සෙඛං හෙතුං ධම්මං පටිච්ච සෙඛො හෙතුධම්මො උප්පජ්ජති හෙතුපච්චයා, අසෙඛං හෙතුං ධම්මං පටිච්ච අසෙඛො හෙතුධම්මො උප්පජ්ජති හෙතුපච්චයා, නෙවසෙඛා නාසෙඛං හෙතුං ධම්මං පටිච්ච නෙවසෙඛා නාසෙඛො න හෙතුධම්මො උප්පජ්ජති හෙතුපච්චයා,

හෙතුයා තීණි. ආරම්මණෙ තීණි. අධිපතියා තීණි, න අධිපතියා තීණි, න පුරෙජාතෙ තීණි, න පච්ඡාජාතෙ තීණි. න ආසෙවනෙ තීණි. න විපාකෙ ද්වෙ. න විප්පයුත්තෙ තීණි, හෙතුපච්චයා න අධිපතියා තීණි, න අධිපතිපච්චයා හෙතුයා තීණි. (සහජාතවාරංපි සම්පයුත්තවාරංපි විත්ථාරෙතබ්බං.) සෙඛො හෙතුධම්මො සෙඛස්ස හෙතුස්ස ධම්මස්ස හෙතුපච්චයෙන පච්චයො, අසෙඛො හෙතුධම්මො අසෙඛස්ස හෙතුස්ස ධම්මස්ස හෙතුපච්චයෙන පච්චයො, නෙවසෙඛානාසෙඛො හෙතුධම්මො නෙවසෙඛා න අසෙඛස්ස හෙතුස්ස ධම්මස්ස හෙතුපච්චයෙන පච්චයො. සෙඛො හෙතුධම්මො නෙවසෙඛානාසෙඛස්ස හෙතුස්ස ධම්මස්ස ආරම්මණපච්චයෙන පච්චයො, අසෙඛො හෙතුධම්මො නෙවසෙඛානාසෙඛස්ස හෙතුස්ස ධම්මස්ස ආරම්මණපච්චයෙන පච්චයො. නෙවසෙඛානාසෙඛො හෙතුධම්මො නෙවසෙඛානාසෙඛස්ස හෙතුස්ස ධම්මස්ස ආරම්මණපච්චයෙන පච්චයො. සෙඛො හෙතුධම්මො සෙඛස්ස හෙතුස්ස ධම්මස්ස අධිපතිපච්චයෙන පච්චයො, සෙඛො හෙතුධම්මො නෙවසෙඛානාසෙඛස්ස හෙතුස්ස ධම්මස්ස අධිපතිපච්චයෙන පච්චයො, අසෙඛො හෙතුධම්මො අසෙඛස්ස හෙතුස්ස ධම්මස්ස අධිපතිපච්චයෙන පච්චයො. අසෙඛො හෙතුධම්මො නෙවසෙඛානාසෙඛස්ස හෙතුස්ස ධම්මස්ස අධිපතිපච්චයෙන පච්චයො, නෙවසෙඛානාසෙඛො හෙතුධම්මො නෙවසොඛානාසෙඛස්ස හෙතුස්ස ධම්මස්ස අධිපතිපච්චයෙන පච්චයො. සෙඛො හෙතුධම්මො සෙඛස්ස හෙතුස්ස ධම්මස්ස අනන්තරපච්චයෙන පච්චයො, සෙඛො හෙතුධම්මො අසෙඛස්ස හෙතුස්ස ධම්මස්ස අනන්තරපච්චයෙන පච්චයො. සෙඛො හෙතුධම්මො නෙවසෙඛානාසෙඛස්ස හෙතුස්ස ධම්මස්ස අනන්තරපච්චයෙන පච්චයො, අසෙඛො හෙතුධම්මො අසෙඛස්ස හෙතුස්ස ධම්මස්ස අනන්තරපච්චයෙන පච්චයො, අසෙඛො හෙතුධම්මො නෙවසෙඛානාසෙඛස්ස හෙතුස්ස ධම්මස්ස අනන්තරපච්චයෙන පච්චයො. ද්වෙ. නෙවසෙඛානාසෙඛො හෙතුධම්මො නෙවසෙඛානාසෙඛස්ස හෙතුස්ස ධම්මස්ස අනන්තරපච්චයෙන පච්චයො, නෙවසෙඛානාසෙඛො හෙතුධම්මො සෙඛස්ස හෙතුස්ස ධම්මස්ස අනන්තරපච්චයෙන පච්චයො, තීණි. හෙතුයා තීණි, ආරම්මණෙ තීණි, අධිපතියා පඤ්ච, අනන්තරෙ අට්ඨ. සමනන්තරෙ අට්ඨ, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ අට්ඨ, අවිගතෙ තීණි, න හෙතුයා අට්ඨ, න ආරම්මණෙ අට්ඨ, හෙතුපච්චයා න ආරම්මණෙ තීණි. න හෙතුපච්චයා න ආරම්මණෙ තීණි, න හෙතුපච්චයා ආරම්මණෙ තීණි. (යථා කුසලත්තිකෙ පඤ්හාවාරංපි එවං විත්ථාරෙතබ්බං.)