3. 8. 1-170.
රාගස්ස භික්ඛවෙ, අභිඤ්ඤාය ඉමෙ තයො ධම්මා භාවෙතබ්බා.
කතමෙ තයො :
සුඤ්ඤතො සමාධි, අනිමිත්තො සමාධි, අප්පණිහිතො සමාධි. රාගස්ස භික්ඛවෙ, අභිඤ්ඤාය ඉමෙ තයො ධම්මා භාවෙතබ්බා.
රාගස්ස භික්ඛවෙ, පරිඤ්ඤාය - පරික්ඛයාය - පහාණාය - ඛයාය - වයාය - විරාගාය - නිරොධාය - චාගාය - පටිනිස්සග්ගාය - ඉමෙ තයො ධම්මා භාවෙතබ්බාති.
දොසස්ස -පෙ- මොහස්ස - කොධස්ස - උපනාහස්ස - මක්ඛස්ස - පලාසස්ස - ඉස්සාය - මච්ඡරියස්ස - මායාය - සාඨෙය්යස්ස - ථම්භස්ස - සාරම්භස්ස - මානස්ස - අතිමානස්ස - මදස්ස - පමාදස්ස අභිඤ්ඤාය - පරිඤ්ඤාය - පරික්ඛයාය - පහාණාය - ඛයාය - වයාය - විරාගාය - නිරොධාය - චාගාය - පටිනිස්සග්ගාය ඉමෙ තයො ධම්මා භාවෙතබ්බාති.
ඉදමවොච භගවා. අත්තමනා තෙ භික්ඛූ භගවතො භාසිතං අභිනන්දුන්ති.
රාගපෙය්යාලං නිට්ඨිතං.
තිකනිපාතො.
එකකනිපාතො ච දුකනිපාතො ච තිකනිපාතො ච සමත්තා.
[උද්දානගාථා]
1. අඞ්ගුත්තරනිකායවරෙ සබ්බඤ්ඤුතා පරමවිසුද්ධදස්සිනා
නිපාතා එකාදසයෙව පවත්තිතා උද්දානතො තෙ නිසාමෙථ ආදිතො:
නිපාතා එකාදසයෙව පවත්තිතා උද්දානතො තෙ නිසාමෙථ ආදිතො:
[එකකනිපාතො]
2. ඉත්ථිරූපං පුරිසරූපං පඤ්චනීවරණානි ච,
අකම්මනියාදිකං පඤ්ච පඤ්ච චිත්තං අදන්තතො.
අකම්මනියාදිකං පඤ්ච පඤ්ච චිත්තං අදන්තතො.
3. සූකං පදුට්ඨරහදා ඵන්දනො ලහු පභස්සරා,
ආසෙවභාවෙ මනසි භාගීහි අපරෙ දුවෙ.
ආසෙවභාවෙ මනසි භාගීහි අපරෙ දුවෙ.
4. උප්පජ්ජන්ති පරිහානි අනත්ථාය අසම්මුසා,
චතුකොටි මුඛා එතෙ චතුරො සබ්බවත්ති තා.
චතුකොටි මුඛා එතෙ චතුරො සබ්බවත්ති තා.
5. අධම්මා විනයා ච භාසිතා චිණ්ණපඤ්ඤත්තපඤ්චමං,
ආපත්ති ලහු දුට්ඨුල්ලං සාවසෙසක්කමෙන ච
ආපත්ති ලහු දුට්ඨුල්ලං සාවසෙසක්කමෙන ච
6. පුග්ගලො සාරිපුත්තො ච එතදග්ගෙ තථෙව ච,
අට්ඨානඤ්ච නිබ්බිදා සම්බුධා අනුප්පන්නං ච කුසලං.
අට්ඨානඤ්ච නිබ්බිදා සම්බුධා අනුප්පන්නං ච කුසලං.