න කුසලං න හෙතුං ධම්මං පටිච්ච න කුසලො න හෙතු ධම්මො උප්පජ්ජති, හෙතුපච්චයා. න කුසලං න හෙතුං ධම්මං පටිච්ච න කුසලො න හෙතුධම්මො උප්පජ්ජති, හෙතුපච්චයා. න කුසලං න හෙතුං ධම්මං පටිච්ච න අබ්යාකතො න හෙතුධම්මො උප්පජ්ජති, හෙතුපච්චයා. න කුසලං න හෙතුං ධම්මං පටිච්ච න කුසලො න හෙතු ච න අබ්යාකතො න හෙතු ච ධම්මා උප්පජ්ජන්ති, හෙතුපච්චයා. න කුසලං න හෙතුං ධම්මං පටිච්ච න කුසලො න හෙතු ච න අකුසලො න හෙතු ච ධම්මා උප්පජ්ජන්ති හෙතුපච්චයා. පඤ්ච.

න අකුසලං න හෙතුං ධම්මං පටිච්ච න අකුසලො න හෙතු ධම්මො උප්පජ්ජති හෙතුපච්චයා. න අකුසලං න හෙතුං ධම්මං පටිච්ච න කුසලො න හෙතුධම්මො උප්පජ්ජති හෙතුපච්චයා. න අකුසලං න හෙතුං ධම්මං පටිච්ච න අබ්යාකතො න හෙතුධම්මො උප්පජ්ජති හෙතුපච්චයා. න අකුසලං න හෙතුං ධම්මං පටිච්ච න අකුසලො න හෙතු ච න අබ්යාකතො න හෙතු ච ධම්මා උප්පජ්ජන්ති හෙතුපච්චයා, න අකුසලං න හෙතුං ධම්මං පටිච්ච න කුසලො න හෙතු ච න අකුසලො න හෙතු ච ධම්මා උප්පජ්ජන්ති හෙතුපච්චයා. පඤ්ච.

න අබ්යාකතං න හෙතුං ධම්මං පටිච්ච න අබ්යාකතො න හෙතුධම්මො උප්පජ්ජති හෙතුපච්චයා. න අබ්යාකතං න හෙතු

ධම්මං පටිච්ච න කුසලො න හෙතුධම්මො උප්පජ්ජති හෙතුපච්චයා න අබ්යාකතං න හෙතුං ධම්මං පටිච්ච න අකුසලො න හෙතුධම්මො උප්පජ්ජති හෙතුපච්චයා. න අබ්යාකතං න හෙතුං ධම්මං පටිච්ච න කුසලො න හෙතු ච න අබ්යාකතො න හෙතු ච ධම්මා උප්පජ්ජන්ති හෙතුපච්චයා. න අබ්යාකතං න හෙතුං ධම්මං පටිච්ච න අකුසලො න හෙතු ච න අබ්යාකතො න හෙතු ච ධම්මා උප්පජ්ජන්ති හෙතුපච්චයා. න අබ්යාකතං න හෙතුං ධම්මං පටිච්ච න කුසලො න හෙතු ච න අකුසලො න හෙතු ච ධම්මා උප්පජ්ජන්ති හෙතුපච්චයා. ඡ.

න කුසලං න හෙතුං ච න අබ්යාකතං න හෙතුං ච ධම්මං පටිච්ච න කුසලො න හෙතු ධම්මො උප්පජ්ජති හෙතුපච්චයා. න කුසලං න හෙතුං ච න අබ්යාකතං න හෙතුං ච ධම්මං පටිච්ච න අකුසලො න හෙතුධම්මො උප්පජ්ජති හෙතුපච්චයා. න කුසලං න හෙතුං ච න අබ්යාකතං න හෙතුං ච ධම්මං පටිච්ච න අබ්යාකතො න හෙතුධම්මො උප්පජ්ජති, හෙතුපච්චයා. පඤ්ච, න අකුසලං න හෙතුං ච න අබ්යාකතං න හෙතුං ච ධම්මං පටිච්ච න කුසලො න හෙතුධම්මො උප්පජ්ජති හෙතුපච්චයා. න අකුසලං න හෙතුං ච න අබ්යාකතං න හෙතුං ච ධම්මං පටිච්ච න අකුසලො න හෙතුධම්මො උප්පජ්ජති හෙතුපච්චයා. න අකුසලං න හෙතුං ච න අබ්යාකතං න හෙතුං ච ධම්මං පටිච්ච න අබ්යාකතො න හෙතු ධම්මො උප්පජ්ජති හෙතුපච්චයා. පඤ්ච.

න කුසලං න හෙතුං ච න අකුසලං න හෙතුං ච ධම්මං පටිච්ච න කුසලො න හෙතුධම්මො උප්පජ්ජති, හෙතුපච්චයා. න කුසලං න හෙතුං ච න අකුසලං න හෙතුං ච ධම්මං පටිච්ච න අකුසලො න හෙතුධම්මො උප්පජ්ජති, හෙතුපච්චයා. න කුසලං න හෙතුං ච න අකුසලං න හෙතුං ච ධම්මං පටිච්ච න කුසලො න හෙතු ච න අකුසලො න හෙතු ච ධම්මා උප්පජ්ජන්ති හෙතුපච්චයා. තීණි, හෙතුයා එකූනතිංස. ආරම්මණෙ චතුවීස, අවිගතෙ එකූනතිසං, (සබ්බත්ථ විත්ථාරෙතබ්බං.)

න කුසලං න න හෙතුං ධම්මං පටිච්ච න කුසලො න න හෙතුධම්මො උප්පජ්ජති හෙතුපච්චයා. න කුසලං න න හෙතුං ධම්මං පටිච්ච න අකුසලො න න හෙතුධම්මො උප්පජ්ජති හෙතුපච්චයා. න කුසලං න න හෙතුං ධම්මං පටිච්ච න අබ්යාකතො න න හෙතුධම්මො උප්පජ්ජති හෙතුපච්චයා. න කුසලං න න හෙතුං ධම්මං පටිච්ච න කුසලො න න හෙතු ච න අබ්යාකතො න න හෙතු ච ධම්මා උප්පජ්ජන්ති හෙතු පච්චයා. න කුසලං න න හෙතුං ධම්මං පටිච්ච න කුසලො න න හෙතු ච න අකුසලො න න