1. ස. පු: න වත්තබ්බං “සඞ්ඝස්ස දින්නං මහප්ඵල”න්ති.

ප. පටිඤ්ඤා: ආමන්තා.

ස. අනු: නනු සඞ්ඝො ආහුනෙය්යො පාහුනෙය්යො දක්ඛිණෙය්යො අඤ්ජලිකරණීයො අනුත්තරං පුඤ්ඤක්ඛෙත්තං ලොකස්සා’ති.

ප. පටිඤ්ඤා: ආමන්තා.

ස. ඨ: හඤ්චි සඞ්ඝො ආහුනෙය්යො -පෙ- අනුත්තරං පුඤ්ඤක්ඛෙත්තං ලොකස්ස,

ස. පා: තෙන වත රෙ වත්තබ්බෙ: “සඞ්ඝස්ස දින්නං මහප්ඵල”න්ති.

2. ස. පු: න වත්තබ්බං ‘සඞ්ඝස්ස දින්නං මහප්ඵල’න්ති.

ප. පටිඤ්ඤා: ආමන්තා.

ස. අනු: නනු චත්තාරො පුරිසයුගා අට්ඨපුරිසපුග්ගලා දක්ඛිණෙය්යා වුත්තා භගවතා’ති.

ප. පටිඤ්ඤා: ආමන්තා.

ස. ඨ: හඤ්චි චත්තාරො පුරිසයුගා අට්ඨපුරිසපුග්ගලා දක්ඛිණෙය්යා වුත්තා භගවතා,

ස. පා: තෙන වත රෙ වත්තබ්බෙ “සඞ්ඝස්ස දින්නං මහප්ඵල”න්ති.

3. ස. පු: න වත්තබ්බං ‘සඞ්ඝස්ස දින්නං මහප්ඵල’න්ති.

ප. පටිඤ්ඤා: ආමන්තා.

ස. අනු: නනු වුත්තං භගවතා “සඞ්ඝෙ ගොතමි, දෙහි, සඞ්ඝෙ තෙ දින්නෙ අහඤ්චෙව පූජිතො භවිස්සාමි, සඞ්ඝො චා”ති. අත්ථෙව සුත්තන්තො’ති.

ප. පටිඤ්ඤා: ආමන්තා.

ස. පා: තෙන හි සඞ්ඝස්ස දින්නං මහප්ඵල’න්ති.

4. ස. පු: න වත්තබ්බං සඞ්ඝස්ස දින්නං මහප්ඵලන්ති.

ප. පටිඤ්ඤා: ආමන්තා.

ස. අනු: නනු සක්කො දෙවානමින්දො භගවන්තං එතදවොච:

අත්ථෙව සුත්තන්තොති.

ප. පටිඤ්ඤා: ආමන්තා.

ස. පා: තෙන හි සඞ්ඝස්ස දින්නං මහප්ඵලන්ති.