1. යස්ස රූපක්ඛන්ධො උප්පජ්ජති තස්ස වෙදනාක්ඛන්ධො උප්පජ්ජතීති: අසඤ්ඤසත්තං උපපජ්ජන්තානං තෙසං රූපක්ඛන්ධො උප්පජ්ජති. නො ච තෙසං වෙදනාක්ඛන්ධො උප්පජ්ජති. පඤ්චවොකාරං උපපජ්ජන්තානං තෙසං රූපක්ඛන්ධො ච උප්පජ්ජති. වෙදනාක්ඛන්ධො ච උප්පජ්ජති.

යස්ස වා පන වෙදනාක්ඛන්ධො උප්පජ්ජති තස්ස රූපක්ඛන්ධො උප්පජ්ජතීති: අරූපං උපපජ්ජන්තානං තෙසං වෙදනාක්ඛන්ධො උප්පජ්ජති. නො ච තෙසං රූපක්ඛන්ධො උප්පජ්ජති. පඤ්චවොකාරං උපපජ්ජන්තානං තෙසං වෙදනාක්ඛන්ධො ච උප්පජ්ජති. රූපක්ඛන්ධො ච උප්පජ්ජති. (අනුලොම පුග්ගල)

2. යත්ථ රූපක්ඛන්ධො උප්පජ්ජති තත්ථ වෙදනාක්ඛන්ධො උප්පජ්ජතීති: අසඤ්ඤසත්තෙ තත්ථ රූපක්ඛන්ධො උප්පජ්ජති, නො ච තත්ථ වෙදනාක්ඛන්ධො උප්පජ්ජති. පඤ්චවොකාරෙ තත්ථ රූපක්ඛන්ධො ච උප්පජ්ජති, වෙදනාක්ඛන්ධො ච උප්පජ්ජති.

යත්ථ වා පන වෙදනාක්ඛන්ධො උප්පජ්ජති තත්ථ රූපක්ඛන්ධො උප්පජ්ජතීති: අරූපෙ තත්ථ වෙදනාක්ඛන්ධො උප්පජ්ජති, නො ච තත්ථ රූපක්ඛන්ධො උප්පජ්ජති, පඤ්චවොකාරෙ තත්ථ වෙදනාක්ඛන්ධො ච උප්පජ්ජති, රූපක්ඛන්ධො ච උප්පජ්ජති. (අනුලොම ඔකාස)

3. යස්ස යත්ථ රූපක්ඛන්ධො උප්පජ්ජති තස්ස තත්ථ වෙදනාක්ඛන්ධො උප්පජ්ජතීති: අසඤ්ඤසත්තං උපපජ්ජන්තානං තෙසං තත්ථ රූපක්ඛන්ධො උප්පජ්ජති, නො ච තෙසං තත්ථ වෙදනාක්ඛන්ධො උප්පජ්ජති, පඤ්චවොකාරං උපපජ්ජන්තානං තෙසං තත්ථ රූපක්ඛන්ධො ච උප්පජ්ජති, වෙදනාක්ඛන්ධො ච උප්පජ්ජති.

යස්ස වා පන යත්ථ වෙදනාක්ඛන්ධො උප්පජ්ජති තස්ස තත්ථ රූපක්ඛන්ධො උප්පජ්ජතීති: අරූපං උපපජ්ජන්තානං තෙසං තත්ථ වෙදනාක්ඛන්ධො උප්පජ්ජති, නො ච තෙසං තත්ථ රූපක්ඛන්ධො උප්පජ්ජති. පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො ච උප්පජ්ජති, රූපක්ඛන්ධො ච උප්පජ්ජති. (අනුලොම පුග්ගලොකාස)

4. යස්ස රූපක්ඛන්ධො නූප්පජ්ජති තස්ස වෙදනාක්ඛන්ධො නූප්පජ්ජතීති: අරූපං උප්පජ්ජන්තානං තෙසං රූපක්ඛන්ධො නූප්පජ්ජති, නො ච තෙසං වෙදනාක්ඛන්ධො නූප්පජ්ජති. සබ්බෙසං චවන්තානං තෙසං රූපක්ඛන්ධො ච නූප්පජ්ජති, වෙදනාක්ඛන්ධො ච නූප්පජ්ජති.

යස්ස වා පන වෙදනාක්ඛන්ධො නූප්පජ්ජති තස්ස රූපක්ඛන්ධො නූප්පජ්ජතීති: අසඤ්ඤසත්තං උපපජ්ජන්තානං තෙසං වෙදනාක්ඛන්ධො නූප්පජ්ජති, නො ච තෙසං රූපක්ඛන්ධො නූප්පජ්ජති. සබ්බෙසං චවන්තානං තෙසං වෙදනාක්ඛන්ධො නූප්පජ්ජති, රූපක්ඛන්ධො ච නූප්පජ්ජති. (පච්චනීකපුග්ගල)

5. යත්ථ රූපක්ඛන්ධො නූප්පජ්ජති තත්ථ වෙදනාක්ඛන්ධො නූප්පජ්ජතීති: උප්පජ්ජති.

යත්ථ වා පන වෙදනාක්ඛන්ධො නූප්පජ්ජති තත්ථ රූපක්ඛන්ධො නූප්පජ්ජතීති: උප්පජ්ජති. (පච්චනීක ඔකාස)

6. යස්ස යත්ථ රූපක්ඛන්ධො නූප්පජ්ජති තස්ස තත්ථ වෙදනාක්ඛන්ධො නූප්පජ්ජතීති: අරූපං උප්පජ්ජන්තානං තෙසං තත්ථ රූපක්ඛන්ධො නූප්පජ්ජති, නො ච තෙසං තත්ථ වෙදනාක්ඛන්ධො නූප්පජ්ජති. සබ්බෙසං චවන්තානං තෙසං තත්ථ රූපක්ඛන්ධො ච නූප්පජ්ජති, වෙදනාක්ඛන්ධො ච නූප්පජ්ජති.

යස්ස වා පන යත්ථ වෙදනාක්ඛන්ධො නූප්පජ්ජති තස්ස තත්ථ රූපක්ඛන්ධො නූප්පජ්ජතීති අසඤ්ඤසත්තං උප්පජ්ජන්තානං තෙසං තත්ථ වෙදනාක්ඛන්ධො නූප්පජ්ජති නො ච තෙසං තත්ථ රූපක්ඛන්ධො නුප්පජ්ජති. සබ්බෙසං චවන්තානං තෙසං තත්ථ වෙදනාක්ඛන්ධො ච නූප්පජ්ජති, රූපක්ඛන්ධො ච නූප්පජ්ජති. (පච්චනීක පුග්ගලොකාස)

7. යස්ස රූපක්ඛන්ධො උප්පජ්ජිත්ථ තස්ස වෙදනාක්ඛන්ධො උප්පජ්ජිත්ථාති: ආමන්තා.

යස්ස වා පන වෙදනාක්ඛන්ධො උප්පජ්ජිත්ථ තස්ස රූපක්ඛන්ධො උප්පජ්ජිත්ථාති: ආමන්තා. (අනුලොමපුග්ගල)

8. යත්ථ රූපක්ඛන්ධො උප්පජ්ජිත්ථ, තත්ථ වෙදනාක්ඛන්ධො උප්පජ්ජිත්ථාති: අසඤ්ඤසත්තෙ තත්ථ රූපක්ඛන්ධො උප්පජ්ජිත්ථ, නො ච තත්ථ වෙදනාක්ඛන්ධො උප්පජ්ජිත්ථ. පඤ්චවොකාරෙ තත්ථ රූපක්ඛන්ධො ච උප්පජ්ජිත්ථ, වෙදනාක්ඛන්ධො ච උප්පජ්ජිත්ථ.

යත්ථ වා පන වෙදනාක්ඛන්ධො උප්පජ්ජිත්ථ තත්ථ රූපක්ඛන්ධො උප්පජ්ජිත්ථාති: අරූපෙ තත්ථ වෙදනාක්ඛන්ධො උප්පජ්ජිත්ථ, නො ච තත්ථ රූපක්ඛන්ධො උප්පජ්ජිත්ථ. පඤ්චවොකාරෙ තත්ථ වෙදනාක්ඛන්ධො ච උප්පජ්ජිත්ථ රූපක්ඛන්ධො ච උප්පජ්ජිත්ථ. (අනුලොම ඔකාස)

9. යස්ස යත්ථ රූපක්ඛන්ධො උප්පජ්ජිත්ථ, තස්ස තත්ථ වෙදනාක්ඛන්ධො උප්පජ්ජිත්ථාති: අසඤ්ඤසත්තානං තෙසං තත්ථ රූපක්ඛන්ධො උප්පජ්ජිත්ථ, නො ච තෙසං තත්ථ වෙදනාක්ඛන්ධො උප්පජ්ජිත්ථ, පඤ්චවොකාරානං තෙසං තත්ථ රූපක්ඛන්ධො ච උප්පජ්ජිත්ථ, වෙදනාක්ඛන්ධො ච උප්පජ්ජිත්ථ.

යස්ස වා පන යත්ථ වෙදනාක්ඛන්ධො උප්පජ්ජිත්ථ තස්ස තත්ථ රූපක්ඛන්ධො උප්පජ්ජිත්ථාති: අරූපානං තෙසං තත්ථ වෙදනාක්ඛන්ධො උප්පජ්ජිත්ථ. නො ච තෙසං තත්ථ රූපක්ඛන්ධො උප්පජ්ජිත්ථ. පඤ්චවොකාරානං තෙසං තත්ථ වෙදනාක්ඛන්ධො ච උප්පජ්ජිත්ථ. රූපක්ඛන්ධො ච උප්පජ්ජිත්ථ. (අනුලොම පුග්ගලොකාස)