1. ස. පු: සබ්බෙ ධම්මා සතිපට්ඨානා’ති.

ප. පටිඤ්ඤා: ආමන්තා.

ස. අනු: සබ්බෙ ධම්මා - සති, සතින්ද්රියං, සතිබලං, සම්මාසතිසතිම්බොජ්ඣඞ්ගො, එකායනමග්ගො ඛයගාමී බොධගාමී අපචයගාමී අනාසවා අසඤ්ඤොජනියා අගන්ථනීයා අනොඝනීයා අයොගනීයා අනීවරණියා අපරාමට්ඨා අනුපාදානියා, අසඞ්කිලෙසිකා? සබ්බෙධම්මා - බුද්ධානුස්සති, ධම්මානුස්සති, සඞ්ඝානුස්සති, සීලානුස්සති, චාගානුස්සති, දෙවතානුස්සති, ආනාපානසති, මරණානුස්සති, කායගතාසති, උපසමානුස්සතී’ති?

ප. පටි: න හෙවං වත්තබ්බෙ -පෙ-

2. ස. පු: සබ්බෙ ධම්මා සතිපට්ඨානා’ති.

ප. පටිඤ්ඤා: ආමන්තා.

ස. අනු: චක්ඛායතනං සතිපට්ඨානන්ති.

ප. පටි: න හෙවං වත්තබ්බෙ -පෙ-

3. ස. පු: චක්ඛායතනං සතිපට්ඨානන්ති.

ප. පටිඤ්ඤා: ආමන්තා.

ස. අනු: චක්ඛායතනං - සති, සතින්ද්රියං, සතිබලං, සම්මාසති, සතිසම්බෙජ්ඣඞ්ගො, එකායනමග්ගො ඛයගාමී බොධගාමී අපචයගාමී අනාසවං අසඤ්ඤොජනියං -පෙ- අසඞ්කිලෙසිකං? චක්ඛායතනං - බුද්ධානුස්සති, ධම්මානුස්සති, සඞ්ඝානුස්සති, සීලානුස්සති චාගානුස්සති, දෙවතානුස්සති, ආනාපානසති මරණානුස්සති, කායගතාසති, උපසමානුස්සතී’ති?

ප. පටි: න හෙවං වත්තබ්බෙ -පෙ-

4. ස. පු: සොතායතනං -පෙ- ඝානායතනං -පෙ- ජිව්හායතනං -පෙ- කායායතනං -පෙ- රූපායතනං -පෙ- සද්දායතනං -පෙ- ගන්ධායතනං -පෙ- රසායතනං -පෙ- ඵොට්ඨබ්බායතනං -පෙ- රාගො -පෙ- දොසො -පෙ- මොහො -පෙ- මානො -පෙ- දිට්ඨි -පෙ- විචිකිච්ඡා -පෙ- ථිනං -පෙ- උද්ධච්චං -පෙ- අහිරිකං -පෙ- අනොත්තප්පං සතිපට්ඨානන්ති.

ප. පටි: න හෙවං වත්තබ්බෙ -පෙ-

5. ස. පු: සති සතිපට්ඨානා, සා ච සතී’ති.

ප. පටිඤ්ඤා: ආමන්තා.

ස. අනු: චක්ඛායතනං සතිපට්ඨානං, තඤ්ච සතී’ති.

ප. පටි: න හෙවං වත්තබ්බෙ -පෙ-

6. ස. පු: සති සතිපට්ඨානා, සා ච සතී’ති.

ප. පටිඤ්ඤා: ආමන්තා.

ස. අනු: සොතායතනං -පෙ- ඝානායතනං -පෙ- ජිව්හායතනං -පෙ- කායායතනං -පෙ- රූපායතනං -පෙ- ඵොට්ඨබ්බායතනං -පෙ- රාගො -පෙ- දොසො -පෙ- මොහො -පෙ- අනොත්තප්පං සතිපට්ඨානං, තඤ්ච සතී’ති.

ප. පටි: න හෙවං වත්තබ්බෙ -පෙ-

7. ස. පු: චක්ඛායතනං සතිපට්ඨානං, තඤ්ච සතී’ති.

ප. පටිඤ්ඤා: ආමන්තා.

ස. අනු: සති සතිපට්ඨානා සා ච න සතී’ති.

ප. පටි: න හෙවං වත්තබ්බෙ -පෙ-

8. ස. පු: සොතායතනං -පෙ- කායායතනං -පෙ- රූපායතනං -පෙ- ඵොට්ඨබ්බායතනං -පෙ- රාගො -පෙ- දොසො -පෙ- මොහො -පෙ- අනොත්තප්පං සතිපට්ඨානං, තඤ්ච න සතී’ති.

ප. පටිඤ්ඤා: ආමන්තා.

ස. අනු: සති සතිපට්ඨානා, සා ච න සතී’ති.

ප. පටි: න හෙවං වත්තබ්බෙ -පෙ-