199. අථස්ස නවහි සොතෙහි අසුචි සවති සබ්බදා,
අක්ඛිම්භා අක්ඛිගූථකො කණ්ණම්හා කණ්ණගූථකො.
අක්ඛිම්භා අක්ඛිගූථකො කණ්ණම්හා කණ්ණගූථකො.
200. සිඞ්ඝාණිකා ච නාසාතො මුඛෙන චමතෙ’කදා,
පිත්තං සෙම්හඤ්ච වමති කායම්හා සෙදජල්ලිකා.
පිත්තං සෙම්හඤ්ච වමති කායම්හා සෙදජල්ලිකා.
201. අථස්ස සුසිරං සීසං මත්ථජුඞ්ගස්ස පූරිතං,
සුභතො නං මඤ්ඤතී බාලො අවිජ්ජාය පුරක්ඛතො.
සුභතො නං මඤ්ඤතී බාලො අවිජ්ජාය පුරක්ඛතො.
202. යදාච සො මතො සෙති උද්ධුමාතො විනීලකො,
අපවිද්ධො සුසානස්මිං අනපෙක්ඛා හොන්ති ඤාතයො.
අපවිද්ධො සුසානස්මිං අනපෙක්ඛා හොන්ති ඤාතයො.
203. ඛාදන්ති නං සුවාණා ච සිගාලා ච වකා කිමී,
කාකා ගිජ්ඣා ච ඛාදන්ති යෙ චඤ්ඤෙ සන්ති පාණිනො.
කාකා ගිජ්ඣා ච ඛාදන්ති යෙ චඤ්ඤෙ සන්ති පාණිනො.
204. සුත්වාන බුද්ධවචනං භික්ඛු පඤ්ඤාණවා ඉධ,
සො ඛො නං පරිජානාති යථාභූතං හි පස්සති.
සො ඛො නං පරිජානාති යථාභූතං හි පස්සති.
205. යථා ඉදං තථා එතං යථා එතං තථා ඉදං,
අජ්ඣත්තඤ්ච බහිද්ධා ච කායෙ ඡන්දං විරාජයෙ.
අජ්ඣත්තඤ්ච බහිද්ධා ච කායෙ ඡන්දං විරාජයෙ.
206. ඡන්දාරාගවිරත්තො සො භික්ඛු පඤ්ඤාණවා ඉධ,
අජ්ඣගා අමතං සන්තිං නිබ්බානපද මච්චුතං.
අජ්ඣගා අමතං සන්තිං නිබ්බානපද මච්චුතං.
207. දිපාදකො යං අසුචි දුග්ගන්ධො පරිහීරති,
නානා කුණප පරිපූරො විස්සවන්නො තතො තතො.
නානා කුණප පරිපූරො විස්සවන්නො තතො තතො.
208. එතාදිසෙන කායෙන යො මඤ්ඤෙ උණ්ණමෙතවෙ,
පරං වා අවජානෙය්ය කිමඤ්ඤත්ර අදස්සනාති.
පරං වා අවජානෙය්ය කිමඤ්ඤත්ර අදස්සනාති.
විජයසුත්තං නිට්ඨිතං.
1. 12.
මුනි සුත්තං
209. සන්ථවාතො භයං ජාතං නිකෙතා ජායතෙ රජො,
අනිකෙතමසන්ථවං එතං වෙ මුනිදස්සනං.
අනිකෙතමසන්ථවං එතං වෙ මුනිදස්සනං.
210. යො ජාතමුච්ඡිජ්ජ න රොපයෙය්ය
ජායන්තමස්ස නානුප්පවෙච්ඡෙ,
තමාහු එකං මුනිනං චරන්තං
අද්දක්ඛි සො සන්තිපදං මහෙසී.
ජායන්තමස්ස නානුප්පවෙච්ඡෙ,
තමාහු එකං මුනිනං චරන්තං
අද්දක්ඛි සො සන්තිපදං මහෙසී.