2. වෙදනාත්තිකං.
සුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා: සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො, පටිසන්ධික්ඛණෙ සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.
දුක්ඛාය වෙදනාය සම්පයුත්තං ධම්මං පටිච්ච දුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා: දුක්ඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.
අදුක්ඛමසුඛාය වෙදනාය සම්පයුත්තං ධම්මං පටිච්ච අදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා: අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො, පටිසන්ධික්ඛණෙ අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා. ද්වෙ ඛන්ධෙ පටිච්ච එකො ඛන්ධො.
සුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති ආරම්මණපච්චයා අධිපතිපච්චයා: -පෙ- (අධිපතියා පටිසන්ධි නත්ථි.) අනන්තරපච්චයා -පෙ- සමනන්තරපච්චයා -පෙ- සහජාතපච්චයා -පෙ- අඤ්ඤමඤ්ඤපච්චයා -පෙ- නිස්සයපච්චයා -පෙ- උපනිස්සයපච්චයා -පෙ- පුරෙජාතපච්චයා: සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා. ද්වෙ ඛන්ධෙ පටිච්ච එකො ඛන්ධො, වත්ථුං පුරෙජාතපච්චයා, (සංඛිත්තං.)
සුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති ආසෙවනපච්චයා -පෙ- කම්මපච්චයා -පෙ- විපාකපච්චයා: සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො, පටිසන්ධික්ඛණෙ සුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.
දුක්ඛාය වෙදනාය සම්පයුත්තං ධම්මං පටිච්ච දුක්ඛාය වෙදනාය සම්පයුත්තො ධම්මො උප්පජ්ජති විපාකපච්චයා: දුක්ඛසහගතං කාය විඤ්ඤාණසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.
අදුක්ඛමසුඛාය වෙදනාය සම්පයුත්තං ධම්මං පටිච්ච අදුක්ඛමසුඛාය වෙදනාය සම්පයුත්තො ධම්මො උප්පජ්ජති විපාකපච්චයා: අදුක්ඛමසුඛාය වෙදනාය සම්පයුත්තං එකං, ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො, පටිසන්ධික්ඛණෙ අදුක්ඛමසුඛාය වෙදනාය සම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො.