: ආමන්තා.
යස්ස වා පන චිත්තසඞ්ඛාරො නිරුජ්ඣිස්සති තස්ස වචීසඞ්ඛාරො නිරුජ්ඣිස්සතීති: අවිතක්කඅවිචාරපච්ඡිමචිත්තස්ස උප්පාදක්ඛණෙ, යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති තෙසං චිත්තසඞ්ඛාරො නිරුජ්ඣිස්සති, නො ච තෙසං වචීසඞ්ඛාරො නිරුජ්ඣිස්සති, ඉතරෙසං තෙසං චිත්තසඞ්ඛාරො ච නිරුජ්ඣිස්සති වචීසඞ්ඛාරො ච නිරුජ්ඣිස්සති. (අනුලාමපුග්ගල)
40-42. යත්ථ කායසඞ්ඛාරො නිරුජ්ඣිස්සති -පෙ- (අනුලොමඔකාස)
43. යස්ස යත්ථ කායසඞ්ඛාරො නිරුජ්ඣිස්සති තස්ස වචීසඞ්ඛාරො නිරුජ්ඣිස්සතීති: දුතියජ්ඣානං, තතියජ්ඣානං සමාපන්නානං තෙසං තත්ථ කායසඞ්ඛාරො නිරුජ්ඣිස්සති, නො ච තෙසං තත්ථ වචීසඞ්ඛාරො නිරුජ්ඣිස්සති. පඨමජ්ඣානං සමාපන්නානං, කාමාවචරානං තෙසං තත්ථ කායසඞ්ඛාරො ච නිරුජ්ඣිස්සති, වචීසඞ්ඛාරො ච නිරුජ්ඣිස්සති.
යස්ස වා පන යත්ථ වචීසඞ්ඛාරො නිරුජ්ඣිස්සති තස්ස තත්ථ කායසඞ්ඛාරො නිරුජ්ඣිස්සතීති: කාමාවචරානං පච්ඡිමචිත්තස්ස උප්පාදක්ඛණෙ, යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, රූපාවචරානං අරූපාවචරානං තෙසං තත්ථ වචීසඞ්ඛාරො නිරුජ්ඣිස්සති, නො ච තෙසං තත්ථ කායසඞ්ඛාරො නිරුජ්ඣිස්සති. පඨමජ්ඣානං සමාපන්නානං ඉතරෙසං කාමාවචරානං තෙසං තත්ථ වචීසඞ්ඛාරො ච නිරුජ්ඣිස්සති, කායසඞ්ඛාරො ච නිරුජ්ඣිස්සති.