5. සංකිලිට්ඨත්තිකං.
සංකිලිට්ඨසංකිලෙසිකං ධම්මං පටිච්ච සංකිලිට්ඨසංකිලෙසිකො ධම්මො උප්පජ්ජති හෙතුපච්චයා: සංකිලිට්ඨසංකිලෙසිකං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා.
සංකිලිට්ඨසංකිලෙසිකං ධම්මං පටිච්ච අසංකිලිට්ඨසංකිලෙසිකො ධම්මො උප්පජ්ජති හෙතුපච්චයා: සංකිලිට්ඨසංකිලෙසිකෙ ඛන්ධෙ පටිච්ච චිත්තසමුට්ඨානං රූපං.
සංකිලිට්ඨසංකිලෙසිකං ධම්මං පටිච්ච සංකිලිට්ඨසංකිලෙසිකො ච අසංකිලිට්ඨසංකිලෙසිකො ච ධම්මො උප්පජ්ජති හෙතුපච්චයා: සංකිලිට්ඨසංකිලෙසිකං එකං ඛන්ධං පටිච්ච තයො ඛන්ධා චිත්තසමුට්ඨානං ච රූපං, ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානං ච රූපං.
අසංකිලිට්ඨසංකිලෙසිකං ධම්මං පටිච්ච අසංකිලිට්ඨසංකිලෙසිකො ධම්මො උප්පජ්ජති හෙතුපච්චයා: අසංකිලිට්ඨසංකිලෙසිකං එකං ඛන්ධං
පටිච්ච තයො ඛන්ධා, චිත්තසමුට්ඨානං ච රූපං, ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානං ච රූපං, පටිසන්ධික්ඛණෙ අසංකිලිට්ඨ සංකිලෙසිකං එකං ඛන්ධං පටිච්ච තයො ඛන්ධා කටත්තා ච රූපං. ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං, ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං පටිච්ච තයො මහාභූතා, මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං.
අසංකිලිට්ඨඅසංකිලෙසිකං ධම්මං පටිච්ච අසංකිලිට්ඨඅසංකිලෙසිකො ධම්මො උප්පජ්ජති හෙතුපච්චයා: අසංකිලිට්ඨඅසංකිලෙසිකං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා.
අසංකිලිට්ඨඅසංකිලෙසිකං ධම්මං පටිච්ච අසංකිලිට්ඨඅසංකිලෙසිකො ධම්මො උප්පජ්ජති හෙතුපච්චයා: අසංකිලිට්ඨඅසංකිලෙසිකෙ ඛන්ධෙ පටිච්ච චිත්තසමුට්ඨානං රූපං.
අසංකිලිට්ඨඅසංකිලෙසිකං ධම්මං පටිච්ච අසංකිලිට්ඨඅසංකිලෙසිකො ච අසංකිලිට්ඨඅසංකිලෙසිකො ච ධම්මා උප්පජ්ජති හෙතුපච්චයා: අසංකිලිට්ඨඅසංකිලෙසිකං එකං ඛන්ධං පටිච්ච තයො ඛන්ධා, චිත්තසමුට්ඨානං ච රූපං, ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානං ච රූපං.
අසංකිලිට්ඨඅසංකිලෙසිකං ච අසංකිලිට්ඨඅසංකිලෙසිකං ච ධම්මං පටිච්ච අසංකිලිට්ඨඅසංකිලෙසිකො ධම්මො උප්පජ්ජති හෙතුපච්චයා: අසංකිලිට්ඨඅසංකිලෙසිකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං.
සංකිලිට්ඨසංකිලෙසිකං ච අසංකිලිට්ඨසංකිලෙසිකං ච ධම්මං පටිච්ච අසංකිලිට්ඨසංකිලෙසිකො ධම්මො උප්පජ්ජති හෙතුපච්චයා. සංකිලිට්ඨසංකිලෙසිකෙ ඛන්ධෙ ච, මහාභූතෙ ච පටිච්ච සමුට්ඨානං රූපං, (සංඛිත්තං.)
ගණනා
හෙතුයා නව, ආරම්මණෙ තීණි, (සංඛිත්තං.) විපාකෙ පඤ්ච, අවිගතෙ නව. (යථා කුසලත්තිකෙ විභත්තං, එවං විභජිතබ්බං)
අනුලොමං
සංකිලිට්ඨසංකිලෙසිකං ධම්මං පටිච්ච සංකිලිට්ඨසංකිලෙසිකො ධම්මො උප්පජ්ජති න හෙතුපච්චයා: විචිකිච්ඡාසහගතෙ උද්ධච්ච සහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො.