කුසලං ධම්මං සම්පයුත්තො කුසලො ධම්මො උප්පජ්ජති හෙතුපච්චයා: කුසලං එකං ඛන්ධං සම්පයුත්තා තයො ඛන්ධා, තයො ඛන්ධෙ සම්පයුත්තො එකො ඛන්ධො, ද්වෙ ඛන්ධෙ සම්පයුත්තා ද්වෙ ඛන්ධා.

අකුසලං ධම්මං සම්පයුත්තො අකුසලො ධම්මො උප්පජ්ජති හෙතුපච්චයා: අකුසලං එකං ඛන්ධං සම්පයුත්තා තයො ඛන්ධා, තයො ඛන්ධෙ සම්පයුත්තො එකො ඛන්ධො, ද්වෙ ඛන්ධෙ සම්පයුත්තා ද්වෙ ඛන්ධා.

අබ්යාකතං ධම්මං සම්පයුත්තො අබ්යාකතො ධම්මො උප්පජ්ජති හෙතුපච්චයා: විපාකාබ්යාකතං කිරියාබ්යාකතං එකං ඛන්ධං සම්පයුත්තා තයො ඛන්ධා, තයො ඛන්ධෙ සම්පයුත්තො එකො ඛන්ධො, ද්වෙ ඛන්ධෙ සම්පයුත්තා ද්වෙ ඛන්ධා. පටිසන්ධික්ඛණෙ විපාකාබ්යාකතං එකං ඛන්ධං සම්පයුත්තා තයො ඛන්ධා, තයො ඛන්ධෙ සම්පයුත්තො එකො ඛන්ධො, ද්වෙ ඛන්ධෙ සම්පයුත්තා ද්වෙ ඛන්ධා. (සංඛිත්තං.)

හෙතුයා තීණි, ආරම්මණෙ තීණි, අධිපතියා තීණි, අනන්තරෙ තීණි, සමනන්තරෙ තීණි, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ තීණි, පුරෙජාතෙ තීණි, ආසෙවනෙ තීණි, කම්මෙ තීණි, විපාකෙ එකං, ආහාරෙ තීණි, ඉන්ද්රියෙ තීණි, ඣානෙ තීණි, මග්ගෙ තීණි, සම්පයුත්තෙ තීණි, විප්පයුත්තෙ තීණි, අත්ථියා තීණි, නත්ථියා තීණි, විගතෙ තීණි, අවිගතෙ තීණි.

අකුසලං ධම්මං සම්පයුත්තො අකුසලො ධම්මො උප්පජ්ජති නහෙතුපච්චයා: විචිකිච්ඡාසහගතෙ උද්ධච්චසහගතෙ ඛන්ධෙ සම්පයුත්තො විචිකිච්ඡාසහගතො උද්ධච්චසහගතො මොහො.

අබ්යාකතං ධම්මං සම්පයුත්තො අබ්යාකතො ධම්මො උප්පජ්ජති නහෙතුපච්චයා: අහෙතුකං විපාකාබ්යාකතං කිරියාබ්යාකතං එකං ඛන්ධං සම්පයුත්තා තයො ඛන්ධා, තයො ඛන්ධෙ සම්පයුත්තො එකො ඛන්ධො, ද්වෙ ඛන්ධෙ සම්පයුත්තා ද්වෙ ඛන්ධා, අහෙතුකපටිසන්ධික්ඛණෙ විපාකාබ්යාකතං එකං ඛන්ධං සම්පයුත්තා තයො ඛන්ධා, තයො ඛන්ධෙ සම්පයුත්තො එකො ඛන්ධො, ද්වෙ ඛන්ධෙ සම්පයුත්තා ද්වෙ ඛන්ධා. (සංඛිත්තා).

නහෙතුයා ද්වෙ, නඅධිපතියා තීණි, නපුරෙජාතෙ තීණි, න පච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නඣානෙ එකං, නමග්ගෙ එකං, නවිප්පයුත්තෙ තීණි.

හෙතුපච්චයා නඅධිපතියා තීණි, නපුරෙජාතෙ තීණි, න පච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නවිප්පයුත්තෙ තීණි. (දුමූලකං).

නහෙතුපච්චයා ආරම්මණෙ ද්වෙ, අනන්තරෙ ද්වෙ, සමනන්තරෙ ද්වෙ, සහජාතෙ ද්වෙ, අඤ්ඤමඤ්ඤෙ ද්වෙ, නිස්සයෙ ද්වෙ, උපනිස්සයෙ ද්වෙ, පුරෙජාතෙ ද්වෙ, ආසෙවනෙ දෙව, කම්මෙ ද්වෙ, විපාකෙ එකං ආහාරෙ ද්වෙ, ඉන්ද්රියෙ ද්වෙ, ඣානෙ එකං, මග්ගෙ එකං, සම්පයුත්තෙ ද්වෙ, විප්පයුත්තෙ ද්වෙ, අත්ථියා ද්වෙ, නත්ථියා ද්වෙ, විගතෙ ද්වෙ, අවිගතෙ ද්වෙ. (දුමූලකං).

සංසට්ඨට්ඨං නාම සම්පයුත්තට්ඨං, සම්පයුත්තට්ඨං නාම සංසට්ඨට්ඨං.

කුසලො ධම්මො කුසලස්ස ධම්මස්ස හෙතුපච්චයෙන පච්චයො: කුසලා හෙතු සම්පයුත්තකානං ඛන්ධානං හෙතුපච්චයෙන පච්චයො.