12. පරිත්තත්තිකං.
පරිත්තං ධම්මං පටිච්ච පරිත්තො ධම්මො උප්පජ්ජති හෙතුපච්චයා පරිත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ, පටිසන්ධික්ඛණෙ, පරිත්තං එකං ඛන්ධං පටිච්ච තයො ඛන්ධා කටත්තා ච රූපං, ද්වෙ ඛන්ධෙ, ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං පටිච්ච තයො මහාභූතා, ද්වෙ මහාභූතෙ පටිච්ච චිත්ත සමුට්ඨානං රූපං.
පරිත්ත ධම්මං පටිච්ච මහග්ගතො ධම්මො උප්පජ්ජති හෙතු පච්චයා. පටිසන්ධික්ඛණෙ වත්ථුං පටිච්ච මහග්ගතා ඛන්ධා.
පරිත්තං ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති හෙතු පච්චයා. පටිසන්ධික්ඛණෙ වත්ථුං පටිච්ච මහග්ගතා ඛන්ධා. මහාභූතෙ පටිච්ච කටත්තා රූපං.
මහග්ගතං ධම්මං පටිච්ච මහග්ගතො ධම්මො-. හෙතු පච්චයා. මහග්ගතං එකං ඛන්ධං පටිච්ච තයො ඛන්ධා. ද්වෙ ඛන්ධෙ. පටිසන්ධික්ඛණෙ
මහග්ගතං ධම්මං පටිච්ච පරිත්තො-. හෙතු පච්චයා. මහග්ගතෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ මහග්ගතෙ ඛන්ධෙ පටිච්ච කටත්තා රූපං.
මහග්ගතං ධම්මං පටිච්ච පරිත්තො ච මහග්ගතො ච ධම්මා-. හෙතු පච්චයා. මහග්ගතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං. පටිසන්ධික්ඛණෙ මහග්ගතං එකං ඛන්ධං පටිච්ච තයො ඛන්ධා කටත්තා ච රූපං, ද්වෙ ඛන්ධෙ.
අප්පමාණං ධම්මං පටිච්ච අප්පමාණො-. හෙතු පච්චයා. අප්පමාණං එකං ඛන්ධං පටිච්ච තයො ඛන්ධා, ද්වෙ ඛන්ධෙ. අප්පමාණං ධම්මං පටිච්ච පරිත්තො ධම්මො-. හෙතු පච්චයා. අප්පමාණෙ ඛන්ධෙ පටිච්ච චිත්තසමුට්ඨානං රූපං.
අප්පමාණං ධම්මං පටිච්ච පරිත්තො ච අප්පමාණො ච ධම්මා. හෙතු පච්චයා. අප්පමාණං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ.
පරිත්තඤ්ච අප්පමාණඤ්ච ධම්මං පටිච්ච පරිත්තො ධම්මො, හෙතු පච්චයා, අප්පමාණෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. පරිත්තඤ්ච මහග්ගතඤ්ච ධම්මං පටිච්ච පරිත්තො ධම්මො-. හෙතු පච්චයා. මහග්ගතෙ ඛන්ධෙ ච මහාභූතෙ ච පටිච්ච චිත්තං සමුට්ඨානං රූපං. පටිසන්ධික්ඛණෙ.
පරිත්තඤ්ච මහග්ගතඤ්ච ධම්මං පටිච්ච මහග්ගතො ධම්මො-. හෙතුපච්චයා. පටිසන්ධික්ඛණෙ මහග්ගතං එකං ඛන්ධඤ්ච වත්ථුඤ්ච පටිච්ච තයො ඛන්ධා. ද්වෙ ඛන්ධෙ.
පරිත්තඤ්ච මහග්ගතඤ්ච ධම්මං පටිච්ච පරිත්තො ච මහග්ගතො ච ධම්මා-. හෙතු පච්චයා, පටිසන්ධික්ඛණෙ මහග්ගතං එකං ඛන්ධඤ්ච වත්ථුඤ්ච පටිච්ච තයො ඛන්ධා, ද්වෙ ඛන්ධෙ. මහග්ගතෙ ඛන්ධෙ ච මහාභූතෙ ච පටිච්ච කටත්තා රූපං.
පරිත්තං ධම්මං පටිච්ච පරිත්තො ධම්මො උප්පජ්ජති ආරම්මණ පච්චයා. පරිත්තං එකං ඛන්ධං පටිච්ච තයො ඛන්ධා, ද්වෙ ඛන්ධෙ. පටිසන්ධික්ඛණෙ වත්ථුං පටිච්ච ඛන්ධා.
පරිත්තං ධම්මං පටිච්ච මහග්ගතො ධම්මො උප්පජ්ජති ආරම්මණ පච්චයා. පටිසන්ධික්ඛණෙ වත්ථුං පටිච්ච මහග්ගතා ඛන්ධා. මහග්ගතං ධම්මං-. පටිච්ච මහග්ගතො ආරම්මණ පච්චයා. මහග්ගතං එකං ඛන්ධං පටිච්ච තයො ඛන්ධා, ද්වෙ ඛන්ධෙ. පටිසන්ධික්ඛණෙ.