5. තිකතික පට්ඨානං
කුසලං සුඛාය වෙදනාය සම්පයුත්තං ධම්මං පටිච්ච කුසලො සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. අකුසලං සුඛාය වෙදනාය සම්පයුත්තං ධම්මං පටිච්ච අකුසලො සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. අබ්යාකතං සුඛාය වෙදනාය සම්පයුත්තං ධම්මා පටිච්ච අබ්යාකතො සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. හෙතුයා තීණි. ආරම්මණෙ තීණි, අවිගතෙ තීණි, (සහජාතවාරංපි සම්පයුත්තවාරංපි පටිච්චවාරසදිසං.) කුසලො සුඛාය වෙදනාය සම්පයුත්තො ධම්මො කුසලස්ස සුඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො, අකුසලො සුඛාය වෙදනාය සම්පයුත්තො ධම්මො අකුසලස්ස සුඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. අබ්යාකතො සුඛාය වෙදනාය සම්පයුත්තො ධම්මො අබ්යාකතස්ස සුඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. කුසලො සුඛාය වෙදනාය සම්පයුත්තො ධම්මො කුසලස්ස සුඛාය වෙදනාය සම්පයුත්තස්ස ධම්මස්ස ආරම්මණපච්චයෙන පච්චයො. හෙතුයා තීණි. ආරම්මණෙ නව, (යථා කුසලත්තිකෙ පඤ්හාවාරො, එවං විත්ථාරෙතබ්බං.)
අකුසලං දුක්ඛාය වෙදනාය සම්පයුත්තං ධම්මං පටිච්ච කුසලො දුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා, අකුසලං දුක්ඛාය වෙදනාය සම්පයුත්තං ධම්මං පටිච්ච අකුසලො දුක්ඛාය වෙදනාය සම්පයුත්තො ධම්මො උප්පජ්ජති ආරම්මණපච්චයා. අබ්යාකතං දුක්ඛාය වෙදනාය සම්පයුත්තං ධම්මං පටිච්ච අබ්යාකතො දුක්ඛාය වෙදනාය සම්පයුත්තො ධම්මො උප්පජ්ජති ආරම්මණපච්චයා හෙතුයා එකං, ආරම්මණෙ ද්වෙ, අවිගතෙ ද්වෙ, (සහජාතවාරංපි සම්පයුත්තවාරංපි පටිච්චවාරසදිසං.) අකුසලො දුක්ඛාය වෙදනාය සම්පයුත්තො ධම්මො අකුසලස්ස දුක්ඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. අකුසලො දුක්ඛාය වෙදනාය සම්පයුත්තො ධම්මො අකුසලස්ස දුක්ඛාය වෙදනාය සම්පයුත්තස්ස ධම්මස්ස ආරම්මණපච්චයෙන පච්චයො. අබ්යාකතො දුක්ඛාය වෙදනාය සම්පයුත්තො ධම්මො අකුසලස්ස දුක්ඛාය වෙදනාය සම්පයුත්තස්ස ධම්මස්ස ආරම්මණපච්චයෙන පච්චයො. හෙතුයා එකං, ආරම්මණෙ ද්වෙ. (යථා කුසලත්තිකෙ පඤ්හාවාරො, එවං විත්ථාරෙතබ්බං.)
කුසලං අදුක්ඛමසුඛාය වෙදනාය සම්පයුත්තං ධම්මං පටිච්ච කුසලො අදුක්ඛමසුඛාය වෙදනාය සම්පයුත්තො ධම්මො උප්පජ්ජති
හෙතුපච්චයා. අකුසලං අදුක්ඛමසුඛාය වෙදනාය සම්පයුත්තං ධම්මං පටිච්ච අකුසලො අදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. අබ්යාකතං අදුක්ඛමසුඛාය වෙදනාය සම්පයුත්තං ධම්මං පටිච්ච අබ්යාකතො අදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. හෙතුයා තීණි, ආරම්මණෙ තීණි, අවිගතෙ තීණි, (සහජාතවාරංපි සම්පයුත්තවාරංපි පටිච්චවාරසදිසං.) කුසලො අදුක්ඛමසුඛාය වෙදනාය සම්පයුත්තො ධම්මො කුසලස්ස අදුක්ඛමසුඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. අකුසලො අදුක්ඛමසුඛාය වෙදනාය සම්පයුත්තො ධම්මො අකුසලස්ස අදුක්ඛමසුඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. අබ්යාකතො අදුක්ඛමසුඛාය වෙදනාය සම්පයුත්තො ධම්මො අබ්යාකතස්ස අදුක්ඛමසුඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. හෙතුයා තීණි, ආරම්මණෙ නව. අධිපතියා සත්ත, අනන්තරෙ සත්ත. උපනිස්සයෙ නව, අවිගතෙ තීණි. (යථා කුසලත්තිකෙ පඤ්හාවාරො එවං විත්ථාරෙතබ්බං.)
අබ්යාකතං විපාකං ධම්මං පටිච්ච අබ්යාකතො විපාකො ධම්මො උප්පජ්ජති හෙතුපච්චයා. හෙතුයා එකං, ආරම්මණෙ එකං, අවිගතෙ එකං සහජාතවාරංපි පඤ්හාවාරංපි සබ්බත්ථ එකං, කුසලං විපාකධම්මධම්මං පටිච්ච කුසලො විපාකධම්මධම්මො උප්පජ්ජති හෙතුපච්චයා. අකුසලං විපාකධම්මධම්මං පටිච්ච අකුසලො විපාකධම්මධම්මො උප්පජ්ජති හෙතුපච්චයා. හෙතුයා ද්වෙ, ආරම්මණෙ ද්වෙ, අවිගතෙ ද්වෙ, (සහජාතවාරංපි සම්පයුත්තවාරංපි පටිච්චවාරසදිසං.) කුසලො විපාකධම්මධම්මො කුසලස්ස විපාකධම්මධම්මස්ස හෙතුපච්චයෙන පච්චයො අකුසලො විපාකධම්මධම්මො අකුසලස්ස විපාකධම්මධම්මස්ස හෙතුපච්චයෙන පච්චයො. කුසලො විපාකධම්මධම්මො කුසලස්ස විපාකධම්මධම්මස්ස ආරම්මණපච්චයෙන පච්චයො. කුසලො විපාකධම්මධම්මො අකුසලස්ස විපාකධම්මධම්මස්ස ආරම්මණපච්චයෙන පච්චයො. අකුසලො විපාකධම්මධම්මො අකුසලස්ස විපාකධම්මධම්මස්ස ආරම්මණපච්චචයෙන පච්චයො. අකුසලො විපාකධම්මධම්මො කුසලස්ස විපාකධම්මධම්මස්ස ආරම්මණපච්චයෙන පච්චයො. හෙතුයා ද්වෙ, ආරම්මණෙ චත්තාරි, අධිපතියා තීණි. අනන්තරෙ ද්වෙ, සහජාතෙ ද්වෙ, උපනිස්සයෙ චත්තාරි, අවිගතෙ ද්වෙ. (යථා කුසලත්තිකෙ පඤ්හාවාරො එවං විත්ථාරෙතබ්බං.) අබ්යාකතං නෙව විපාක න විපාකධම්මධම්මං පටිච්ච අබ්යාකතො නෙවවිපාකනවිපාකධම්මධම්මො උප්පජ්ජති හෙතුපච්චයා. හෙතුයා එකං, ආරම්මණෙ එකං, අවිගතෙ එකං, සහජාතවාරෙපි පඤ්හාවාරෙපි සබ්බත්ථ එකං.