අජ්ඣත්තාරම්මණං ධම්මං පටිච්ච අජ්ඣත්තාරම්මණො ධම්මො උප්පජ්ජති හෙතුපච්චයා, අජ්ඣත්තාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ. පටිසන්ධික්ඛණෙ, අජ්ඣත්තරාම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ, බහිද්ධාරම්මණං ධම්මං පටිච්ච බහිද්ධාරම්මණො ධම්මො උප්පජ්ජති හෙතුපච්චයා, බහිද්ධාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ, පටිසන්ධික්ඛණෙ, බහිද්ධාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ, අජ්ඣත්තාරම්මණං ධම්මං පටිච්ච අජ්ඣත්තාරම්මණො ධම්මො උප්පජ්ජති ආරම්මණපච්චයා, (සංඛිත්තං) අවිගතපච්චයා.

හෙතුයා ද්වෙ, ආරම්මණෙ ද්වෙ, (සංඛිත්තං.) සබ්බත්ථ ද්වෙ, අවිගතෙ ද්වෙ, (එවං ගණෙතබ්බං.)

අජ්ඣත්තාරම්මණං ධම්මං පටිච්ච අජ්ඣත්තාරම්මණො ධම්මො උප්පජ්ජති න හෙතුපච්චයා, අහෙතුකං අජ්ඣත්තාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ, අහෙතුකපටිසන්ධික්ඛණෙ,

අජ්ඣත්තාරම්මණං එකං ඛන්ධං පටිච්ච ද්වෙ ඛන්ධෙ, විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො.

බහිද්ධාරම්මණං ධම්මං පටිච්ච බහිද්ධාරම්මණො ධම්මො උප්පජ්ජති න හෙතුපච්චයා, අහෙතුකං බහිද්ධාරම්මණං එකං ඛන්ධං පටිච්ච තයො ඛන්ධා. ද්වෙ ඛන්ධා, අහෙතුකපටිසන්ධික්ඛණෙ, විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො.

අජ්ඣත්තාරම්මණං ධම්මං පටිච්ච අජ්ඣත්තාරම්මණො ධම්මො උප්පජ්ජති න අධිපතිපච්චයා, (අනුලොම සහජාත සදිසං නින්නානාකරණං,) න පුරෙජාතපච්චයා, අරූපෙ අජ්ඣත්තාරම්මණං එකං ඛන්ධං පටිච්ච, පටිසන්ධික්ඛණෙ බහිද්ධාරම්මණං ධම්මං පටිච්ච බහිද්ධාරම්මණො ධම්මො උප්පජ්ජති න පුරෙජාතපච්චයා, අරූපෙ බහිද්ධාරම්මණං එකං ඛන්ධං පටිච්ච, පටිසන්ධික්ඛණෙ න පච්ඡාජාතපච්චයා, න ආසෙවනපච්චයා, (සහජාත සදිසං.) න කම්මපච්චයා, අජ්ඣත්තාරම්මණෙ ඛන්ධෙ පටිච්ච අජ්ඣත්තාරම්මණා චෙතනා බහිද්ධාරම්මණං ධම්මං පටිච්ච බහිද්ධාරම්මණො ධම්මො උප්පජ්ජති න කම්මපච්චයා බහිද්ධාරම්මණෙ ඛන්ධෙ පටිච්ච බහිද්ධාරම්මණා චෙතනා.

අජ්ඣත්තාරම්මණං ධම්මං පටිච්ච, න විපාකපච්චයා, පටිසන්ධි නත්ථි න ඣානපච්චයා, පඤ්චවිඤ්ඤාණ සහගතං අජ්ඣත්තාරම්මණං එකං. බහිද්ධාරම්මණං ධම්මං, න ඣානපච්චයා, පඤ්චවිඤ්ඤාණ සහගතං බහිද්ධාරම්මණං එකං ඛන්ධං, න මග්ගපච්චයා, න හෙතු සදිසො. මොහො නත්ථි, න විප්පයුත්තපච්චයා, අරූපෙ අජ්ඣත්තාරම්මණං එකං ඛන්ධං, බහිද්ධාරම්මණං ධම්මං න විප්පයුත්තපච්චයා, අරූපෙ බහිද්ධාරම්මණං එකං ඛන්ධං.

න හෙතුයා ද්වෙ, න අධිපතියා ද්වෙ, න පුරෙජාතෙ ද්වෙ, න පච්ඡාජාතෙ ද්වෙ, න ආසෙවනෙ, න කම්මෙ, න විපාකෙ, න ඣානෙ, න මග්ගෙ, න විප්පයුත්තෙ ද්වෙ, (එවං ගණෙතබ්බං.)

හෙතුපච්චයා න අධිපතියා ද්වෙ, න විපාකෙ ද්වෙ, න විප්පයුත්තෙ ද්වෙ, (එවං ගණෙතබ්බං.)