16. 8.
රූපං විපාකොති කථා.
1. ස. පු: රූපං විපාකොති.
ප. පටිඤ්ඤා: ආමන්තා.
ස. අනු: රූපං සුඛවෙදනියං, දුක්ඛවෙදනියං, අදුක්ඛමසුඛවෙදනියං, සුඛාය වෙදනාය සම්පයුත්තං, දුක්ඛාය වෙදනාය සම්පයුත්තං. අදුක්ඛමසුඛාය වෙදනාය සම්පයුත්තං, ඵස්සෙන සම්පයුත්තං, -පෙ- චිත්තෙන සම්පයුත්තං සාරම්මණං අත්ථි තස්ස ආවට්ටනා -පෙ- පණිධීති.
ප. පටි: න හෙවං වත්තබ්බෙ -පෙ-
ස. අනු: නනු න සුඛවෙදනියං -පෙ- න දුක්ඛවෙදනියං -පෙ- අනාරම්මණං, නත්ථි තස්ස ආවට්ටනා -පෙ- පණිධීති.
ප. පටිඤ්ඤා: ආමන්තා.
ස. ඨ: හඤ්චි න සුඛවෙදනියං -පෙ- න දුක්ඛවෙදනියං -පෙ- අනාරම්මණං, නත්ථි තස්ස ආවට්ටනා -පෙ- පණිධි,
ස. පා: නො ච වත රෙ වත්තබ්බෙ “රූපං විපාකො”ති.
2. ස. පු: ඵස්සො විපාකො, ඵස්සො සුඛවෙදනියො -පෙ- දුක්ඛවෙදනියො -පෙ- සාරම්මණො, නත්ථි තස්ස ආවට්ටනා -පෙ- පණිධීති.
ප. පටිඤ්ඤා: ආමන්තා.
ස. අනු: රූපං විපාකො, රූපං සුඛවෙදනීයං -පෙ- දුක්ඛවෙදනියං -පෙ- සාරම්මණං, අත්ථි තස්ස ආවට්ටනා -පෙ- පණිධීති.
ප. පටි: න හෙවං වත්තබ්බෙ -පෙ-
3. ස. පු: රූපං විපාකො, රූපං න සුඛවෙදනියං -පෙ- න දුක්ඛවෙදනියං -පෙ- අනාරම්මණං, නත්ථි තස්ස ආවට්ටනා -පෙ- පණිධීති.
ප. පටිඤ්ඤා: ආමන්තා.
ස. අනු: ඵස්සො විපාකො, ඵස්සො න සුඛවෙදනියො -පෙ- න දුක්ඛවෙදනියො -පෙ- අනාරම්මණො, නත්ථි තස්ස ආවට්ටනා -පෙ- පණිධීති.
ප. පටි: න හෙවං වත්තබ්බෙ -පෙ-
4. ප. පු: න වත්තබ්බං ‘රූපං විපාකො’ති.
ස. පටිඤ්ඤා: ආමන්තා.
ප. අනු: නනු කම්මස්ස කතත්තා උප්පන්නා චිත්තචෙතසිකා ධම්මා විපාකොති.
ස. පටිඤ්ඤා: ආමන්තා.
ප. ඨ: හඤ්චි කම්මස්ස කතත්තා උප්පන්නා චිත්තචෙතසිකා ධම්මා විපාකො,
ප. පා: තෙන වත රෙ වත්තබ්බෙ: “කම්මස්ස කතත්තා උප්පන්නං රූපං විපාකො”ති.
රූපං විපාකොති කථා නිට්ඨිතා.