‘පරිනිබ්බානං පරිනිබ්බාන’න්ති ආවුසො වුච්චති -පෙ-

‘තදඞ්ගනිබ්බානං තදඞ්ගනිබ්බාන’න්ති ආවුසො වුච්චති -පෙ-

“දිට්ඨධම්මනිබ්බානං දිට්ඨධම්මනිබ්බාන”න්ති ආවුසො වුච්චති, කිත්තාවතා නු ඛො ආවුසො දිට්ඨධම්මනිබ්බානං වුත්තං භගවතාති?

ඉධාවුසො භික්ඛු විවිච්චෙව කාමෙහි -පෙ- පඨමං ඣානං උපසම්පජ්ජ විහරති. එත්තාවතාපි ඛො ආවුසො දිට්ඨධම්මනිබ්බානං වුත්තං භගවතා පරියායෙන -පෙ-

පුන චපරං ආවුසො භික්ඛු සබ්බසො නෙවසඤ්ඤානාසඤ්ඤායතනං සමතික්කම්ම සඤ්ඤාවෙදයිතනිරොධං උපසම්පජ්ජ විහරති, පඤ්ඤාය චස්ස දිස්වා ආසවා පරික්ඛීණා හොන්ති, එත්තාවතා පි ඛො ආවුසො දිට්ඨධම්මනිබ්බානං වුත්තං භගවතා නිප්පරියායෙනාති.

‘ඛෙමං ඛෙම”න්ති ආවුසො වුච්චති. කිත්තාවතා නු ඛො ආවුසො ඛෙමං වුත්තං භගවතාති:

ඉධාවුසො භික්ඛු විවිච්චෙව කාමෙහි -පෙ- පඨමං ඣානං උපසම්පජ්ජ විහරති. එත්තාවතා පි ඛො ආවුසො ඛෙමං වුත්තං භගවතා පරියායෙන -පෙ-

පුන චපරං ආවුසො භික්ඛු සබ්බසො නෙවසඤ්ඤානාසඤ්ඤායතනං සමතික්කම්ම සඤ්ඤාවෙදයිතනිරොධං උපසම්පජ්ජ විහරති. පඤ්ඤාය චස්ස දිස්වා ආසවා පරික්ඛීණා හොන්ති. එත්තාවතාපි ඛො ආවුසො ඛෙමං වුත්තං භගවතා නිප්පරියායෙනාති.

‘ඛෙමප්පත්තො ඛෙමප්පත්තො’ති ආවුසො වුච්චති -පෙ-

‘අමතං අමත’න්ති ආවුසො වුච්චති -පෙ-

‘අමතප්පත්තො අමතප්පත්තො’ති ආවුසො වුච්චති -පෙ-