1. ස. පු: විපාකො විපාකධම්මධම්මො’ති.

ප. පටිඤ්ඤා: ආමන්තා.

ස. අනු: තස්ස විපාකො ‘විපාකධම්මධම්මො’ති.

ප. පටි: න හෙවං වත්තබ්බෙ -පෙ-

2. ස. පු: තස්ස විපාකො ‘විපාකධම්මධම්මො’ති.

ප. පටිඤ්ඤා: ආමන්තා.

ස. අනු: තස්ස තස්සෙ’ව නත්ථී දුක්ඛස්ස අන්තකිරියා, නත්ථී වට්ටූපච්ඡෙදො, නත්ථී අනුපාදා පරිනිබ්බානන්ති.

ප. පටි: න හෙවං වත්තබ්බෙ -පෙ-

3. ස. පු: විපාකො විපාකධම්මධම්මො’ති.

ප. පටිඤ්ඤා: ආමන්තා.

ස. අනු: විපාකො’ති වා විපාකධම්මධම්මො’ති වා, විපාකධම්මධම්මො’ති වා විපාකො’ති වා එසෙ සෙ එකට්ඨෙ සමෙ සමභාගෙ තජ්ජාතෙ’ති.

ප. පටි: න හෙවං වත්තබ්බෙ -පෙ-

4. ස. පු: විපාකො විපාකධම්මධම්මො’ති.

ප. පටිඤ්ඤා: ආමන්තා.

ස. අනු: විපාකො ච විපාකධම්මධම්මො ච, විපාකධම්මධම්මො ච විපාකො ච සහගතා සහජාතා සංසට්ඨා සම්පයුත්තා එකුප්පාදා එකනිරොධා එකවත්ථුකා එකාරම්මණා’ති.

ප. පටි: න හෙවං වත්තබ්බෙ -පෙ-

5. ස. පු: විපාකො ‘විපාකධම්මධම්මො’ති.

ප. පටිඤ්ඤා: ආමන්තා.

ස. අනු: තඤ්ඤෙ’ව අකුසලං, සො අකුසලස්ස විපාකො, තඤ්ඤෙ’ව කුසලං, සො කුසලස්ස විපාකො’ති.

ප. පටි: න හෙවං වත්තබ්බෙ -පෙ-

6. ස. පු: විපාකො ‘විපාකධම්මධම්මො’ති.

ප. පටිඤ්ඤා: ආමන්තා.

ස. අනු: යෙනෙව චිත්තෙන පාණං හන්ති තෙනෙව චිත්තෙන නිරයෙ පච්චති, යෙනෙව චිත්තෙන දානං දෙති තෙනෙව චිත්තෙතන සග්ගෙ මොදතීති.

ප. පටි: න හෙවං වත්තබ්බෙ -පෙ-

7. ප. පු: න වත්තබ්බං ‘විපාකො විපාකධම්මධම්මො’ති.

ස. පටිඤ්ඤා: ආමන්තා.

ප. අනු: නනු විපාකා චත්තාරො ඛන්ධා අරූපිනො අඤ්ඤමඤ්ඤපච්චයා’ති.

ස. පටිඤ්ඤා: ආමන්තා.

අනු. ඨ: හඤ්චි විපාකා චත්තාරො ඛන්ධා අරූපිනො අඤ්ඤමඤ්ඤපච්චයා,

අනු. පා: තෙන වත රෙ වත්තබ්බෙ ‘විපාකො විපාකධම්මධම්මො’ති.

සඞ්ගහො, සම්පයුත්තො, චෙතසිකො ධම්මො, චෙතසිකං දානං, පරිභොගමයං පුඤ්ඤං වඩ්ඪති, ඉතො දින්නෙන තත්ථ යාපෙන්ති, පඨවී කම්මවිපාකො, ජරාමරණං විපාකො, නත්ථී අරියධම්මවිපාකො, විපාකො විපාකධම්මධම්මො’ති.