30. යො දුක්ඛසච්චං පරිජානාති, සො සමුදයසච්චං පජහතීති: ආමන්තා. යො වා පන සමුදයසච්චං පජහති, සො දුක්ඛ සච්චං පරිජානාතීති: ආමන්තා.

යො දුක්ඛසච්චං න පරිජානාති සො සමුදයසච්චං න පජහතීති: ආමන්තා. යො වා පන සමුදයසච්චං න පජහති සො දුක්ඛසච්චං න පරිජානාතීති: ආමන්තා.

31. යො දුක්ඛසච්චං පරිජානිත්ථ සො සමුදයසච්චං පජහිත්ථාති: ආමන්තා. යො වා පන සමුදයසච්චං පජහිත්ථ සො දුක්ඛසච්චං පරිජානිත්ථාති: ආමන්තා.

යො දුක්ඛසච්චං න පරිජානිත්ථ සො සමුදයසච්චං න පජහිත්ථාති: ආමන්තා. යො වා පන සමුදයසච්චං න පජහිත්ථ සො දුක්ඛසච්චං න පරිජානිත්ථාති: ආමන්තා.

32. යො දුක්ඛසච්චං පරිජානිස්සති සො සමුදයසච්චං පජහිස්සතීති: ආමන්තා. යො වා පන සමුදයසච්චං පජහිස්සති සො දුක්ඛසච්චං පරිජානිස්සතීති: ආමන්තා.

යො දුක්ඛසච්චං න පරිජානිස්සති සො සමුදයසච්චං න පජහිස්සතීති: ආමන්තා. යො වා පන සමුදයසච්චං න පජහිස්සති සො දුක්ඛසච්චං න පරිජානිස්සතීති: ආමන්තා.

33. යො දුක්ඛසච්චං පරිජානාති සො සමුදයසච්චං පජහිත්ථාති: නො. යො වා පන සමුදයසච්චං පජහිත්ථ සො දුක්ඛසච්චං පරිජානාතීති: නො

යො දුක්ඛසච්චං න පරිජානාති සො සමුදයසච්චං න පජහිත්ථාති: අරහා දුක්ඛසච්චං න පරිජානාති, නො ච සමුදයසච්චං න පජහිත්ථ. අග්ගමග්ගසමඞ්ගිඤ්ච අරහන්තඤ්ච ඨපෙත්වා අවසෙසා පුග්ගලා දුක්ඛසච්චඤ්ච න පරිජානන්ති, සමුදයසච්චඤ්ච න පජහිත්ථ. යො වා පන සමුදයසච්චං න පජහිත්ථ සො දුක්ඛසච්චං න පරිජානාතීති: අග්ගමග්ගසමඞ්ගී සමුදයසච්චං න පජහිත්ථ, නො ච දුක්ඛසච්චං න පරිජානාති. අග්ගමග්ගසමඞ්ගිඤ්ච අරහන්තඤ්ච ඨපෙත්වා අවසෙසා පුග්ගලා සමුදයසච්චඤ්ච න පජහිත්ථ, දුක්ඛසච්චඤ්ච න පරිජානන්ති.

34. යො දුක්ඛසච්චං පරිජානාති සො සමුදයසච්චං පජහිස්සතීති නො. යො වා පන සමුදයසච්චං පජහිස්සති සො දුක්ඛසච්චං පරිජානාතීති: නො.

යො දුක්ඛසච්චං න පරිජානාති සො සමුදයසච්චං න පජහිස්සතීති: යෙ මග්ගං පටිලභිස්සන්ති තෙ දුක්ඛසච්චං න පරිජානන්ති, නො ච සමුදයසච්චං න පජහිස්සන්ති. අරහා, යෙ ච පුථුජ්ජනා මග්ගං න පටිලභිස්සන්ති තෙ දුක්ඛසච්චඤ්ච න පරිජානන්ති, සමුදයසච්චඤ්ච න පජහිස්සන්ති, යො වා පන සමුදයසච්චං න පජහිස්සති සො දුක්ඛසච්චං න පරිජානාතීති: අග්ගමග්ගසමඞ්ගී සමුදයසච්චං න පජහිස්සති, නො ච දුක්ඛසච්චං න පරිජානාති. අරහා, යෙ ච පුථුජ්ජනා මග්ගං න පටිලභිස්සන්ති තෙ සමුදයසච්චඤ්ච න පජහිස්සන්ති, දුක්ඛසච්චඤ්ච න පරිජානන්ති.