1. ස. පු: අකුසලමූලං පටිසන්දහති කුසලමූලන්ති,

ප. පටිඤ්ඤා: ආමන්තා.

ස. අනු: යා අකුසලස්ස උප්පාදාය ආවට්ටනා -පෙ- පණිධි, සාව කුසලස්ස උප්පාදාය ආවට්ටනා -පෙ- පණිධී’ති.

ප. පටි: න හෙවං වත්තබ්බෙ -පෙ-

2. ස. පු: අකුසලමූලං පටිසන්දහති කුසලමූලං, න වත්තබ්බං යා අකුසලස්ස උප්පාදාය ආවට්ටනා -පෙ- පණිධි, සාව කුසලස්ස උප්පාදාය ආවට්ටනා -පෙ- පණිධී’ති.

ප. පටිඤ්ඤා: ආමන්තා.

ස. අනු: කුසලං අනාවට්ටන්තස්ස උප්පජ්ජති -පෙ- අපණිදහන්තස්ස උප්පජ්ජතී’ති.

ප. පටි: න හෙවං වත්තබ්බෙ -පෙ-

ස. අනු: කුසලං ආවට්ටන්තස්ස උප්පජ්ජති -පෙ- පණිදහන්තස්ස උප්පජ්ජතී’ති.

ප. පටිඤ්ඤා: ආමන්තා.

අනු. ඨ: හඤ්චි කුසලං ආවට්ටන්තස්ස උප්පජ්ජති -පෙ- පණිදහන්තස්ස උප්පජ්ජති.

අනු. පා: නො ච වත රෙ වත්තබ්බෙ “අකුසලමූලං පටිසන්දහති කුසලමූල”න්ති.

3. ස. පු: අකුසලමූලං පටිසන්දහති කුසලමූලන්ති.

ප. පටිඤ්ඤා: ආමන්තා.

ස. අනු: අකුසලං අයොනිසො මනසිකාරොතො උප්පජ්ජතී’ති.

ප. පටිඤ්ඤා: ආමන්තා.

ස. අනු: කුසලං අයොනියො මනසිකරොතො උප්පජ්ජතී’ති.

ප. පටි: න හෙවං වත්තබ්බෙ -පෙ-

ස. අනු: නනු කුසලං යොනිසො මනසිකරොතො උප්පජ්ජතී’ති.

ප. පටිඤ්ඤා: ආමන්තා.

අනු. ඨ: හඤ්චි කුසලං යොනියො මනසිකරොතො උප්පජ්ජති.

අනු. පා: නො ච වත රෙ වත්තබ්බෙ. අකුසලමූලං පටිසන්දහති කුසලමූලන්ති.

4. ස. පු: අකුසලමූලං පටිසන්දහති කුසලමූලන්ති.

ප. පටිඤ්ඤා: ආමන්තා.

ස. අනු: කාමසඤ්ඤාය අනන්තරා නෙක්ඛම්මසඤ්ඤා උප්පජ්ජති, බ්යාපාදසඤ්ඤාය අනන්තරා අබ්යාපාදසඤ්ඤා උප්පජ්ජති, විහිංසාසඤ්ඤාය අනන්තරා අවිහිංසාසඤ්ඤා උප්පජ්ජති, බ්යාපාදස්ස අනන්තරා මෙත්තා උප්පජ්ජති, අරතියා අනන්තරා මුදිතා උප්පජ්ජති, පටිඝස්ස අනන්තරා උපෙක්ඛා උප්පජ්ජතී’ති.

ප. පටි: න හෙවං වත්තබ්බෙ -පෙ-

5. ස. පු: කුසලමූලං පටිසන්දහති අකුසලමූලන්ති.

ප. පටිඤ්ඤා: ආමන්තා.

ස. අනු: යා කුසලස්ස උප්පාදාය ආවට්ටනා -පෙ- පණිධි, සා’ව අකුසලස්ස උප්පාදාය ආවට්ටනා -පෙ- පණිධී’ති.

ප. පටි: න හෙවං වත්තබ්බෙ -පෙ-

6. ස. පු: කුසලමූලං පටිසන්දහති අකුසලමූලං, යා කුසලස්ස උප්පාදාය ආවට්ටනා -පෙ- පණිධි, සා’ව අකුසලස්ස උප්පාදාය ආවට්ටනා -පෙ- පණිධී’ති.

ප. පටි: ආමන්තා.

ස. අනු: අකුසලං අනාවට්ටන්තස්ස උප්පජ්ජති -පෙ- අපණිදහන්තස්ස උප්පජ්ජතී’ති.

ප. පටි: න හෙවං වත්තබ්බෙ -පෙ-