1. ස. පු: සබ්බෙ කම්මා නියතා’ති.

ප. පටිඤ්ඤා: ආමන්තා.

ස. අනු: මිච්ඡත්තනියතා’ති.

ප. පටි: න හෙවං වත්තබ්බෙ -පෙ-

ස. අනු: සම්මත්තනියතා’ති.

ප. පටි: න හෙවං වත්තබ්බෙ -පෙ-

ස. අනු: නත්ථි අනියතො රාසි’ති.

ප. පටි: න හෙවං වත්තබ්බෙ -පෙ-

ස. අනු: නනු අත්ථි අනියතො රාසී’ති.

ප. පටිඤ්ඤා: ආමන්තා.

ස. ඨ: හඤ්චි අත්ථි අනියතො රාසි,

ස. පා: නො ච වත රෙ වත්තබ්බෙ “සබ්බෙ කම්මා නියතා”ති.

2. ස. පු: සබ්බෙ කම්මා නියතා’ති.

ප. පටිඤ්ඤා: ආමන්තා.

ස. අනු: නනු තයො රාසී වුත්තා භගවතා: මිච්ඡත්ත නියතො රාසි, සම්මත්තනියතො රාසි, අනියතො රාසී’ති.

ප. පටිඤ්ඤා: ආමන්තා.

ස. ඨ: හඤ්චි තයො රාසී වුත්තා භගවතා: මිච්ඡත්තනියතො රාසි, සම්මත්තනියතො රාසි, අනියතො රාසි,

ස. පා: නො ච වත රෙ වත්තබ්බෙ “සබ්බෙ කම්මා නියතා”ති.

3. ස. පු: දිට්ඨධම්මවෙදනීයං කම්මං දිට්ඨධම්මවෙදනීයට්ඨෙන නියතන්ති.

ප. පටිඤ්ඤා: ආමන්තා.

ස. අනු: මිච්ඡත්ත නියතන්ති.

ප. පටි: න හෙවං වත්තබ්බෙ -පෙ-

ස. අනු: සම්මත්තනියතන්ති.

ප. පටි: න හෙවං වත්තබ්බෙ -පෙ-

4. ස. පු: උපපජ්ජවෙදනීයං කම්මං -පෙ- අපරාපරියවෙදනීයං කම්මං අපරාපරියවෙදනීයට්ඨෙන නියතන්ති?

ප. පටිඤ්ඤා: ආමන්තා.

ස. අනු: මිච්ඡත්තනියතන්ති.

ප. පටි: න හෙවං වත්තබ්බෙ -පෙ-

ස. අනු: සම්මත්තනියතන්ති.

ප. පටි: න හෙවං වත්තබ්බෙ -පෙ-

5. ප. පු: න වත්තබ්බං “දිට්ඨධම්මවෙදනීයං කම්මං දිට්ඨධම්මවෙදනියට්ඨෙන නියතං, උපපජ්ජවෙදනීයං කම්මං -පෙ- අපරාපරියවෙදනීයං කම්මං අපරාපරියවෙදනීයට්ඨෙන නියතන්ති.

ස. පටිඤ්ඤා: ආමන්තා.

ප. අනු: දිට්ඨධම්මවෙදනීයං කම්මං උපපජ්ජවෙදනීයං හොති, අපරාපරියවෙදනීයං හොති -පෙ- උපපජ්ජවෙදනීයං කම්මං දිට්ඨධම්මවෙදනීයං හොති, අපරාපරියවෙදනීයං හොති -පෙ- අපරාපරියවෙදනීයං කම්මං දිට්ඨධම්මවෙදනීයං හොති, උපපජ්ජවෙදනීයං හොතී’ති.

ස. පටි: න හෙවං වත්තබ්බෙ -පෙ-

ප. පා: තෙන හි “දිට්ඨධම්මවෙදනීයං කම්මං දිට්ඨම්මවෙදනීයට්ඨෙන නියතං, උපපජ්ජවෙදනීයං කම්මං -පෙ- අපරාපරියවෙදනීයං කම්මං අපරාපරිය වෙදනීයට්ඨෙන නියතන්ති.

සාසනං නවං කතං - අත්ථි කොචි තථාගතස්ස සාසනං නවං කරොතිලබ්භා තථාගතස්ස සාසනං පුන නවං කාතුං, පුථුජ්ජනො තෙධාතුකෙහි ධම්මෙහි අවිවිත්තො, අත්ථි කිඤ්චි සඤ්ඤොජනං අප්පහාය අරහත්තප්පත්ති, අත්ථි අධිප්පායිද්ධි බුද්ධානං වා සාවකානං වා, අත්ථි බුද්ධානං බුද්ධෙහි හීනාතිරෙකතා, සබ්බ දිසා බුද්ධා තිට්ඨන්ති, සබ්බෙ ධම්මා නියතා, සබ්බෙ කම්මා නියතා’ති.