1. ස. පු: අතීතෙ කිලෙසෙ ජහතී’ති.

ප. පටිඤ්ඤා: ආමන්තා.

ස. අනු: නිරුද්ධං නිරොධෙති, විගතං විගමෙති, ඛීණං ඛෙපෙති, අත්ථඞ්ගතං අත්ථඞ්ගමෙති, අබ්භත්ථඞ්ගතං අබ්භත්ථඞ්ගමෙතීති.

ප. පටි: න හෙවං වත්තබ්බෙ -පෙ-

2. ස. පු: අතීතෙ කිලෙසෙ ජහතී’ති.

ප. පටිඤ්ඤා: ආමන්තා.

ස. අනු: නනු අතීතං නිරුද්ධන්ති.

ප. පටිඤ්ඤා: ආමන්තා.

ස. ඨ: හඤ්චි අතීතං නිරුද්ධං.

ස. පා: නො ච වත රෙ වත්තබ්බෙ “අතීතෙ කිලෙසෙ ජහතී”ති.

3. ස. පු: අතීතෙ කිලෙසෙ ජහතී’ති.

ප. පටිඤ්ඤා: ආමන්තා.

ස. අනු: නනු අතීතං නත්ථි’ති.

ස. පටිඤ්ඤා: ආමන්තා.

ස. ඨ: හඤ්චි අතීතං නත්ථි,

ස. පා: නො ච වත රෙ වත්තබ්බෙ “අතීතෙ කිලෙසෙ ජහතී”ති.

4. ස. පු: අනාගතෙ කිලෙසෙ ජහතී’ති.

ප. පටිඤ්ඤා: ආමන්තා.

ස. අනු: අජාතං අජනෙති, අසඤ්ජාතං අසඤ්ජනෙති, අනිබ්බත්තං අනිබ්බත්තෙති, අපාතුභූතං අපාතුභාවෙතී’ති.

ප. පටි: න හෙවං වත්තබ්බෙ -පෙ-

5. ස. පු: අනාගතෙ කිලෙසෙ ජහතී’ති.

ප. පටිඤ්ඤා: ආමන්තා.

ස. අනු: නනු අනාගතං අජාතන්ති.

ප. පටිඤ්ඤා: ආමන්තා.

ස. ඨ: හඤ්චි අනාගතං අජාතං.

ස. පා: නො ච වත රෙ වත්තබ්බෙ “අනාගතෙ කිලෙසෙ ජහතී”ති.

6. ස. පු: අනාගතෙ කිලෙසෙ ජහතී’ති.

ප. පටිඤ්ඤා: ආමන්තා.

ස. අනු: නනු අනාගතං නත්ථි’ති.

ස. පටිඤ්ඤා: ආමන්තා.

ස. ඨ: හඤ්චි අනාගතං නත්ථි,

ස. පා: නො ච වත රෙ වත්තබ්බෙ “අනාගතෙ කිලෙසෙ ජහතී”ති.

7. ස. පු: පච්චුප්පන්නෙ කිලෙසෙ ජහතී’ති.

ප. පටි: ආමන්තා.

ස. අනු: රත්තො රාගං ජහති, දුට්ඨො දොසං ජහති, මූළ්හො මොහං ජහති, කිලිට්ඨො කිලෙසෙ ජහතී’ති.

ප. පටි: න හෙවං වත්තබ්බෙ -පෙ-

ස. අනු: රාගෙන රාගං ජහති, දොසෙන දොසං ජහති, මොහෙන මොහං ජහති, කිලෙසෙහි කිලෙසෙ ජහතී’ති.

ප. පටි: න හෙවං වත්තබ්බෙ -පෙ-

8. ස. පු: රාගො චිත්තසම්පයුත්තො, මග්ගො චිත්තසම්පයුත්තො’ති.

ප. පටිඤ්ඤා: ආමන්තා.