1.(167) හීනං ධම්මං න සෙවෙය්ය පමාදෙන න සංවසෙ
මිච්ඡාදිට්ඨිං න සෙවෙය්ය න සියා ලොකවද්ධනො.
මිච්ඡාදිට්ඨිං න සෙවෙය්ය න සියා ලොකවද්ධනො.
2.(168) උත්තිට්ඨෙ නප්පමජ්ජෙය්ය ධම්මං සුචරිතං චරෙ
ධම්මචාරී සුඛං සෙති අස්මිං ලොකෙ පරම්හි ච.
ධම්මචාරී සුඛං සෙති අස්මිං ලොකෙ පරම්හි ච.
3.(169) ධම්මං චරෙ සුචරිතං න නං දුච්චරිතං චරෙ
ධම්මචාරී සුඛං සෙති අස්මිං ලොකෙ පරම්හි ච.
ධම්මචාරී සුඛං සෙති අස්මිං ලොකෙ පරම්හි ච.
4.(170) යථා බුබ්බුලකං පස්සෙ යථා පස්සෙ මරීචිකං
එවං ලොකං අවෙක්ඛන්තං මච්චුරාජා න පස්සති.
එවං ලොකං අවෙක්ඛන්තං මච්චුරාජා න පස්සති.
5.(171) එථ පස්සථිමං ලොකං චිත්තං රාජරථූපමං
යත්ථ බාලා විසීදන්ති නත්ථි සඞ්ගො විජානතං.
යත්ථ බාලා විසීදන්ති නත්ථි සඞ්ගො විජානතං.
6.(172) යො ච පුබ්බෙ පමජ්ජිත්වා පච්ඡා සො නප්පමජ්ජති.
සො ඉමං ලොකං පභාසෙති අබ්භා මුත්තො’ව චන්දිමා.
සො ඉමං ලොකං පභාසෙති අබ්භා මුත්තො’ව චන්දිමා.
7.(173) යස්ස පාපං කතං කම්මං කුසලෙන පිථීයති
සො ඉමං ලොකං පභාසෙති අබ්භා මුත්තො’ව චන්දිමා.
සො ඉමං ලොකං පභාසෙති අබ්භා මුත්තො’ව චන්දිමා.
8.(174) අන්ධභූතො අයං ලොකො තනුකෙත්ථ විපස්සති.
සකුන්තො ජාලමුත්තො’ව අප්පො සග්ගාය ගච්ඡති.
සකුන්තො ජාලමුත්තො’ව අප්පො සග්ගාය ගච්ඡති.
9.(175) හංසාදිච්චපථෙ යන්ති ආකාසෙ යන්ති ඉද්ධියා
නීයන්ති ධීරා ලොකම්හා ජිත්වා මාරං සවාහිනිං.
නීයන්ති ධීරා ලොකම්හා ජිත්වා මාරං සවාහිනිං.
10.(176) එකං ධම්මං අතීතස්ස මුසාවාදිස්ස ජන්තුනො
විතිණ්ණපරලොකස්ස නත්ථි පාපං අකාරියං.
විතිණ්ණපරලොකස්ස නත්ථි පාපං අකාරියං.