හීන හෙතුං ධම්මං පටිච්ච හීනො හෙතු ධම්මො උප්පජ්ජති හෙතු පච්චයා. මජ්ඣිමං හෙතුං ධම්මං පටිච්ච මජ්ඣිමො හෙතු ධම්මො උප්පජ්ජති හෙතුපච්චයා, පණීතං හෙතුං ධම්මං පටිච්ච පණීතො හෙතුධම්මො උප්පජ්ජති හෙතුච්චයා, හෙතුයා තීණි,

ආරම්මණෙ තීණි, අවිගතෙ තීණි, න අධිපතියා තීණි, න පුරෙජාතෙ තීණි. න පච්ඡාජාතෙ තීණි, න ආසෙවනෙ තීණි. න විපාක තීණි, න විප්පයුත්තෙ තීණි, (සහජාතවාරංපි සම්පයුත්තවාරං පි පටිච්චවාර සදිසං.) හීනො හෙතු ධම්මො හීනස්ස හෙතුස්ස ධම්මස්ස හෙතුපච්චයෙන පච්චයො, මජ්ඣිමො හෙතු ධම්මො මජ්ඣිමස්ස හෙතුස්ස ධම්මස්ස හෙතුපච්චයෙන පච්චයො, පණීතො හෙතුධම්මො පණීතස්ස හෙතුස්ස ධම්මස්ස හෙතුපච්චයෙන පච්චයො, හීනො හෙතුධම්මො හීනස්ස හෙතුස්ස ධම්මස්ස ආරම්මණ පච්චයෙන පච්චයො, හීනො හෙතුධම්මො මජ්ඣිස්ස හෙතුස්ස ධම්මස්ස ආරම්මණපච්චයෙන පච්චයො, මජ්ඣිමො හෙතුධම්මො මජජ්ධිමස්ස හෙතුස්ස ධම්මස්ස ආරම්මණපච්චයෙන පච්චයො, මජ්ඣිමො හෙතු ධම්මො හීනස්ස හෙතුස්ස ධම්මස්ස ආරම්මණපච්චයෙන පච්චයො, පණීතො හෙතුධම්මො මජ්ඣිමස්ස හෙතුස්ස ධම්මස්ස ආරම්මණපච්චයෙන පච්චයො, හීනො හෙතුධම්මො හීනස්ස හෙතුස්ස ධම්මස්ස අධිපතිපච්චයෙන පච්චයො, මජ්ඣිමො හෙතුධම්මො මජ්ඣිමස්ස හෙතුස්ස ධම්මස්ස අධිපතිපච්චයෙන පච්චයො, මජ්ඣිමො හෙතුධම්මො හීනස්ස හෙතුස්ස ධම්මස්ස අධිපතිපච්චයෙන පච්චයො, පණීතො හෙතුධම්මො පණීතස්ස හෙතුස්ස ධම්මස්ස අධිපතිපච්චයෙන පච්චයො, ද්වෙ. හීනො හෙතු ධම්මො හීනස්ස හෙතුස්ස ධම්මස්ස අනන්තරපච්චයෙන පච්චයො. ද්වෙ. මජ්ඣිමො හෙතුධම්මො මජ්ඣිමස්ස හෙතුස්ස ධම්මස්ස අන්තරපච්චයෙන පච්චයො, ද්වෙ, පණීතො හෙතුධම්මො පණීතස්ස හෙතුස්ස ධම්මස්ස අනන්තරපච්චයෙන පච්චයො, ද්වෙ. හෙතුයා තීණි, ආරම්මණෙ පඤ්ච, අධිපතියා පඤ්ච, අනන්තරෙ ඡ, සමනන්තරෙ ඡ, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ අට්ඨ, අවිගතෙ තීණි, න හෙතුයා නව, න ආරම්මණෙ නව, හෙතුපච්චයා න ආරම්මණෙ තීණි, න හෙතුපච්චයා ආරම්මණෙ පඤ්ච, (යථාකුසලත්තිකෙ පඤ්හාවාරං, එවං විත්ථාරෙතබ්බං.) හීනං න හෙතුං ධම්මං පටිච්ච හීනො න හෙතු ධම්මො උප්පජ්ජති හෙතුපච්චයා, (යථා සංකිලිට්ඨතිකදුකං එවං විත්ථාරෙතබ්බං.)

මිච්ඡත්තනියතං හෙතුං ධම්මං පටිච්ච මිච්ඡත්තනියතො හෙතු ධම්මො උප්පජ්ජති හෙතුපච්චයා, සම්මත්තනියතං හෙතුං ධම්මං පටිච්ච සම්මත්තනියතො හෙතුධම්මො උප්පජ්ජති හෙතුපච්චයා, අනියතං හෙතුං ධම්මං පටිච්ච අනියතො හෙතුධම්මො උප්පජ්ජති හෙතුපච්චයා,