අකුසලං කිලෙසං ධම්මං පටිච්ච අකුසලො කිලෙසො ධම්මො උප්පජ්ජති හෙතුපච්චයා. හෙතුයා එකං, ආරම්මණෙ එකං, අවිගතෙ එකං, සහාජාතවාරෙපි පඤ්හාවාරෙපි සබ්බත්ථ එකං, කුසලං නො කිලෙසං ධම්මං පටිච්ච කුසලො නො කිලෙසො ධම්මො උප්පජ්ජති හෙතුපච්චයා, තීණි. අකුසලං නො කිලෙසං ධම්මං පටිච්ච අකුසලො නො කිලෙසො ධම්මො උප්පජ්ජති හෙතුපච්චයා, තීණි. අබ්යාකතං නො කිලෙසං ධම්මං පටිච්ච අබ්යාකතො නො කිලෙසො ධම්මො උප්පජ්ජති හෙතුපච්චයා. හෙතුයා නව, ආරම්මණෙ තීණි, අධිපතියා නව, අවිගතෙ නව, (සහජාතවාරංපි සම්පයුත්තවාරංපි පටිච්චවාරසදිසං). කුසලො නො කිලෙසො ධම්මො කුසලස්ස නො කිලෙසස්ස ධම්මස්ස හෙතුපච්චයෙන පච්චයො, තීණි. අබ්යාකතො නො කිලෙසො ධම්මො අබ්යාකතස්ස නො කිලෙසස්ස ධම්මස්ස හෙතුපච්චයෙන පච්චයො. හෙතුයා චත්තාරි, ආරම්මණෙ නව, අවිගතෙ තෙරස, (යථා කුසලත්තිකෙ පඤ්හාවාරංපි එවං විත්ථාරෙතබ්බං).

කුසලං සංකිලෙසිකං ධම්මං පටිච්ච කුසලො සංකිලෙසිකො ධම්මො උප්පජ්ජති හෙතුපච්චයා, තීණි. අකුසලං සංකිලෙසිකං ධම්මං පටිච්ච අකුසලො සංකිලෙසිකො ධම්මො උප්පජ්ජති හෙතුපච්චයා, තීණි. අබ්යාකතං සංකිලෙසිකං ධම්මං පටිච්ච අබ්යාකතො සංකිලෙසිකො ධම්මො උප්පජ්ජති හෙතුපච්චයා. හෙතුයා නව, ආරම්මණෙ තීණි, අවිගතෙ නව. කුසලො සංකිලෙසිකො ධම්මො කුසලස්ස සංකිලෙසිකස්ස ධම්මස්ස හෙතුපච්චයෙන පච්චයො, තීණි. අකුසලො සංකිලෙසිකො ධම්මො අකුසලස්ස සංකිලෙසිකස්ස ධම්මස්ස හෙතුපච්චයෙන පච්චයො, තීණි. අබ්යාකතො සංකිලෙසිකො ධම්මො අබ්යාකතස්ස සංකිලෙසිකස්ස ධම්මස්ස හෙතුපච්චයෙන පච්චයො. හෙතුයා සත්ත, ආරම්මණෙ නව, අධිපතියා නව, අවිගතෙ තෙරස, (යථා කුසලත්තිකෙ පඤ්හාවාරංපි එවං විත්ථාරෙතබ්බං). කුසලං අසංකිලෙසිකං ධම්මං පටිච්ච කුසලො අසංකිලෙසිකො ධම්මො උප්පජ්ජති හෙතුපච්චයා. අබ්යාකතං අසංකිලෙසිකං ධම්මං පටිච්ච අබ්යාකතො අසංකිලෙසිකො ධම්මො උප්පජ්ජති හෙතුපච්චයා. හෙතුයා ද්වෙ. ආරම්මණෙ ද්වෙ, අවිගතෙ ද්වෙ, (සහජාතවාරංපි සම්පයුත්තවාරංපි පටිච්චවාරසදිසං).

කුසලො අසංකිලෙසිකො ධම්මො කුසලස්ස අසංකිලෙසිකස්ස ධම්මස්ස හෙතුපච්චයෙන පච්චයො. අබ්යාකතො අසංකිලෙසිකො ධම්මො අබ්යාකතස්ස අසංකිලෙසිකස්ස ධම්මස්ස හෙතුපච්චයෙන

පච්චයො. අබ්යාකතො අසංකිලෙසිකො ධම්මො අබ්යාකතස්ස අසංකිලෙසිකස්ස ධම්මස්ස ආරම්මණපච්චයෙන පච්චයො. අබ්යාකතො අසංකිලෙසිකො ධම්මො කුසලස්ස අසංකිලෙසිකස්ස ධම්මස්ස ආරම්මණපච්චයෙන පච්චයො. හෙතුයා ද්වෙ, ආරම්මණෙ ද්වෙ, අධිපතියා තීණි, අනන්තරෙ ද්වෙ, උපනිස්සයෙ චත්තාරි, අවිගතෙ ද්වෙ, (යථා කුසලත්තිකෙ පඤ්හාවාරංපි එවං විත්ථාරෙතබ්බං.)

