හෙතුං කුසලං ධම්මං පටිච්ච න හෙතු න කුසලො ධම්මො උප්පජ්ජති හෙතුපච්චයා. න හෙතුං කුසලං ධම්මං පටිච්ච න හෙතු න කුසලො ධම්මො උප්පජ්ජති හෙතුපච්චයා. හෙතුං කුසලඤ්ච න හෙතුං කුසලඤ්ච ධම්මං පටිච්ච න හෙතු න කුසලො ධම්මො උප්පජ්ජති හෙතුපච්චයා. තීණි, (චිත්තසමුට්ඨාන මෙව, අරම්මණං නත්ථි.) හෙතුයා තීණි, අධිපතියා තීණි, අවිගතෙ තීණි, (සහජාතවාරම්පි නිස්සයවාරම්පි පටිච්චවාරසදිසං.)

හෙතුං කුසලො ධම්මො න හෙතුස්ස න කුසලස්ස ධම්මස්ස හෙතුපච්චයෙන පච්චයො. හෙතු කුසලො ධම්මො න හෙතුස්ස න කුසලස්ස ධම්මස්ස ආරම්මණපච්චයෙන පච්චයො. තීණි, න හෙතු කුසලො ධම්මො න න හෙතුස්ස න කුසලස්ස ධම්මස්ස ආරම්මණපච්චයෙන පච්චයො. තීණි, හෙතුකුසලො ච න හෙතුකුසලො ච ධම්මා න හෙතුස්ස න කුසලස්ස ධම්මස්ස ආරම්මණපච්චයෙන පච්චයො. තීණි. හෙතුයා එකං ආරම්මණෙ නව, අධිපතියා නව අවිගතෙ තීණි, (පඤ්හාවාරම්පි විත්ථාරෙතබ්බං.)

හෙතුං අකුසලං ධම්මං පටිච්ච න හෙතු න අකුසලො ධම්මො උප්පජ්ජති හෙතුපච්චයා. න හෙතුං අකුසලං ධම්මං පටිච්ච න හෙතු න අකුසලො ධම්මො උප්පජ්ජති හෙතුපච්චයා. හෙතුං අකුසලඤ්ච න හෙතුං අකුසලඤ්ච ධම්මං පටිච්ච න හෙතු න අකුසලො ධම්මො උප්පජ්ජති හෙතුපච්චයා. හෙතුයා තීණි, අධිපතියා තීණි, අවිගතෙ තීණි, (සහජාතවාරම්පි නිස්සයවාරම්පි පටිච්චවාර සදිසං).

හෙතුං අකුසලො ධම්මො න හෙතුස්ස න අකුසලස්ස ධම්මස්ස හෙතුපච්චයෙන පච්චයො. හෙතු අකුසලො ධම්මො න හෙතුස්ස න අකුසලස්ස ධම්මස්ස ආරම්මණපච්චයෙන පච්චයො. තීණි, න හෙතු අකුසලො ධම්මො න න හෙතුස්ස න අකුසලස්ස ධම්මස්ස ආරම්මණපච්චයෙන පච්චයො. තීණි, හෙතු අකුසලො ච න හෙතු අකුසලො ච ධම්මා න හෙතුස්ස න අකුසලස්ස ධම්මස්ස ආරම්මණපච්චයෙන පච්චයො. තීණි. හෙතුයා එකං ආරම්මණෙ නව, අධිපතියා එකං, අවිගතෙ තීණි, න හෙතුං අබ්යාකතං ධම්මං පටිච්ච න න හෙතු න අබ්යාකතො ධම්මො උප්පජ්ජති හෙතුපච්චයා, තීණි, (නිස්සයවාරම්පි පඤ්හාවාරම්පි විත්ථාරෙතබ්බං.)

හෙතුං සුඛාය වෙදනාය සම්පයුත්තං ධම්මං පටිච්ච න හෙතු න සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. න හෙතුං සුඛාය වෙදනාය සම්පයුත්තතං ධම්මං පටිච්ච න හෙතු න සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. හෙතුයා තීණි, ආරම්මණෙ තීණි. අවිගතෙ තීණි, (සහජාතවාරම්පි පඤ්හාවාරම්පි විත්ථාරෙතබ්බං) හෙතුං දුක්ඛාය වෙදනාය සම්පයුත්තං ධම්මං පටිච්ච න හෙතු න දුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. හෙතුයා තීණි. (සබ්බත්ථ විත්ථාරෙතබ්බං.) හෙතුං අදුක්ඛමසුඛාය වෙදනාය සම්පයුත්ත ධම්මං පටිච්ච න අදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. හෙතුයා තීණි. (සබ්බත්ථ විත්ථාරෙතබ්බං.)

හෙතුං විපාකං ධම්මං පටිච්ච න හෙතු න විපාකො ධම්මො උප්පජ්ජති හෙතුපච්චයා. තීණි, හෙතුං විපාකධම්මධම්මං පටිච්ච න හෙතු න විපාකධම්මධම්මො උප්පජ්ජති හෙතුපච්චයා. තීණි, න හෙතුං නෙව විපාක න විපාකධම්මධම්මං පටිච්ච න න හෙතු න නෙව විපාක න විපාකධම්මධම්මො උප්පජ්ජති හෙතුපච්චයා. තීණි.

හෙතුං උපාදින්නුපාදානියං ධම්මං පටිච්ච න හෙතු න උපාදින්නුපාදානියො ධම්මො උප්පජ්ජති හෙතුපච්චයා, තීණි. න හෙතුං අනුපාදින්නුපාදානියං ධම්මං පටිච්ච න හෙතු න අනුපාදින්නුපාදානියො