21. 2.
අවිවිත්තකථා.
1. ස. පු: පුථුජ්ජනො තෙධාතුකෙහි ධම්මෙහි අවිවිත්තො’ති.
ප. පටිඤ්ඤා: ආමන්තා.
ස. අනු: පුථුජ්ජනො තෙධාතුකෙහි ඵස්සෙහි -පෙ- තෙධාතුකාහි වෙදනාහි -පෙ- සඤ්ඤාහි -පෙ- චෙතනාහි -පෙ- චිත්තෙහි -පෙ- සද්ධාහි -පෙ- විරියෙහි -පෙ- සතීහි -පෙ- සමාධීහි -පෙ- තෙධාතුකාහි පඤ්ඤාහි අවිවිත්තො’ති.
ප. පටි: න හෙවං වත්තබ්බෙ -පෙ-
2. ස. පු: පුථුජ්ජනො තෙධාතුකෙහි ධම්මෙහි අවිවිත්තො’ති.
ප. පටිඤ්ඤා: ආමන්තා.
ස. අනු: යස්මිං ඛණෙ පුථුජ්ජනො චීවරං දෙති, තස්මිං ඛණෙ පඨමං ඣානං උපසම්පජ්ජ විහරති -පෙ- ආකාසානඤ්චායතනං උපසම්පජ්ජවිහරතී’ති.
ප. පටි: න හෙවං වත්තබ්බෙ -පෙ-
ස. අනු: යස්මිං ඛණෙ පුථුජ්ජනො පිණ්ඩපාතං දෙති -පෙ- සෙනාසනං දෙති -පෙ- ගිලානපච්චයභෙසජ්ජපරික්ඛාරං දෙති, තස්මිං ඛණෙ චතුත්ථං ඣානං උපසම්පජ්ජ විහරති -පෙ- නෙවසඤ්ඤානාසඤ්ඤායතනං උපසම්පජ්ජ විහරතී’ති.
ප. පටි: න හෙවං වත්තබ්බෙ -පෙ-
3. ප. පු: න වත්තබ්බං පුථුජ්ජනො තෙධාතුකෙහි ධම්මෙහි අවිවිත්තො’ති.
ස. පටිඤ්ඤා: ආමන්තා.
ප. අනු: පුථුජ්ජනස්ස රුපධාතුඅරූපධාතුගං කම්මං පරිඤ්ඤාතන්ති.
ස. පටි: න හෙවං වත්තබ්බෙ -පෙ-
ප. පා: තෙන හි “පුථුජ්ජනො තෙධාතුකෙහි ධම්මෙහි අවිවිත්තො”ති.
අවිවිත්තකථා නිට්ඨිතා.
21. 3.
සඤ්ඤොජන කථා.
1. ස. පු: අත්ථි කිඤ්චි සඤ්ඤොජනං අප්පහාය අරහත්තප්පත්තී’ති.
ප. පටිඤ්ඤා: ආමන්තා.
ස. අනු: අත්ථි කිඤ්චි සක්කායදිට්ඨිං අප්පහාය -පෙ- විචිකිච්ඡං අප්පහාය -පෙ- සීලබ්බතපරාමාසං අප්පහාය -පෙ- රාගං අප්පහාය -පෙ- දොසං අප්පහාය -පෙ- මොහං අප්පහාය -පෙ- අනොත්තප්පං අප්පහාය අරහත්තප්පත්තී’ති.
ප. පටි: න හෙවං වත්තබ්බෙ -පෙ-
2. ස. පු: අත්ථි කිඤ්චි සඤ්ඤොජනං අප්පහාය අරහත්තප්පත්තී’ති.
ප. පටිඤ්ඤා: ආමන්තා.
ස. අනු: අරහා සරාගො සදොසො සමොහො සමානො සමක්ඛො සපළාපො සඋපායාසො සකිලෙසො’ති.
ප. පටි න හෙවං වත්තබ්බෙ -පෙ-
ස. අනු: නනු අරහා නිරාගො නිද්දොසො නිම්මොහො නිම්මානො නිම්මක්ඛො නිප්පළාසො නිරුපායාසො නික්කිලෙසො’ති.
ප. පටිඤ්ඤා: ආමන්තා.
ස. ඨ: හඤ්චි අරහා නිරාගො -පෙ- නික්කිලෙසො,
ස. පා: නො ච වත රෙ වත්තබ්බෙ “අත්ථි කිඤ්චි සඤ්ඤොජනං අප්පහාය අරහත්තප්පත්තී”ති.
3. ප. පු: න වත්තබ්බං “අත්ථි කිඤ්චි සඤ්ඤොජනං අප්පහාය අරහත්තප්පත්තී”ති.
ස. පටිඤ්ඤා: ආමන්තා.
ප. අනු: අරහා සබ්බං බුද්ධවිසයං ජානාතී’ති.
ස. පටි: න හෙවං වත්තබ්බෙ -පෙ-
ප. පා: තෙන හි “අත්ථි කිඤ්චි සඤ්ඤොජනං අප්පහාය අරහත්තප්පත්තී”ති.
සඤ්ඤොජන කථා නිට්ඨිතා.