අකුසලං සංකිලිට්ඨං ධම්මං පටිච්ච අකුසලො සංකිලිට්ඨො ධම්මො උප්පජ්ජති හෙතුපච්චයා. හෙතුයා එකං. ආරම්මණෙ එකං, අවිගතෙ එකං, (සහජාතවාරෙපි පඤ්හාවාරෙපි සබ්බත්ථ එකං), කුසලං අසංකිලිට්ඨං ධම්මං පටිච්ච කුසලො අසංකිලිට්ඨො ධම්මො උප්පජ්ජති හෙතුපච්චයා, කුසලං අසංකිලිට්ඨං ධම්මං පටිච්ච අබ්යාකතො අසංකිලිට්ඨො ධම්මො උප්පජ්ජති හෙතුපච්චයා. කුසලං අසංකිලිට්ඨං ධම්මං පටිච්ච කුසලො අසංකිලිට්ඨො ච අබ්යාකතො අසංකිලිට්ඨො ච ධම්මා උප්පජ්ජන්ති හෙතුපච්චයා. අබ්යාකතං අසංකිලිට්ඨං ධම්මං පටිච්ච අබ්යාකතො අසංකිලිට්ඨො ධම්මො උප්පජ්ජති හෙතුපච්චයා, ද්වෙ. කුසලං අසංකිලිට්ඨං ධම්මං පටිච්ච කුසලො අසංකිලිට්ඨො ධම්මො උප්පජ්ජති ආරම්මණපච්චයා. අබ්යාකතං අසංකිලිට්ඨං ධම්මං පටිච්ච අබ්යාකතො අසංකිලිට්ඨො ධම්මො උප්පජ්ජති ආරම්මණපච්චයා. හෙතුයා පඤ්ච, ආරම්මණෙ ද්වෙ, අධිපතියා පඤ්ච, අවිගතෙ පඤ්ච, (සහජාතවාරංපි සම්පයුත්තවාරංපි පටිච්චවාරසදිසං.) කුසලො අසංකිලිට්ඨො ධම්මො කුසලස්ස අසංකිලිට්ඨස්ස ධම්මස්ස හෙතුපච්චයෙන පච්චයො, තීණි. අබ්යාකතො අසංකිලිට්ඨො ධම්මො අබ්යාකතස්ස අසංකිලිට්ඨස්ස ධම්මස්ස හෙතුපච්චයෙන පච්චයො. කුසලො අසංකිලිට්ඨො ධම්මො කුසලස්ස අසංකිලිට්ඨස්ස ධම්මස්ස ආරම්මණපච්චයෙන පච්චයො, ද්වෙ. අබ්යාකතො අසංකිලිට්ඨො ධම්මො අබ්යාකතස්ස අසංකිලිට්ඨස්ස ධම්මස්ස ආරම්මණපච්චයෙන පච්චයො, ද්වෙ. හෙතුයා චත්තාරි, ආරම්මණෙ චත්තාරි, අධිපතියා පඤ්ච, අනන්තරෙ චත්තාරි, උපනිස්සයෙ චත්තාරි, අවිගතෙ සත්ත, (යථා කුසලත්තිකෙ පඤ්හාවාරංපි එවං විත්ථාරෙතබ්බං).

අකුසලං කිලෙසසම්පයුත්තං ධම්මං පටිච්ච අකුසලො කිලෙසසම්පයුත්තො ධම්මො උප්පජ්ජති හෙතුපච්චයා, (සංකිලිට්ඨදුකසදිසං). අකුසලං කිලෙසඤ්චෙව සංකිලෙසිකඤ්ච ධම්මං පටිච්ච අකුසලො කිලෙසො චෙව සංකිලෙසිකො ච ධම්මො උප්පජ්ජති හෙතුපච්චයා. හෙතුයා එකං, අවිගතෙ එකං, සහජාතවාරෙපි පඤ්හාවාරෙපි සබ්බත්ථ එකං, කුසලං සංකිලෙසිකඤ්චෙව නො ච කිලෙසං ධම්මං පටිච්ච කුසලො සංකිලෙසිකො චෙව නො ච කිලෙසො ධම්මො උප්පජ්ජති