2. වෙදනා හෙතු තිකදුකං.
සුඛාය වෙදනාය සම්පයුත්තං හෙතුං ධම්මං පටිච්ච සුඛාය වෙදනාය සම්පයුත්තො හෙතු ධම්මො උප්පජ්ජති හෙතුපච්චයා. දුක්ඛාය වෙදනාය සම්පයුත්තං හෙතු ධම්මං පටිච්ච දුක්ඛාය වෙදනාය
සම්පයුත්තො හෙතු ධම්මො උප්පජ්ජති හෙතුපච්චයා, අදුක්ඛමසුඛාය වෙදනාය සම්පයුත්තං හෙතුං ධම්මං පටිච්ච අදුක්ඛමසුඛාය වෙදනාය සම්පයුත්තො හෙතු ධම්මො උප්පජ්ජති හෙතුපච්චයා. හෙතුයා තීණි, ආරම්මණෙ තීණි, අධිපතියා තීණි. විපාකෙ ද්වෙ, අවිගතෙ තීණි. න අධිපතියා තීණි. න පුරෙජාතෙ ද්වෙ, න පච්ඡාජාතෙ තීණි, න ආසෙවනෙ තීණි, න විපාකෙ තීණි, න විප්පයුත්තෙ ද්වෙ, හෙතුපච්චයා න අධිපතියා තීණි. න අධිපතිපච්චයා හෙතුයා තීණි, (සහජාතවාරංපි -පෙ- සම්පයුත්තවාරංපි විත්ථාරෙතබ්බං.)
සුඛාය වෙදනාය සම්පයුත්තො හෙතුධම්මො සුඛාය වෙදනාය සම්පයුත්තස්ස හෙතුස්ස ධම්මස්ස හෙතුපච්චයෙන පච්චයො. දුක්ඛාය වෙදනාය සම්පයුත්තො හෙතුධම්මො දුක්ඛාය වෙදනාය සම්පයුත්තස්ස හෙතුස්ස ධම්මස්ස හෙතුපච්චයෙන පච්චයො. අදුක්ඛමසුඛාය වෙදනාය සම්පයුත්තො හෙතුධම්මො අදුක්ඛමසුඛාය වෙදනාය සම්පයුත්තස්ස හෙතුස්ස ධම්මස්ස හෙතුපච්චයෙන පච්චයො. සුඛාය වෙදනාය සම්පයුත්තො හෙතුධම්මො සුඛාය වෙදනාය සම්පයුත්තස්ස හෙතුස්ස ධම්මස්ස ආරම්මණපච්චයෙන පච්චයො. තීණි. දුක්ඛාය වෙදනාය සම්පයුත්තො හෙතුධම්මො දුක්ඛාය වෙදනාය සම්පයුත්තස්ස හෙතුස්ස ධම්මස්ස ආරම්මණපච්චයෙන පච්චයො. තීණි. අදුක්ඛමසුඛාය වෙදනාය සම්පයුත්තො හෙතුධම්මො අදුක්ඛමසුඛාය වෙදනාය සම්පයුත්තස්ස හෙතුස්ස ධම්මස්ස ආරම්මණපච්චයෙන පච්චයො, තීණි. හෙතුයා තීණි. ආරම්මණෙ නව, අධිපතියා චත්තාරි, අනන්තරෙ ඡ, සමනන්තරෙ ඡ, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ නව, ආසෙවනෙ තීණි. විපාකෙ ද්වෙ, ඉන්ද්රියෙ මග්ගෙ ද්වෙ, සම්පයුත්තෙ තීණි, අත්ථියා තීණි, නත්ථියා ඡ, විගතෙ ඡ, අවිගතෙ තීණි. න හෙතුයා නව, න ආරම්මණෙ නව, හෙතුපච්චයා න ආරම්මණෙ තීණි. න හෙතු පච්චයා ආරම්මණෙ නව, (යථා කුසලත්තිකෙ පඤ්හාවාරං එවං විත්ථාරෙතබ්බං.)
සුඛාය වෙදනාය සම්පයුත්තං න හෙතුං ධම්මං පටිච්ච සුඛාය වෙදනාය සම්පයුත්තො න හෙතුධම්මො උප්පජ්ජති හෙතුපච්චයා. දුක්ඛාය වෙදනාය සම්පයුත්තං න හෙතුං ධම්මං පටිච්ච දුක්ඛාය වෙදනාය සම්පයුත්තො න හෙතු ධම්මො උප්පජ්ජති හෙතුපච්චයා, අදුක්ඛමසුඛාය වෙදනාය සම්පයුත්තං න හෙතුං ධම්මං පටිච්ච අදුක්ඛමසුඛාය වෙදනාය සම්පයුත්තො න හෙතුධම්මො උප්පජ්ජති හෙතුපච්චයා. හෙතුයා තීණි, ආරම්මණෙ තීණි, අවිගතෙ තීණි. න හෙතුයා තීණි, න අධිපතියා තීණි. න පුරෙජාතෙ ද්වෙ, න පච්ඡාජාතෙ තීණි, න ආසෙවනෙ තීණි, න කම්මෙ තීණි, න විපාකෙ