‘ඛෙමං ඛෙම”න්ති ආවුසො වුච්චති. කිත්තාවතා නු ඛො ආවුසො ඛෙමං වුත්තං භගවතාති:

ඉධාවුසො භික්ඛු විවිච්චෙව කාමෙහි -පෙ- පඨමං ඣානං උපසම්පජ්ජ විහරති. එත්තාවතා පි ඛො ආවුසො ඛෙමං වුත්තං භගවතා පරියායෙන -පෙ-

පුන චපරං ආවුසො භික්ඛු සබ්බසො නෙවසඤ්ඤානාසඤ්ඤායතනං සමතික්කම්ම සඤ්ඤාවෙදයිතනිරොධං උපසම්පජ්ජ විහරති. පඤ්ඤාය චස්ස දිස්වා ආසවා පරික්ඛීණා හොන්ති. එත්තාවතාපි ඛො ආවුසො ඛෙමං වුත්තං භගවතා නිප්පරියායෙනාති.

‘ඛෙමප්පත්තො ඛෙමප්පත්තො’ති ආවුසො වුච්චති -පෙ-

‘අමතං අමත’න්ති ආවුසො වුච්චති -පෙ-

‘අමතප්පත්තො අමතප්පත්තො’ති ආවුසො වුච්චති -පෙ-

‘අභයං අභය’න්ති ආවුසො වුච්චති -පෙ-

‘අභයප්පත්තො අභයප්පත්තො’ති ආවුසො වුච්චති -පෙ-

‘පස්සද්ධි පස්සද්ධී’ති ආවුසො වුච්චති -පෙ-

‘අනුපුබ්බපස්සද්ධි අනුපුබ්බපස්සද්ධී’ති ආවුසො වුච්චති -පෙ-

‘නිරොධො නිරොධො’ති ආවුසො වුච්චති -පෙ-

අනුපුබ්බනිරොධො අනුපුබ්බනිරොධොති ආවුසො වුච්චති. කිත්තාවතා නු ඛො ආවුසො අනුපුබ්බනිරොධො වුත්තො භගවතාති.

ඉධාවුසො භික්ඛු විවිච්චෙව කාමෙහි -පෙ- පඨමං ඣානං උපසම්පජ්ජ විහරති. එත්තාවතා පි ඛො ආවුසො අනුපුබ්බනිරොධො වුත්තො භගවතා පරියායෙන -පෙ-