16. මග්ගාරම්මණත්තිකං
මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති හෙතුපච්චයා. මග්ගාරම්මණං එකං ඛන්ධං පටිච්ච තයො ඛන්ධා ද්වෙ ඛන්ධෙ. මග්ගාරම්මණං ධම්මං පටිච්ච මග්ගාධිපති ධම්මො උප්පජ්ජති හෙතුපච්චයා. මග්ගාරම්මණං එකං ඛන්ධං පටිච්ච මග්ගාධිපති තයො ඛන්ධා. තයො ඛන්ධෙ පටිච්ච එකො ඛන්ධො. ද්වෙ ඛන්ධෙ. මග්ගාරම්මණං ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති හෙතුපච්චයා. මග්ගාරම්මණං එකං ඛන්ධං පටිච්ච මග්ගාරම්මණා ච මග්ගාධිපති ච තයො ඛන්ධා, ද්වෙ ඛන්ධෙ.
මග්ගහෙතුකං ධම්මං පටිච්ච මග්ගහෙතුකො ධම්මො උප්පජ්ජති හෙතුපච්චයා. මග්ගහෙතුකං එකං ඛන්ධං පටිච්ච තයො ඛන්ධා. ද්වෙ ඛන්ධෙ. මග්ගහෙතුකං ධම්මං පටිච්ච මග්ගාධිපති ධම්මො උප්පජ්ජති හෙතුපච්චයා. මග්ගහෙතුකං එකං ඛන්ධං පටිච්ච මග්ගාධිපති තයො ඛන්ධා. ද්වෙ ඛන්ධෙ. මග්ගහෙතුකං ධම්මං පටිච්ච මග්ගහෙතුකො ච මග්ගාධිපති ච ධම්මා උප්පජ්ජන්ති හෙතුපච්චයා. මග්ගහෙතුකං එකං ඛන්ධං පටිච්ච මග්ගහෙතුකො ච මග්ගාධිපති ච තයො ඛන්ධා. ද්වෙ ඛන්ධෙ, මග්ගාධිපතිං ධම්මං පටිච්ච මග්ගාධිපති ධම්මො උප්පජ්ජති හෙතුපච්චයා. මග්ගාධිපතිං එකං ඛන්ධං පටිච්ච තයො ඛන්ධා. ද්වෙ ඛන්ධෙ. මග්ගාධිපතිං ධම්මං පටිච්ච මග්ගාරම්මණො ධම්මො උප්පජ්ජති.
හෙතුපච්චයා. මග්ගාධිපතිං එකං ඛන්ධං පටිච්ච මග්ගාරම්මණා තයො ඛන්ධා. ද්වෙ ඛන්ධෙ. මග්ගාධිපතිං ධම්මං පටිච්ච මග්ගහෙතුකො ධම්මො උප්පජ්ජති හෙතුපච්චයා. මග්ගාධිපතිං එකං ඛන්ධං පටිච්ච මග්ගහෙතුකා තයො ඛන්ධා, ද්වෙ ඛන්ධෙ.
මග්ගාධිපතිං ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති හෙතුපච්චයා, මග්ගාධිපතිං එකං ඛන්ධං පටිච්ච මග්ගාරම්මණා ච මග්ගාධිපති ච තයො ඛන්ධා, ද්වෙ ඛන්ධෙ, මග්ගාධිපතිං ධම්මං පටිච්ච මග්ගහෙතුකො ච මග්ගාධිපති ච ධම්මා උප්පජ්ජන්ති හෙතුපච්චයා, මග්ගාධිපතිං එකං ඛන්ධං පටිච්ච මග්ගහෙතුකා ච මග්ගාධිපති ච තයො ඛන්ධා, ද්වෙ ඛන්ධෙ, මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාරම්මණෙ ධම්මො උප්පජ්ජති හෙතුපච්චයා, මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාරම්මණා තයො ඛන්ධා, ද්වෙ ඛන්ධෙ, මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාධිපති ධම්මො උප්පජ්ජති හෙතුපච්චයා, මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාධිපති තයො ඛන්ධා, ද්වෙ ඛන්ධෙ.
මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති හෙතුපච්චයා, මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාරම්මණා ච මග්ගාධිපති ච තයො ඛන්ධා, ද්වෙ ඛන්ධෙ, මග්ගහෙතුකඤ්ච මග්ගාධිපතිඤ්ච ධම්මං පටිච්ච මග්ගහෙතුකො ධම්මො උප්පජ්ජති හෙතුපච්චයා. මග්ගහෙතුකඤ්ච මග්ගාධිපතිඤ්ච එකං ඛන්ධං පටිච්ච මග්ගහෙතුකා තයො ඛන්ධා, ද්වෙ ඛන්ධෙ, මග්ගහෙතුකඤ්ච මග්ගාධිපතිඤ්ච ධම්මං පටිච්ච මග්ගාධිපති ධම්මො උප්පජ්ජති හෙතුපච්චයා, මග්ගහෙතුකඤ්ච මග්ගාධිපතිඤ්ච එකං ඛන්ධං පටිච්ච මග්ගාධිපති තයො ඛන්ධා, ද්වෙ ඛන්ධෙ, මග්ගහෙතුකඤ්ච මග්ගාධිපතිඤ්ච ධම්මං පටිච්ච මග්ගහෙතුකො ච මග්ගාධිපති ච ධම්මා උප්පජ්ජන්ති හෙතුපච්චයා, මග්ගහෙතුකඤ්ච මග්ගාධිපතිඤ්ච එකං ඛන්ධං පටිච්ච මග්ගහෙතුකා ච මග්ගාධිපති ච තයො ඛන්ධා, ද්වෙ ඛන්ධෙ.
මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති ආරම්මණපච්චයා, අධිපතිපච්චයා, අනන්තරපච්චයා, සමනන්තරපච්චයා, සහජාතපච්චයා, අඤ්ඤමඤ්ඤ, නිස්සය, උපනිස්සය, පුරෙජාත, ආසෙවන, කම්ම, ආහාර, ඉන්ද්රිය, ඣාන මග්ග, සම්පයුත්ත, විප්පයුත්ත, අත්ථි, නත්ථි, විගත, අවිගතපච්චයා.